Biblia Todo Logo
La Biblia Online
- Anuncios -




Revelation 3:7 - Hawa Naga Bible 2001

7 “Philadelphia phungc wawc kamx waz muex vkhoc wuiyq shuiuz: “Vruex kuex vsawc nuiyc tsuingrux waz kox wawc rvtueq. Vpiq rueq Dawid hokhvmx waz kaluix saqpix kuex shuimx yaq, kvruex kaluix kuex vpiq rueq daz gay koq tueq uraq muinz shauk lot muq, vshuiuz rvgay ruiux yuq uraq muinz daz lot muq.

Ver Capítulo Copiar

ASII LAKDAP Bible (BSI)

7 “Philadalphia na phungtu sitlaq kra liiti rase ma ara waiq laq: “Ara tsütsa arka Asii kiimaq tingting sitiwe raq atiiwan. Apaiq jaq na Dawit sapitu ka asi. Krai mren ümtiikiiwa apaiq raq kilü ashi ka ditlaq, kriika jurmin shaqlot mak she, kiimaq ümtiikiiwa apaiq raq kra ashaq riitlaq, kriika jurmin dilot mak she.

Ver Capítulo Copiar

Muklom

7 “Philadelphia mondoli rangkamwa ma wit u: “Iri raaq raa piq ching kowang, bara asang nia asing, etho bara David chabi shingtey. Piq aa lakchol sha utang eq tho jin shak moq, etho piq aa shakchol sha utang eq tho jin lak moq.

Ver Capítulo Copiar




Revelation 3:7
38 Referencias Cruzadas  

Tishox rueq mnoz kuex lvp vtueq wisoz ruiux yuq, vpiq kuex uraq lac tvwanc lot shvnx?


Tishox rueq httak gay ruiux yuq, uraq lac tvjvp guirx lot shvnx? Tishox rueq vkhvrc taq miq kuex uraq lac dawc lot shvnx?


Yehowa vpiq rueq shuimx wvnc tueq lotlaz nuex tsuingrux yaq rvtueq, vpiq yauk shuimc lotlaz nuex menjenc jix waz rvtueq.


yvmx khoc lac ngoz ruiux lec vpiq rueq ngaz kuex ngarvyx mungx nuex kay tvkoc vkhangx kuq phuex rvmuq, ngaz rueq yauk shuimc kuex tvmtuing maq shuimx wvnc tauk, wulumx mungx nuex ngaz kuex tuip gay phuex rvmuq.


O Yehowa lex, mnoz rueq nuiyshiq tvkhup wungx jix waz kuex thvl kuq phux; Israel muex Vsawc Tishox lex, mnoz rueq nuiyshiq tvkoc hokhvmx kuq phux.


Ngaz rueq piq kuex Dawid suiuz vsaz wawc hokhvmx waz khung nuex hunghtaungx yaq vrangx vpangx kuex piq muex kuq shaungx. Piq rueq yuimx saqpix kuex shuimx shuex, piq rueq daz taq shuex kuex uraq muinz shauk shuex rvmuq, piq rueq shauk taq shuex kuex uraq muinz daz shuex rvmuq.


Nuiyshiq lvmx wawc kvbanc kuinz nuiyshiq lvmx nauk taung kaz. Nuiyshiq rueq nuimshiq Israel muex vsawc Tishox nuex seng yaq lvmz kuex tay roc miq.”


Yehowa rueq ngoz tueq, “Israel lex, mnoz kuex vruinx nuiyc hungc vnulx rvtoq, nauk hiz kaz; ngaz rueq mnoz muex romc kuq phaungx. Israel muex vsawc Tishox, ngaz kuex mnoz palc wvnc jix rvtauk.


Mnoz rueq kvruex htenc kuex raungguil nuex jap gay shuiux; raungguil rueq kvruex htenc kuex pvnc wvnc shuex, kvruex htenc kuex raunghtiq raungguil rueq nyanc gay rvhumc tuex. Kvruex yimaq mnoz kokez lvp tuiux, yvmx khoc lac ngoz ruiux ngaz kuex m-Tishox rvtauk; Mnoz rueq Israel muex vsawc Tishox, ngaz muex tvtsvmc kvmc phux.


