1 KORINTOEK 1:20 - BUKUIT NE TILIIL Sireet ne Dutero Kanon

²⁰ Mi ano ne utaat? Mi ano siriindet? Mi ano kiptiyotyot ne po kenyisyechu? Tos ma yai Kamuktaindet ng'omnatetap ng'wonyuni koberberit?

Bukuit Ne Tilil

²⁰ Mi ano ne utaat? Mi ano siriindet? Mi ano kiptiyotyot ne po kenyisyechu? Tos ma yai Kamuktaindet ng'omnatetap ng'wonyuni koberberit?

BUKUIT NE TILIL

²⁰ Mi ano ne ng’om? Mi ano sirindet? Mi ano kiptiiyotiot ne bo kenyisiechu? Tos ma yai Jehovah ng’omnatetab ng’onyuni koberberit?

1 KORINTOEK 1:20 Referencias Cruzadas

2 SAMUEL 15:31

Ak ki kimwachi Daudi keleenji, “Mi Ahitopel kobooto njaamigap Absalom.” Ak ki sa Daudi kole, “Ee Kamuktaindet ne Toroor, asoomin ale, wal kirwoogetap Ahitopel koek perberyo.”

2 SAMUEL 16:23

Eng' peetuusyechooto anyun, ko ki uu kirwoogetap Ahitopel ne ki irwoochi, kirwoogetap chii ne teebei eng' ng'olyootap Kamuktaindet. Ki uu nooto anyun kirwoogutik tugul che po Ahitopel eng' Daudi ak eng' Absalom.

2 SAMUEL 17:14

Kole anyun Absalom ak piik tugul che po Israel, Karaaran kirwoogetap Hushai Arkindet kosiir kirwoogetap Ahitopel. Amu kiga til Kamuktaindet ne Toroor koterteer kirwooget ne myee ne po Ahitopel, si kobiit koipchi Kamuktaindet ne Toroor yaityet Absalom.

2 SAMUEL 17:23

Kingo keer Ahitopel kole mata koosup chii kirwoogennyi, koiito sigiryennyi ak kong'eet kwo kaa, kot koit nganasennyi. Kirarchi keet piigap koonnyi yeityo kwo kogeetkei, ak kime. Ara ki kitupchi poortanyi kereritap kwandanyi.

Kitabuutap JOB 12:17

Imuti kirwoogik aach ngor koloegitu, ak yaei `ineendet icheek koek che perber.

Kitabuutap JOB 12:20

Istoi tweguunetap che kiyani, ak koistoi kaguiyetap poisyek.

Kitabuutap JOB 12:24

Ibee `kaguiyet pounigap piik che po ng'wony, ak igoochin ko ombeniot eng' surkwen ole ma mi ooreet.

ISAIAH 33:18

Ibwaati muguleldang'ung' agobo kamuiset: “Mi ano ineendet ne iitisyei, mi ano ineendet ne kerei karagendoetap aisuruut? Mi ano ineendet ne iiti teeksosyek che kooen?”

ISAIAH 44:25

Ne walei tartetap kiplembechonik koek puch, ak kogoochin che ng'oorsei koiiywenso; ne weechi piik che utaatiin koba let, ak koyaei naennywa koek perberyo:

ISAIAH 53:1

Ng'oo ne ki iyan ng'aleekyok? Ak ki king'aang'ji ng'oo eutap Kamuktaindet ne Toroor?

JEREMIA 10:7

Ng'oo ne ma iywein, ee Laitoryatap pororyosyek? Nyoljinin toroornatet amu ma mi ne uu inyee eng' piik tugul che utaatiin che po pororyosyek, ak eng' pounatosyekwak tugul.

MATAYO 13:22

Nooto ne ki kilechi ole mi katook, ko ineendet ne kasei ng'olyoot ak kogiich kererwegap met che po ng'wony, ak kaberberisyet ne po mogornateet, si mai.

JOHANA 12:31

Kabiit nguno kirwoogetap ng'wonyuni: ak kagitoorta anyun nguno ne oo ne po ng'wony komanda.

POISYONIGAP CHE KIYOKTOI 17:18

Ak ki tuiyo kobooto ineendet alak che po ng'amotigap Epikurio ak Stoiko. Ak kole alak, “Mwaei nee kipchang'alaini?” Kole alak, “Uu kabartaindet ne po kamuktaik che teer.” Ki mwa ng'aleechu amu ki amdoi agobo Jeso ak ng'eetyeet.

ROMANIK 1:20

Amu ki keerei komyee tuguukyik che ma taagu kobooch yaetap ng'wony che naoksei eng' tuguuk che yaotin, agot kimnateennyi ne po koigeny ak ineendet iman ko Kamuktaindet; si ma ek icheek che tinyei lotania; Kiguitos ak kotaagu komyee kimnateet ne po koigeny ak piteetap Kamuktaindet che nga ma taagu kobooch yaetap ng'wony, kiguitos ak kotaagu eng' tuguuk che ki yai Ineendet; si ma ek icheek che tinyei lotania;

ROMANIK 1:22

Kingo leen kondegei kole utaatiin, koberberitu,

1 KORINTOEK 1:19

Amu ki kisir keele, Ang'eme utaatyet che utaatiin, Ak aeesyoi kaguiyetap icheeget che iguitos.

1 KORINTOEK 1:26

Amu, ogeer kuurseng'wong', tupchosyechu, ole ma kiguur che chaang' che utaatiin eng' atebeetap poorto, anan che chaang' che kiimeen, ama che chaang' che taagunotiin:

1 KORINTOEK 1:27

ago ki lewen Kamuktaindet tuguuk che perber che po ng'wony, si kogoochi kalilanet che utaatiin; ak ki lewen Kamuktaindet tuguuk che nyalulyotin che po ng'wony, si kogoochi kalilanet tuguuk che kiimeen;

1 KORINTOEK 1:28

ak ki lewen Kamuktaindet tuguuk che ma taagunotiin che po ng'wony, ak tuguuk che kisasei, ak tuguuk che ma miitei, si kowal koek puch tuguuk che miitei:

1 KORINTOEK 11:32

Ago ye kirwookwech, kotigoonech Kiptaiyat, si ma tuun ki kikyech kobooto ng'wony.

1 KORINTOEK 2:6

Ago kimwae utaatyet eng' kwenutap che ititaatiin: ago utaatyet ne ma po peetuusyechu, anan ne po pounigap peetuusyechu, che machei koek puch:

1 KORINTOEK 2:8

ne manaei agot agenge eng' pounik che po peetuusyechu: amu nda kiga nai, ta ki ma kogartati Kiptaiyatap toroornatet:

1 KORINTOEK 3:18

Amat koberbergei chii. Ngo pwaati chii age tugul eng' kwenung'wong' kole utaat eng' peetuusyechu, ko ingoek ne perber, si kobiit koek ne utaat.

1 KORINTOEK 3:19

Amu ng'omnateet ne po ng'wonyuni ko perberyo eng' Kamuktaindet. Amu ki kisir keele, “Ineendet ne namei che utaatiin eng' ng'aalseennywa;”

1 KORINTOEK 6:2

Anan mongen ole tuun irwookyin piik che tiliileen ng'wony? Ak ngot kotun orwookyini ng'wony, ko tos ma nyoljinok orwooch agobo tuguuk che mengeechen?

JAKOBO 4:4

Okweek che oibegei, mongen ole chorwanditap ng'wony ko puunyoondit eng' Kamuktaindet? Chiito age tugul anyun ne machei koek chorweetap ng'wony koyaegei koek puunyootap Kamuktaindet.