Revelation 3:15 - Hawa Naga Bible 2001

¹⁵ Mnoz rueq yvmx lac shuimx wvnc tonx ngaz rueq tuiuz yaq; mnoz kuex vkuiyq muinz rvmuq, vkalx muinz rvmuq kuex ngaz rueq tuiuz yaq. Mnoz kuex vkuiyq rvmuq ngoz ruiux vkalx phvnx shishiz yaungc muex ngaz rueq roc vshaungx!

ASII LAKDAP Bible (BSI)

¹⁵ Namshiq raq jamlai wa sham lan kriika ngi raq asapha. Namshiq ka wenyi na atra min riiman, amaa min riiman. Kili jiipli tsaijang jam sirai tlan! Tiikotea, ashi ngusaq amaa jiila maa tlii kiimaq atra jiila atra kamto sihan jiika ahea riichang!

Muklom

¹⁵ Nga ba jaksom sha usam eq ang. Nang aki tho ang mu, etho akham tho ang mu. Nang aki tia akham ang tu jo aqhal ang wangta ta nga tathin ang.

Revelation 3:15 Referencias Cruzadas

1 HOKHVMX 18:21

Eliya kuex miq htenc httax yaq kvyuq duiz woz vtueq, “Nuimshiq kuex mtanc khvnc nuex httuiuc laz lac yvmx muinz htvp htaz muit maq dvyx haz httax tuinx? Yehowa kuex Tishox muik shauk rvtueq ngoz ruiux, vpiq muex nawk palx wuez shuinz; yuq muinz Bala kuex Tishox rvtueq ngoz ruiux piq muex nawk palx wuez shuinz!” ngoz tueq jungx tueq. Yuq muinz miq htenc rueq bomc poshiz muinz tvralc wuez muq.

TAKSU LAK 23:26

Isaz lex, vhvlx waq tay tvtsuingc shuiuz, ngvy rullungx kuex mnoz tvkoc vphvnc juing m-yaungx kueq.

Hosea 10:2

Miq htenc thuinz vmungx nuex vlauc vlawc thuinz httax vtueq tsuingshiq mvrax htenc ningkhvnc nuex majuiuc dvyx kuilc daz rvhumc juing rvtuex. Tishox rueq tsuingshiq shomrawx htenc kuex httak tvbac gay ruiux, vsawc htung htenc kuex tvbac gay shuex.

Hosea 7:8

Yehowa rueq, “Israel miqsaz kuex kholak dvyx lumc yoalx wanx ikhoc rvtueq. Tsuingshiq tvroz wawc miqphvnx htenc nuex kvwungx kvguing httax wuez vtueq,

Matthew 10:37

“Ukhaq yuq muinz ngaz lungwawx phuex htauk nuex miqmac nyuiuz vwaz lungwawc jix kuex ngvy sangac yaungc tvkoc hungx muq, ngaz lungwawx phuex htauk nuex miqmac suiuz vsaz lungwawc jix kuex ngvy sangac yaungc tvkoc hungx muq.

Matthew 24:12

Honc vbac lvmx rueq nyvmc wvnc vtueq miq paunghvlc lungwawc thuinz thvp wvnc tuex.

Matthew 6:24

“Ukhaq muinz jiyungx wanueyc bomc nvrc jix muex yaungx lot muq; piq rueq washiz kuex shuiuc vtueq washiz kuex lungwawx shuex; washiz nuex tvmtuing httax ruiux, vganc washiz muex wvlc guez rvshuex. Nuimshiq rueq Tishox muex muinz mungkawx tsak vnyvmx muex muinz vdvmz nuex shuimx lvp muit.

Romans 12:11

Vshuimc vkay nuex nauk duimz yoz kaz. Khauk rvnrvnx phvnphvnx thuinz vmungx maq Taungjix yauk shuimc shuimx wuez shuinz.

1 Corinthians 16:22

Miq vshiz shiz rueq Taungjix muex lungwawc muq ngoz ruiux kuex, piq nuex mvnhttonc mrvhumc kueq! Marana-tha nuex Taungjix mhttuiuc kaz kueq!