Miq htenc rueq vruex khiz ruiux yuq Ngaz, Yehowa rueq shuimx wvnc tauk kuex tuiuz wvnc wuez shuex. Tsuingshiq kuex Israel muex vsawc Tishox rueq kvruex tvhungx tvyaungx wvnc tueq lvmz tuiuz tay wvnc shuex.”


Israel muex vsawc Tishox rueq naungshiq kuex tvdung wvnc phuex, vpiq muingc kuex Tvphaungc Tvsuip Yehowa rvtueq.


Mnoz palc wvnc tueq Yehowa Israel muex vsawc Tishox rueq vkhoc jungx tueq: “Ngaz kuex mnoz muex vhvlx tvkoc tvluing kuy roc jix waz nuiyc mnoz kay juing lvmx kuex tvkhic shvlc jix waz Yehowa m-Tishox rvtauk,


Israel muex vsawc Tishox nuiyc palc daungc jix waz rueq lotlaz rueq wvlc guez tvyaungc yaq waz, Miq phvnx htenc rueq shuiuc pac yaq waz nuiyc guimz lawc jix hez nvrc waz muex yaungx yaq waz kox nuex vkhoc jungx yaq: “Hokhvmx bix rueq mnoz kuex tvdung gay rvhumc tuiux, tsuingshiq rueq tvtsanc nganc yaq kuex tvkhic tvkoc kvtenc wvnc tuiux; hokhvmx sahez rueq muinz kvruex khiz wuez shuex, tsuingshiq rueq mnoz kuex tvtsanc nganc tvkoc bumx vtueq nawk wuez shuex.” Yehowa vpiq nvrc waz kuex thvlc tvy ningkhvnc nuex vruex lvmz yaungx wvnc tuex; Israel muex vsawc Tishox rueq vpiq bomkhvmc htenc kuex tvmvrc shuex.


Mnoz Tvdungc sungc jix kuex mtaungx waz ikhoc tvkhup wungx kv-phux, vpiq muingc kuex Tvphaungc Tvsuip Yehowa rvtueq. Israel muex vsawc Tishox rueq mnoz kuex palc wvnc kv-phux, vpiq rueq mungkawx lotlaz kuex guimz yaq.


Majuiuc mnoz rueq pungnuk miqphvnx htenc kuex ramc shuiux; mvnnuex tsuingshiq rueq mnoz kuex tuiuz muq, yuq muinz majuiuc kuex mnoz kox nuex yuz vtueq kaz wuez yaq! Ngaz, Israel vsawc Tishox, nuimshiq Tishox Yehowa rueq, vruex lotlaz tvyaungx wvnc shaungx; Ngaz rueq nuimshiq muex tvtsanc nganc nuiyc ngauz vngax kuq phaungx.”


Tsuinghez vshiz maq vshiz rueq ngoz yaq kuex: “Vsawc, vsawc, vsawc! Tvphaungc Tvsuip Yehowa kuex vsawc! Vpiq ngauz vngax kuex mungkawx nuex mvrc yaq.”


Ngaz rueq mnoz muex raungx Mungtan saqpix htenc kuq phaungx, ghaq htauk vmaq mnoz rueq khvrc buinc vshuiux kuex raungx Mungtan maq muinz vkhvrc tay rvhumc tuex, ghaq htauk vmaq mnoz rueq dawc kuq vshuiux jix kuex raungmungx maq muinz vdawc kuy rvhumc tuex,” ngoz tueq.


Raungx nuiyc ghaq lvy wvnc ruiux muinz ngvy kvjaz kuex lvy wvnc muq rvtuex.


