Sant Marc 6:3 - Testamant Nevez 1897 (Jenkins)

³ Ha n’eo ket he‐man ar c’halvez, mab Mari, breur Jakes, Joses, Jud ha Simon? He c’hoarezed ha n’emaint‐hi ket aman ganeomp? Hag e kavent leac’h enhan da veza scandalizet.

Bibl Koad 21: Ar Bibl e Brezhoneg evit ar Vretoned

³ Ha n’eo ket eñ ar c’halvez, mab Mari, breur Jakez, Jozez, Jud ha Simon? E c’hoarezed, ha n’emaint ket amañ en hon touez? Hag e kavent tamall ennañ.

Sant Marc 6:3 Referencias Cruzadas

Mazhev 11:6

Eürus eo an hini n’en em scandalizo ket abalamour d’in.

Mazhev 12:46

Pa oa Jesus c’hoas o komz ouz ar bobl, he vam hag he vreudeur pere a oa er meaz, a glaske komz outhan.

Sant Marc 15:40

Bez’e oa ive eno gragez hag a zelle a‐ziabell, e‐touez pere e oa Mari Magdalen, ha Mari, mam da Jakes ar yaouanka ha da Joses, ha Salome,

Sant Marc 3:18

hag Andre, Philip, Barthelemi, Maze, Thomas, Jakes mab Alfe, Tadde, Simon ar C’hananead, ha Juda Iscariot,

Sant Lucas 2:34

Ha Simeon a vennigaz anezhe, hag a lavaraz da Vari he vam: Setu, ar bugel‐man a zo lakeat evit beza occasion a scandal hag a zilvidigez da galz en Israel, hag evit gouzanv controliach a‐berz an dud,

Sant Lucas 7:23

hag eürus eo an hini na vezo ket scandalizet abalamour d’in.

Sant Lucas 8:20

Hag e teujont da lavaret dezhan: Da vam ha da vreudeur a zo aze er meaz, hag ho deuz c’hoant da velet ac’hanoud.

Sant Ian 14:22

Judas, (n’e ket an Iscariot eo,) a lavaraz dezhan: Aotrou, a be leac’h e teu ma en em ziskouezi deomp‐ni, ha nann d’ar bed?

Sant Ian 6:42

Hag e lavarent: Ha n’e ket hennes eo Jesus, mab Josef, a behini ec’h anavezomp an tad hag ar vam? Penaos eta ec’h hell lavaret: Me a zo diskennet euz an env?

Actou an Ebestel 1:13

Ha pa oent en em gavet, e pignjont er gambr huella e pe leac’h e choume Per, Jakes, Ian, Andre, Philip, Thomas, Bartheleme, Maze, Jakes, mab Alphe, Simon Zelotes, ha Jud, breur Jakes.

Actou an Ebestel 12:17

Mes hen, oc’h ober sin dezhe gant he zorn da devel, a gontaz dezhe penaos hen doa an Aotrou hen digasset er meaz euz ar prizon; hag e lavaraz: Roit da anaoud kement‐man da Jakes ha d’hon breudeur; goude‐ze e sortiaz, hag ez eaz da eul leac’h all.

1 Korintiz 1:23

ni a brezeg ar C’hrist crucifiet, scandal evit ar Judevien ha follentez evit ar Greked;

1 Korintiz 9:4

Daoust ha n’hon euz‐ni ket ar gwir da zibri ha da eva?

Galated 1:19

mes na veliz hini euz an ebestel all, nemed Jakes, breur an Aotrou.

1 Pêr 2:4

en eur dostaad outhan; pehini eo ar mean beo taolet a‐gostez gant an dud, mes choazet gant Doue, ha precius;

S. Jud 1:1

Jud, servicher Jesus‐Christ, ha breur da Jakes, d’ar re a zo galvet, a zo bet santifiet en Doue an Tad, ha diwallet gant Jesus‐Christ.