2 Corinthians 12:20

Nuimshiq kox nuex ngaz kaz raungx yuq, ngaz rueq roc shaungx kvkhoc nuimshiq rueq roc muit wuez, nuimshiq rueq roc shuinx lvmx kuex ngaz rueq roc mauk wuez yaungx kaz tvnx ngoz tueq tvmaung vshaungx. Kvmaq thaungthoz wawx yez lvmx, khelric bac lvmx, thuinkhvy lvmx, miqmac vjux thuiyx yaq lvmx, yomnamc kvjaz, shuip shuiux miyix kvjaz, laungc tsvnc yaq lvmx, rvmulc tsvlc htenc kuex ngaz rueq khic kay muex hiz vtaungx.

TRI CHONGKE 5:29

Tsuingshiq rueq kvkhoc ngaz muex mkaq muinz hiyaz tvtsanc nganc vtueq, ngaz rueq nvrc bomc htenc phvnx shuex ngoz ruiux yuq kuex tsuingshiq nuiyc tsuingshiq suiuz vsaz phvnx htenc kuex pattup rungwanx wuez tuex.

Philippians 1:9

Kvmaq raz tueq nuimshiq rueq vhvlx kuex thvl httauk wvnc vtueq, tsuingrux phaqjic nuiyc tvrv-phvlc phox lot yaq hungc vlaungc mvrc vtueq lungwawc thuinz nuex peluz yungx wvnc kuinz, nuimshiq tvkoc ngaz rueq vjux thoz vshaungx,

2 Thessalonians 1:3

Phunox bix lex, nuimshiq lvmz nuex seng vtueq Tishox kejux kuex nuiyshiq rueq mkaq muinz tvtsvmc vshix. Kvkhoc tvtsvmc vshix lvmz nuiyshiq rueq shuimx vshix kuex nuiyshiq tvkoc aungx yaq yauk shuimc rvtueq, yvmx khoc lac ngoz ruiux lec nuimshiq kvmluimx lvmz pinhtumc yungx luz wvnc vtueq nuimshiq nuex httax yaq miq muex lungwawc lvmz muinz pinhtumc yungx luz wvnc yaq.

1 Peter 1:22

Majuiuc nuimshiq rueq tsuingrux lvmx kuex phvnx vtueq nuimshiq shauk vgvnz htenc tvsawc wvnc ruiux, nuimshiq kvmluimx jix kungjix kamjix htenc kuex vsuing lungwawx vshuinx, kvkhoc rvtueq nuimshiq vdvmz dvmz thuinz vmungx lotlaz maq rvlungwawc wuez kuinz.

Revelation 2:2

Mnoz rueq shuimx vshuiux yauk shuimc kuex ngaz rueq tuiuz yaq; mnoz rueq mtanc khvnc gvrc tsvrc maq shuimx kaz toq lvmz, mnoz rueq mtanc lac nanx vshuiux htenc kuex ngaz rueq tuiuz yaq. Mnoz rueq honc vbac miqsaz htenc muex nanx kuq lot muq lvmx muinz, kamx waz rvmuq rvhvt maq kamx waz ngoz tueq kv-ngoc yaq jix htenc kuex mnoz rueq wisoz koq tueq vrot vkaq hez rvtueq kuex tuiuz vshuiux ngaz rueq tuiuz yaq.

Revelation 2:4

Yuq muinz mnoz rueq ngaz kuex vphaungc nuex ikhoc lungwawx muq khuec nuex, mnoz muex mvrax tvgurc juing httax yaq.

Revelation 3:1

“Sardi phungc wawc kamx waz muex vkhoc wuiyq shuiuz: “Vruex kuex Tishox siyac mvshix nuiyc ruiysuiyq poz mvshix httax yaq waz kox wawc bomjungc rvtueq. Mnoz rueq shuimx vshuiux yauk shuimc kuex ngaz rueq tuiuz yaq; mnoz kuex thuiuzthuic tvraungx httax vtaungx ngoz tueq kvsomc parc ruiux muinz vmaungx dvyx httax vtuiux!

Revelation 3:16

Yuq muinz mnoz kuex vkuiyq muinz rvmuq, vkalx muinz rvmuq, kalx luimluimx dvyx ningkhvnc nuex mnoz kuex ngvy nuix wawc vhtoz rvgay vphaungx!