“Nazaret waz Yesu lex, nuiyshiq kuex mnoz muex yvmx lac seng yaq nguinx? Nuiyshiq tvbac gay muex haz mnoz httuiuc kaz tonx? Mnoz ukhaq lac rvtonx ngaz rueq tuiuz yaq, mnoz kuex Tishox vsawc miq rvtoq!” ngoz tueq ramc tueq.


Kvruex Nox kuex yungx luz wvnc vtueq, Johvlc Pinhtumc Tishox Saz ngoz tueq muingc shuex. Taungjix Tishox rueq vpiq jix vwaz Dawid hoc kuex vpiq muex kuq shuex.


“Huiyx! Nazaret waz Yesu lex, mnoz kuex nuiyshiq rulc yvmx lac seng tvnx? Nuiyshiq kuex tvbac gay tvkoc haz kaz ruiux? Mnoz ukhaq lac rvtonx nuiyshiq rueq tuiuz yaq, mnoz kuex Tishox vsawc miq waz rvtoq!” ngoz tueq.


Yesu rueq piq muex, “Lvmx kuex ngaz rvtauk, tsuingrux nuiyc rullungx muinz ngaz rvtauk. Ngaz maq rvmuq ngoz ruiux kuex ukhaq muinz Iwaz kox nuex httuiuc lot muq.


Vpiq kuex vsawc nuiyc miqhvlx waz rvtueq, yuq muinz nuimshiq rueq vpiq kuex tvdux gay ruiux, miq thvy jix waz kuex tvdungc kuy tvkoc nuimshiq rueq Pilat kox wawc thoz wuez tuit.


Tishox Saz kuex httuiuc kaz yaq rvtueq, tsuingrux Tishox kuex tuiuz tay lot juing thuinz vpiq rueq naungshiq muex kuq shec phuex kuex naungshiq rueq tuiuz lvp vshix. Naungshiq kuex vpiq Saz Yesu Christu rulc vshiz dvyx yaungx vtueq tvraungx httax vtix ningkhvnc nuex, tsuingrux Tishox rulc muinz vshiz dvyx yaungx vtueq tvraungx httax vtix. Kvruex waz kuex tsuingrux Tishox rulc htummuq maqmuq rullungx muinz rvtueq.


Kvruex thuic tvruingc kuex, “Mnoz rueq khiz vshuiux phvnx htenc kuex luik dvp nuex wuiyq vtueq, Ephesu, Samirna, Pergamum, Thiatira, Sardi, Filadelphia, nuiyc Laodikea nuex httax yaq phungc mvshix nuex tvwvnc shuiuz,” ngoz tueq.


Ngaz kuex vtvraungx httax yaq waz muinz ngaz rvtauk! Ngaz kuex vthueyc wvnc shex rvtauk, yuq muinz pattup pat-sac ngaz vtvraungx httax vtaungx. Ngaz kuex vthueyc vmvy htauk nuex muinz, vthueyc vmvy mungtan htauk nuex muinz guimz lawc vrangx vpangx lvp tauk.


tvmtuing vhttax maq hakhix khvmc yaq waz, vthueyc wvnc jix hez wawc kungkhux yuing kvtenc wvnc jix, mungkawx hokhvmx bix guimz jix waz Yesu Christu kox wawc muinz, kejux nuiyc suinglix kuex nuimshiq rueq lvp wvnc shuinz. Naungshiq muex lungwawx vtueq vpiq pumz maq shomc nawk kuy thueyc khvmc tueq nuiyc naungshiq mvrax htenc dawc kuq ruiux,


Tsuingshiq rueq Tishox nvrc waz Moshe shic nuiyc Khelbuenx Saz shic kuex shix vtueq, “Tvphaungc Tvsuip Taungjix Tishox lex, Mnoz rueq shuimx wvnc toq yauk- shuimc kuex pinhtumc vwangc juing rvtueq! Miq phvnx lotlaz muex Hokhvmx, Mlvmx phvnc kuex pinhtumc vlvmx nuiyc pinhtumc tsuingrux ix!


