1 PETERO 1:12 - BUKUIT NE TILIIL Sireet ne Dutero Kanon

¹² Che ki king'aang'ji, ma agobo icheeget, ago kiyaiywok okweek tuguuchuuto, che kagemwaiwok nguno eng' icheek che ki amwok logoiywek che myach eng' Kabuuset ne Tiliil ne ki kiyok eng' kipsengwet; tuguuk che machei malaikaisyek miising' kogeer.

Bukuit Ne Tilil

¹² Che ki king'aang'ji, ma agobo icheeget, ago kiyaiywok okweek tuguuchuuto, che kagemwaiwok nguno eng' icheek che ki amwok logoiywek che myach eng' Kabuuset ne Tiliil ne ki kiyok eng' kipsengwet; tuguuk che machei malaikaisyek miising' kogeer.

BUKUIT NE TILIL

¹² Che kiging’ang’ji, ma agobo icheget, ago kiyaiywok okwek tuguchuto, che kagemwawok nguno eng’ ichek che kiamwok logoiywek che miach eng’ Tamirmiriet ne Tilil ne kigiyok eng’ kipsengwet; tuguk che machei malaikaisiek mising’ kogeer.

1 PETERO 1:12 Referencias Cruzadas

KOMONG'U 25:20

Itoorchingei togoochigap kerubisyek ak ko koegitu kebebaikwak koba parak, si kouure kebebaikwak kerwetap rireenet ak kotoorchigei togoochikwak, ko keerei kerwetap rireenet.

KALEWANAIK 1:23

Ogas oriip kateunennyu, ogeero, aroong'wok kabwaatutikyuk, ak ang'ang'wok ng'aleekyuk.

ISAIAH 32:15

agoi keroong'wech Kabuuset ne Tiliil eng' parak, ak koek surkwen mbareet ne rurei, ak kiroge mbareet ne rurei, timiin.

ISAIAH 53:1

Ng'oo ne ki iyan ng'aleekyok? Ak ki king'aang'ji ng'oo eutap Kamuktaindet ne Toroor?

JOEL 2:28

Ak ye ibata chooto, ko tuun aroong'jini Kabuusennyu piik tugul; ak komaoten weeriikwok ak tiibiikwok, irwotyin poisyekwok karwotitaosyek, keerei murenikwok ng'ang'utik:

AMOS 3:7

Iman ma yaei kiy Kiptaiyat Kamuktaindet ne Toroor kotom kong'aang'ji ung'ootyennyi otwogikyik maotik.

SEKARIA 12:10

Ak ande muguleldap myeeindo ak ne po saaet kootap Daudi, ak piik che menyei Jerusalem, ak konyala icheek che kitoora: ak kootee agobo ineendet ko uu ye iteei chii agobo weeriinnyi ne ki kiii inegeik ak konyo ng'wanindo agobo ineendet, ko uu ineendet ne mi eng' ng'wanindo agobo taaitanyi.

MATAYO 11:25

Eng' peetuusyechooto kowol Jeso kole, “Amwaun kongoi, we Abba, Kiptaiyatap kipsengwet ak ng'wony, amu ki iung'e tuguuchu che utaatiin ak che ng'oomeen, ak ki ing'aang'ji manyurunik;

MATAYO 11:27

Ki kogoono tuguuk tugul Abba: ama mi ne ingen Weeriit, kobatee Kwanda; ama mi ne ingen Kwanda kobatee Weeriit, ak chii age tugul ne chamei Weeriit kong'aang'jin.

MATAYO 16:17

Kowol Jeso kole, “Iberuurot inyee, Simion Barjona, amu mang'ang'un niito poorto anan korotiik, ago Abbannyu ne mi kipsengwet.

MARIKO 16:15

Ak ki leenji, “Oba ng'wony komugul, oamjinote logoiywek che myach piik tugul.

LUKA 15:10

Uu nooto anyun, amwaiwok ale, mi poiboiyet eng' taitap malaikaisyegap Kamuktaindet eng' kiptengekyot agenge ne kasik.

LUKA 2:26

Ak kiga kong'aang'ji ineendet Kabuuset ne Tiliil, kole, ma keerei meet, kotom kogeer Kristo ne po Kiptaiyat.

LUKA 9:6

Koba anyun kobunoot nganasook, koamdaati logoiywek che myach, ak kosaaboti eng' oldo tugul.

JOHANA 15:26

Ago ye kagoit Kagaigaindet, ne tuun ayookwok kobunu Kwanda, Kabuuset ne Tiliil ne po imanit, ne punu Kwanda, konyo kobaoryanjo:

POISYONIGAP CHE KIYOKTOI 10:44

Ye kita komwaei Petero ng'aleechu, kochoorchigei Kabuuset ne Tiliil tugul che kigasei ng'olyoot.

POISYONIGAP CHE KIYOKTOI 16:10

Ye kingo kagogeer ng'ang'utyet, eng' sainooto kemach keebe Makedonia, ko kagenai keele kogoguurech Kamuktaindet si kobiit keamji icheek logoiywek che myach.

POISYONIGAP CHE KIYOKTOI 2:33

Amu itoroorot ineendet eng' eutap tai ne po Kamuktaindet, ak ko kagetaach eng' Kwanda kayomiset ne po Kabuuset ne Tiliil, ko kagoroong' anyun niito ogeere ak ogase.

