Galated 3:1 - Testamant Nevez 1897 (Jenkins)

¹ O Galated diskiant! piou hen deuz ho touellet evit na zentfac’h ken ouz ar wirionez? c’houi, dirag daou‐lagad pere eo bet diskouezet Jesus‐Christ ken sclear, hag evel crucifiet enoch?

Bibl Koad 21: Ar Bibl e Brezhoneg evit ar Vretoned

¹ O Galated diskiant! Piv en deus ho strobinellet evit na sentfec’h ken ouzh ar wirionez, c’hwi hag a zo bet diskouezet Jezuz-Krist ken sklaer dirak ho taoulagad evel kroazstaget ennoc’h?

Galated 3:1 Referencias Cruzadas

Mazhev 24:24

Rag sevel a raio fals‐Christed, ha fals‐profeted hag a rai miraclou braz ha burzudou, evit trompla, mar gellont, ar re choazet ho‐unan.

Mazhev 7:26

Mes piou‐benag a glev ar c’homzou‐man a lavaran, ha n’ho laka ket en pratic, a vezo comparachet ouz eun den diskiant hag hen deuz savet he di var an treaz;

Sant Lucas 24:25

Neuze e lavaraz dezhe: O tud diskiant, ha tud a galon diegus da gredi ar pez a zo bet lavaret gant ar brofeted!

Actou an Ebestel 16:6

Goude m’ho doe treuzet ar Phrijia ha bro ar Galatia, e oe difennet outhe gant ar Spered‐Santel prezeg ar Ger en Azi.

Actou an Ebestel 6:7

Ha ger Doue a rede, hag an niver euz an diskibien a greske kalz en Jerusalem. Hag eun niver braz euz ar veleien a zente ouz ar feiz.

Romaned 10:16

Mes n’ho deuz ket sentet holl ouz an Aviel; rag Izaias a lavar: Aotrou, piou hen deuz credet d’ar pez hon euz‐ni prezeget?

Romaned 2:8

mes kassoni ha coler d’ar re a zo touellet gant eur spered a zisput ha d’ar re a stourm ouz ar wirionez, hag a zent ouz an injustis;

Romaned 6:17

Mes ra vezo rentet grasou da Zoue, abalamour, goude beza bet esclav d’ar pec’hed, ma hoc’h euz sentet a galon ouz reglen an doctrin a zo bet roet deoc’h.

1 Korintiz 11:26

Rag ken alies gwech ma tebrot euz ar bara‐man, ha ma c’hevot euz ar c’halir‐man, e tiscleriot maro an Aotrou, bete ma teuio.

1 Korintiz 2:2

Rag n’em euz klasket anaoud tra e‐bed en ho touez, nemed Jesus‐Christ, ha Jesus‐Christ crucifiet.

2 Korintiz 10:5

evit diskar rezoniou an dud, ha pep huelder a zav a‐enep an anaoudegez a Zoue, hag evit digas pep sonjezon da blega da zoujans ar C’hrist;

2 Korintiz 11:3

Mes aoun em euz, ne c’hoarvezfe ganeoc’h evel gant Eva a oe tromplet dre finessa ar serpant, na deufe ho sperejou d’en em gorrompi en eur dilezel ar simplicite a zo er C’hrist.

Galated 1:2

hag an holl breudeur a zo assambles ganen, d’an Ilizou euz ar Galatia.

Galated 1:6

Souezet oun o velet ac’hanoc’h, goude beza dilezet an hini hen doa ho kalvet d’ar c’hras a Jesus‐Christ, o vond ker buhan da eun aviel all;

Galated 2:14

Mes, pa veliz penaos ne valeent ket eün hervez gwirionez an Aviel, e liviriz da Ber, dirag an holl: Mar teuez, ha te Judeo, da veva e giz ar Jentiled, ha nann e giz ar Judevien, perag e rez‐te d’ar Jentiled ober evel ma ra ar Judevien?

Galated 3:3

Ha diskiant awalch oc’h‐hu, evit peur‐achui breman dre ar c’hig, goude beza commanset dre ar Spered?

Galated 4:9

Ha breman pa hoc’h euz anavezet Doue, pe kentoc’h pa’z oc’h bet anavezet gant Doue, penaos e tistroit‐hu c’hoas d’ar c’henta genteliou dister ha paour‐ze, da bere e fell deoc’h plega a‐nevez?

Galated 5:11

Evidoun‐me, breudeur, mar prezegan c’hoas ar circoncision, perag e persecuter c’hoas ac’hanoun? Distrujet eo ar scandal euz ar groaz!

Efeziz 3:8

D’in‐me, an distera euz an holl zent, eo bet roet ar c’hras‐se da brezeg, e‐touez ar Jentiled, ar pinvidigezou incomprenabl euz ar C’hrist,

Efeziz 4:14

evit na vezimp mui bugaligou, douget ho troet aman hag a‐hont gant peb avel a zoctrin, gant tromplerez an dud, hag ho ijin fall da drompla dre finessa;

Efeziz 5:15

Lakit eta evez, ha baleit eün, n’e ket evel tud foll, mes evel tud fur;

2 Tesalonikiz 1:8

evit tenna venjans euz ar re na anavezont ket Doue, ha na zentont ket ouz Aviel hon Aotrou Jesus‐Christ.

1 Timote 6:4

hennes a zo c’houezet gant an ourgouil, ha ne oar netra; mes klanv eo gant klenved ar procezou hag an disput var ar c’homzou, hag ac’hane e teu an anvi, ar c’hannou, an droug‐prezegerez, ar sonjezonou fall divarben ar re all,

Hebreed 11:8

Dre ar feiz, Abraham, pa oe galvet, a zentaz, evit mond d’ar vro a dlie da gaoud en heritach, hag a ieaz en hent, hep gouzoud da be leac’h ez ea.

Hebreed 5:9

hag o veza bet rentet parfet, ez eo deuet da veza an oberour euz ar zilvidigez eternel evit ar re holl a zent outhan;

1 Pêr 1:22

O veza purifiet hoc’h eneou, en eur zenti ouz ar wirionez, dre ar Spered, evit kaoud eur garantez a vreudeuriach hep hipocrizi, kendalc’hit d’en em garet an eil egile gant eur galon bur,

1 Pêr 4:17

Rag dond a ra an amzer ma tle ar varn commans dre di Doue; ha mar commans dreizomp‐ni, petra e vezo fin ar re na zentont ket ouz Aviel Doue?

2 Pêr 2:18

Rag en eur lavaret komzou c’houezet gant ar vanite, e klaskont tapoud dre wall‐ioulou ar c’hig hag al lubricite, tud hag ho doa en gwirionez tec’het diouz ar re a vev en diroll;

Apocalyps 18:3

Rag an holl nationou ho deuz evet euz a win a fulor euz he lubricite, ha rouane an douar a zo en em roet d’al lubricite ganthi; ha marc’hadourien an douar a zo en em binvidikeet gant an abondans euz he zraou kaer.

Apocalyps 2:20

Mes beza em euz eun draic‐benag en da enep: lezel a rez Jesabel, ar vreg‐se pehini a bretant beza profetez, da zond da gelen ha da drompla va zervicherien, evit ho lakaad da gweza en impurete, ha da zebri traou sacrifiet d’an idolou.