Sant Marc 1:8 - Testamant Nevez 1897 (Jenkins)

⁸ Evidoun‐me em euz ho padezet en dour, mes hen ho padezo er Spered‐Santel.

Bibl Koad 21: Ar Bibl e Brezhoneg evit ar Vretoned

⁸ Me am eus ho padezet en dour, met eñ ho padezo er Spered-Santel.

Sant Marc 1:8 Referencias Cruzadas

Mazhev 3:11

Evidoun‐me a vadez ac’hanoc’h en dour evit ar gonversion; mes an hini a zeu var va learc’h a zo galloudussoc’h egedoun, ha n’oun ket dign da zougen dezhan he voutou; hen ho padezo er Spered‐Santel hag en tan.

Sant Marc 1:7

Prezeg a rea en eur lavaret; Dond a ra var va lerc’h unan, hag a zo galloudussoc’h eged’oun, da behini n’oun ket dign da blega, evit dizeren correou he voutou.

Sant Marc 1:9

En amzer‐ze e c’hoarvezaz ma teuaz Jesus euz a Nazaret, kear euz a C’halile, hag e oe badezet gant Ian er Jourdan.

Sant Lucas 3:16

Ian a gomzaz hag a lavaraz d’an holl: Evidounme a vadez ac’hanoc’h en dour; mes dond a ra unan all muioc’h galloudec eged’oun; ha n’oun ket dign da zilassa dezhan correou he voutou; hennes ho padezo er Spered‐Santel hag en tan.

Sant Ian 1:26

Ian a respontaz dezhe hag a lavaraz: Evidoun, me a vadez en dour; mes bez’ ez euz unan en ho touez, ha na anavezit ket.

Sant Ian 1:33

Evidoun‐me, n’hen anavezen ket; mes an hini hen deuz va digasset da vadezi en dour, hen deuz lavaret d’in: An hini var behini e veli ar Spered o tisken, hag o choum, hennes eo an hini a vadez er Spered‐Santel.

Actou an Ebestel 1:5

Rag Ian evit‐gwir hen deuz badezet en dour, mes a‐ben eun neubeud deiziou, c’houi a vezo badezet er Spered‐Santel.

Actou an Ebestel 10:45

Hag an holl dud fidel circonciset, a oa deuet gant Per, a oe souezet, o velet e oa skulliet ive var ar Jentiled an donezon euz ar Spered‐Santel;

Actou an Ebestel 2:17

En deiziou diveza, eme Doue, e c’hoarvezo ma skullin euz va Spered var bep kig, ho mipien hag ho merc’hed a brofetizo; ho tud yaouank a velo visionou, hag ho tud koz ho devezo huvreou.

Actou an Ebestel 2:4

Hag e oent holl leuniet euz ar Spered‐Santel, hag e commansjont da gomz langachou estranjour, hervez ma lake ar Spered anezhe da gomz.

1 Korintiz 12:13

Rag badezet omp bet holl ebarz er memeus Spered, evit beza eur c’horf hep‐ken, ken Judevien, ken Greked, esclavourien ha tud libr; ha leuniet omp bet holl euz ar memeus Spered.