Kvruex yimaq shomrawx wawc thuic tvruingc vshiz kuex, “Tvphaungc Tvsuip Taungjix Tishox lex! Mnoz rueq phox vshuiux lvmx kuex tsuingrux nuiyc tvrac vlvmz rvtueq!” ngoz tueq jungx yaq kuex ngaz rueq tay tauk.


Kvruex yimaq raungmungx kvdaz wvnc tueq kuex ngaz rueq khiz tauk, kvruex baung kvyuq mvre vluiz vshiz httax yaq. Kvruex mvre htauk nuex ngaungc jix waz kuex tvmtuing nuiyc tsuingrux ngoz tueq ngoz yaq, kvruex waz rueq tvrac vlvmz maq phox kuq yaq nuiyc ralx khvt yaq.


Piq rueq khac phox yaq kuex tsuingrux nuiyc tvrac vlvmz rvtueq! Miqmac sahtok sapawx tsak vnyvmx maq ghaq htauk nuex tvyaq kuy jix mephex nyuiuz muex phox kuq gay tueq. Vpiq nvrc waz hez thvy gay ningkhvnc nuex Tishox rueq murx tvgurc kuq yaq,” ngoz tueq guyc wuez tueq.


“Ephesu phungc wawc raungkamx waz kox nuex vkhoc wuiyq shuiuz: “Vruex kuex yaukkeq kox yauk nuex ruiysuiyq poz mvshix shuimx vtueq, kuimshawx wvrkok mvshix hvlwvl nuex khuemx shamx yaq waz kox wawc bomjungc rvtueq.


Kvruex yimaq hoc daungraungc htauk nuex ngaungc yaq waz rueq, “Majuiuc httax yaq lotlaz kuex ngaz rueq vnyalx vtvdung shex,” ngoz tueq. Vpiq rueq ngaz muex, “Vruex wuiyq tvtsuingc taq shuiuz, yvmx khoc lac ngoz ruiux lec vruex kvjaz htenc kuex tsuingrux kvjaz, tvluimc juing kvjaz rvtueq,” ngoz tueq jungx phuex.


“Laodikea phungc wawc kamx waz muex vkhoc wuiyq shuiuz: “Vruex kuex tvmtuing nuiyc tsuingrux hakhix waz, Tishox rueq vtvdung sung phvnx lotlaz muex vjungx ruingx, Amen ngoz yaq waz kox wawc bomjungc rvtueq.


Kvruex ngvmx saz bvlic vtaungx nuex vraungx tvruk phok httax yaq, tsuingshiq shauk gvnz vmungx vtsec lotlaz nuex vmuik poz mvrc yaq. Tsuingshiq kuex raungnuiyq raungwvrx thauk muq maq: “Mvnnuex pat, majuiuc pat, yix maq pat httuiuc wvnc yaq nuex httax ruq httax yaq, Tvphaungc Tvsuip Taungjix Tishox kuex vsawc, vsawc, vsawc rvtueq,” ngoz tueq jungx yaq.


Tsuingshiq rueq tvtsvmc shic nyalx maq: “Mnoz rueq luik tul kvruex lvmc nuiyc tvsik htenc kuex kok gay aungx yaq. Yvmx khoc lac ngoz ruiux lec mnoz kuex vthvy gay rvhumc vtueq, mnoz shomc nawk thueyc khvmc ruiux, miqphvnx ruip rawx wawc muinz, kvjaz vphvnx vphvnx wawc muinz, Tishox tvkoc miqsaz htenc kuex mnoz rueq ruiyx wvnc toq.


Siyac htenc kvraq, “Tvphaungc Tvsuip Taungjix, vsawc nuiyc tsuingrux waz lex! Nuiyshiq thvt gay phuex mvrax rawc nuex ghaq htauk wawc miqsaz htenc kuex mtanc nuex httuiuc laz lac mnoz rueq phox kuq muq, murx tvgurc muq maq dvyx httax tuiux nguinx?” ngoz tueq yunghvlc maq ramc tueq.


Síguenos en:

Anuncios


Anuncios


¡Síguenos en WhatsApp! Síguenos