1 KORINTOEK 1:21 - BUKUIT NE TILIIL Sireet ne Dutero Kanon

²¹ Amu eng' utaatyet ne po Kamuktaindet koma nai ng'wony Kamuktaindet eng' utotyennyi, ki cham Kamuktaindet kosar icheeget che iyani, eng' perberyo ne po ng'olyoot ne ki amdoi.

Bukuit Ne Tilil

²¹ Amu eng' utaatyet ne po Kamuktaindet koma nai ng'wony Kamuktaindet eng' utotyennyi, ki cham Kamuktaindet kosar icheeget che iyani, eng' perberyo ne po ng'olyoot ne ki amdoi.

BUKUIT NE TILIL

²¹ Amu eng’ ng’omnatet ne bo Jehovah ko ma nai ng’ony Jehovah eng’ ng’omnatennyi, kicham Jehovah kosor icheget che iyani, eng’ berberindo ne bo ng’olyot ne kiamdoi.

1 KORINTOEK 1:21 Referencias Cruzadas

MATAYO 11:25

Eng' peetuusyechooto kowol Jeso kole, “Amwaun kongoi, we Abba, Kiptaiyatap kipsengwet ak ng'wony, amu ki iung'e tuguuchu che utaatiin ak che ng'oomeen, ak ki ing'aang'ji manyurunik;

LUKA 10:21

Eng' sainooto kobaibait Jeso eng' Kabuuset ne Tiliil, ak kole, “Aweegun kongoi, ee Abba, Kiptaiyat ne po kipsengwet ak ng'wony, amu ki iung'e tuguuchu che utaatiin ak che ng'oomeen, ak ki ing'aang'ji manyurunik: ee, Abba; amu ki chamak ko uu nooto eng' taing'ung'.

LUKA 12:32

Amoiywei, okweek akweet ne ming'in; amu paibai Kwandang'wong' kogoonok laitornatet.

JOHANA 12:31

Kabiit nguno kirwoogetap ng'wonyuni: ak kagitoorta anyun nguno ne oo ne po ng'wony komanda.

ROMANIK 1:28

Ak ko uu ye ki eesyo kotebee Kamuktaindet naennywa, kobagakyi Kamuktaindet icheek kabwaatutik che ki kong'emogis, si koyai tuguuchooto che ma nyolu;

ROMANIK 11:33

Ee tyanitu anyun ooindo ne po mogornatosyegap utaatyet ak naetap Kamuktaindet! Ak kirwoogutikyik che ma isiagaksei, ak ortinwekyik che ma cheeng'oksei!

1 KORINTOEK 1:18

Amu perberyo ng'olyootap kimurtoiyot eng' icheeget che lustos; ago eng' acheek che kisaru ko kimnateetap Kamuktaindet.

1 KORINTOEK 1:23

ago ki amdoi acheek Kristo ne ki kigartaat, ne kanagutyet eng' Yahudik, ak ko perberyo eng' Pororyosyek;

1 KORINTOEK 1:24

ago eng' icheek che ki kiguur, Yahudik kobooto Yunanik, Kristo ko kamuktaetap Kamuktaindet, ak utaatyetap Kamuktaindet.

1 KORINTOEK 1:25

Amu perberyo ne po Kamuktaindet ko utaat kosiir utaatyetap piik; ak nyalulnatetap Kamuktaindet ko kiim kosiir ne po piik.

1 KORINTOEK 1:27

ago ki lewen Kamuktaindet tuguuk che perber che po ng'wony, si kogoochi kalilanet che utaatiin; ak ki lewen Kamuktaindet tuguuk che nyalulyotin che po ng'wony, si kogoochi kalilanet tuguuk che kiimeen;

1 KORINTOEK 11:32

Ago ye kirwookwech, kotigoonech Kiptaiyat, si ma tuun ki kikyech kobooto ng'wony.

1 KORINTOEK 2:14

Ma taachei chiito ne mi eng' atebeetap poorto tuguuk che po Kabuusetap Kamuktaindet: amu perberyo eng' ineendet; ak temenee koobeesyo tuguuchooto, amu naoksei eng' toretetap Kabuuset.

1 KORINTOEK 4:10

Ki che perberen acheek amu Kristo, ago oo utaatiin eng' Kristo; kinyalulyotin acheek, ago oo kiimeen; otinye teegisto okweek, ago ma teechech chii.

1 KORINTOEK 6:2

Anan mongen ole tuun irwookyin piik che tiliileen ng'wony? Ak ngot kotun orwookyini ng'wony, ko tos ma nyoljinok orwooch agobo tuguuk che mengeechen?

GALATYEK 1:15

Ago ye kingo cham Kamuktaindet, ne kiitabaana, kobooch moetap kamennyu, ak koguura eng' myeeindonyi,

GALATYEK 4:8

Ago eng' peetuunooto, ki ma ongen Kamuktaindet, ko ki oo otwogigap icheeget che ki ma ko kamuktaik che ma po iman:

EPESOEK 1:9

ko kagoboorwech ung'ootyet ne po magennyi, ko uu chamennyi ne myee ne ki chop eng' ineendet

EPESOEK 3:10

si kobiit konaak eng' kaniset nguno utaatyet ne oo ne po Kamuktaindet eng' laitornatosyek ak pounatosyek eng' komoswegap kipsengwet,

KOLOSAIK 1:19

Amu ki chamak komyee keele komeny nyiyet tugul eng' ineendet;

HEBRANIK 1:14

Tos malakaisyek tugul koma saboonwek che mi poisyet, che kiyooktoi kobois agobo icheek che tuun nyooru yetunet?

HEBRANIK 2:3

kechilildoi ano anyun, ngemete yetunet ne oo ne tee ni? Ne kiga kisip kemwa eng' Kiptaiyat, ak ki igimitwech icheek che ki kas;

HEBRANIK 7:25

Eng' nooto anyun komuuchi kogeny kosar agoi kasuldaet icheek che pwaanjin Kamuktaindet eng' ineendet, amu sabei ineendet koigeny si kobiit kosaaei agobo icheek.

JAKOBO 4:4

Okweek che oibegei, mongen ole chorwanditap ng'wony ko puunyoondit eng' Kamuktaindet? Chiito age tugul anyun ne machei koek chorweetap ng'wony koyaegei koek puunyootap Kamuktaindet.

JAKOBO 5:15

ak kosoop saaetap kayaneet ineendet ne myani, ak kong'eet `Kiptaiyat ineendet; ak ngot ko ki koyai tengekwogik, kenyochi kaat.

JAKOBO 5:20

ko ingonai kole ineendet ne walei kiptengekyot kobagaakta mastaetap ooreennyi kosaru saboondo eng' meet, ak kotuchei tengekwogik che chaang'.