POISYONIGAP CHE KIYOKTOI 4:31

Kingo kagosa, kotumdumgei ole kiga koyumjigei; ak ki nyi icheek tugul Kabuuset ne Tiliil, ak ki mwa ng'olyootap Kamuktaindet eng' nyiganateet.

POISYONIGAP CHE KIYOKTOI 4:8

Kingo nyi anyun Petero Kabuuset ne Tiliil, koleenji icheek, “Okweek pounigap piik ak poisyek,

POISYONIGAP CHE KIYOKTOI 8:25

Ye kingo kagobaoryan anyun Petero ak Johana ak komwa ng'olyootap Kiptaiyat, koweektagei Jerusalem, ak koamji logoiywek che myach nganasook che chaang' che po Samarik.

ROMANIK 1:15

Nooto anyun, ko uu ye amuuchi, ko aa choboot aamwok logoiywek che myach ak okweek che omite Rome.

ROMANIK 1:17

King'aanyei eng' niito imandap Kamuktaindet kobun kayaneet agoi kayaneet; ko uu ye siraat kole, “Ineendet ne po imanda ko sabei eng' kayaneet.”

ROMANIK 10:15

Ak amdoitoi ano, ngo ma kiyookto? Agot ko uu ye siraat kole, “Korooron ne tya keelyegap icheeget che ibu logoiywek che po poiboiyet, che po tuguuk che myach!”

ROMANIK 15:19

eng' kamuget ne po kaboorunoik ak kwang'utik, eng' kamuktaetap Kabuuset ne Tiliil; nooto anyun, kong'etee Jerusalem, ak komoswekyik agoi Iluriko, ko ki aamdaate komyee logoiywek che myach che po Kristo;

1 KORINTOEK 2:10

Ago king'ang'wech Kamuktaindet eng' Kabuuset ne Tiliil: amu isyachi Kabuuset ne Tiliil tuguuk tugul, agot tuguuk che po oriit che po Kamuktaindet.

2 KORINTOEK 1:22

ak king'oochech, ak kogoonech Kabuuset ne Tiliil eng' mugulelwekyok koek tongoaniatap tuguuk che pwoonei.

2 KORINTOEK 6:6

eng' tiliilindo, eng' naet, eng' mutyonet, eng' talasyet, eng' Kabuuset ne Tiliil, eng' chamyet ne ma tinyei keniisyet,

GALATYEK 1:12

Amu ki ma ataach eng' chii, ama kineta, ago eng' ng'ang'utyetap Jeso Kristo.

GALATYEK 1:16

si kong'aany Weeriinnyi eng' anee, si kobiit aamda ineendet eng' Pororyosyek; ki ma king'alaal anyun ak chii eng' sainooto:

EPESOEK 3:10

si kobiit konaak eng' kaniset nguno utaatyet ne oo ne po Kamuktaindet eng' laitornatosyek ak pounatosyek eng' komoswegap kipsengwet,

1 THESSALONIKEK 2:9

Amu obwaati, tupchosyechu, poisyennyo ne uui ak pichiindo, keboisye kemoi ak peet, si ma kigoochi mileet chii age tugul eng' okweek. Ki kiamwok logoiywek che myach che po Kamuktaindet.

1 TIMOTEO 3:16

Ak ne matiny, ko oo ung'ootyot ne po kayweet ne kiywei Kamuktaindet: Ineendet ne king'ang'ak eng' poorto, ki kiityi imanda eng' Kabuuset ne Tiliil, ne ki keer malaikaisyek, ne ki kiamda eng' Pororyosyek, ne ki iyan che po ng'wony, ne ki kimut kwo parak eng' toroornatet.

HEBRANIK 11:13

Ki pek chuuto tugul eng' kayaneet, ama taach arorutichooto, ago kiga kogeer ak koboiboitu kota komi ole loo, ko kagong'aany kole ki toek ak ko kiprutoinik eng' ng'wony.

HEBRANIK 2:4

ak kibaoryani agine Kamuktaindet kobooto icheeget, eng' kaboorunoik ak kwang'utik, ak eng' kamugosyek che teerchiin, ak eng' kagoitaosyegap Kabuuset ne Tiliil, ko uu magennyi.

HEBRANIK 4:2

Amu ki kiamwech iman logoiywek che myach, ko uu icheeget: ago ma toret icheek ng'olyootap kaseet, amu ki ma namgei ak kayanetap icheeget che kigasei.

1 PETERO 1:25

Ago tebyei koigeny ng'olyootap Kiptaiyat. Niito ko ng'olyootap logoiywek che myach che ki kiamwok.

1 PETERO 4:6

Amu niito ko ki kiamji logoiywek che myach agot che ki kobek, si kobiit kirwookyi eng' poorto ko uu ye kirwookyin piik, ago si kosapcho eng' saboon ko uu ye sabei Kamuktaindet.

NG'ANG'UTYET 5:11

Ki ageer, ak agas kutitap malaikaisyek che chaang' che kaiitennywa ko ki eliphuusyek taman konyil eliphuusyek taman, ak eliphuusyek konyil eliphuusyek. Ki kayiem `icheek ng'echeranooto po laitornatet ak tyong'ichu kasaptos ak poisyechugai;