Revelation 2:23 - Hawa Naga Bible 2001

²³ Piq yix phvnx jix htenc kuex ngaz rueq thvt gay shaungx, kvkaq jix ngaz kuex miqsaz thuinz vmungx nuex tvmaung yaq lvmx tuiuz jix waz rvtauk kuex phungc htenc rueq tuiuz wvnc wuez shuex. Nuimshiq wawc vshiz maq vshiz muex miqmac rueq shuimx wvnc tuit rulc rv-ngvlc tvyez kuq phaungx.

ASII LAKDAP Bible (BSI)

²³ Ngi raq asetiim ka wiita mitsat baiq ha. Krai mren maiqse tsan mong na, ahea abi tiima rüm tlaq kra, kiimaq tsangshiq raq jamlai phan wa ro tlaq kra, wiita ngi raq asapha siisaq nguta phungtuti wiita raq misap. Krai mren, ngi raq namshiq tarü ma loweatek raq maiqmii jaqsham ka jamkho sham lan, kra phan phan jaq maq mikuq ha.

Muklom

²³ Nga usa tang sha tatik chak náng; eshi jio nga hun tin siintey nia khoti siintey ta thaji mondoli tang aa usam sey na. Nga nim thaji ma ujaksom mal uthang kotnáng.

Revelation 2:23 Referencias Cruzadas

1 KAÜWA WERAÜ 17:18

Ngaz rueq mnoz muex jvnc vtueq yvmx tvrvp jungc yek juing lac! Mnoz rueq ngaz kuex vhvlx waq tuiuz yaq ningkhvnc nuex mnvrc waz ngaz kuex mnoz rueq tvtanc nganc vphux.

1 KAÜWA WERAÜ 28:9

Piq rueq Solomon muex ngoc, “Isaz lex, mnoz rueq m-waz Tishox muex kvjungc vtueq, vthvlc vhttauk thuinz vguez maq, raungc raq thuinz vmungx maq vpiq muex nawk palx tvkoc ngaz rueq mnoz muex nvr vphaungx. Naungshiq rueq kvmungx vshix lvmz nuiyc raungc raq vshix lvmz lotlaz kuex vpiq rueq tuiuz yaq. Mnoz kuex vpiq kox nuex kvnvp ruiux yuq, vpiq rueq mnoz kuex lvp wvnc shuex; yuq muinz mnoz rueq vpiq muex yix tvnungx shung kuq ruiux yuq, vpiq rueq mnoz kuex pattup tuip gay kv-phux.

1 KAÜWA WERAÜ 29:17

Mnoz rueq miq ruip rawx thuinz vmungx kuex taruiyx lawc vtueq tsuingrux yaq thuinz httaz jix miq htenc kuex raungc raq vshuiux lvmz ngaz rueq tuiuz yaq. Vtsuing vrux maq nuiyc vruex hup vsvmx lotlaz kuex raungc raq thuinz maq mnoz muex ngaz rueq kuq vphaungx. Vruex yuq rvtuimx jex yaq mmiqsaz htenc rueq muinz mnoz muex shomc kuy lvmz nuex mtanc lac kokez wuez yaq nguinx kuex ngaz rueq khiz vshaungx.

2 KAÜWA WERAÜ 6:30

tsuingshiq vjux thoz yaq kuex tay kuq shuiuz. Raungmungx wawc m-yuimx maq tsuingshiq kvjaz kuex tay ruiux yuq tsuingshiq mvrax kuex dawc kuq shuiuz. Mnoz dvyx miqsaz thuinz vmungx nuex tvmaung yaq kuex tuiuz lot yaq. Miq vshiz maq vshiz miqmac rueq shuimx yaq rulc rv-ngvlc phox kuq shuiuz,

YOBA 24:23

Tishox rueq tsuingshiq kuex kvwungx kvguing httax vkhangx kuq ruiux muinz, yuq muinz muik maq tvkhvlc muq lawc yaq.

Tvtsvmc 139:1

Yehowa lex, mnoz rueq ngaz wisoz vtueq ngaz kuex tuiuz vphux.

Tvtsvmc 26:2

Yehowa lex, ngaz kuex taruiyx vtueq talx lawc koq, ngvy thuinroc lvmx nuiyc thuinz kvmungx lvmx htenc kuex phox kuq koq.

Tvtsvmc 44:21

nuiyshiq mungx nuex httuiyq vshix kvmungx lvmx htenc kuex tuiuz vshuiux ningkhvnc nuex, mnoz rueq kvruex lvmx kuex vsuing khiz tuiuz vshuiux rvtueq.

Tvtsvmc 62:12

O Yehowa lex, mnoz rueq miq ruip rawx muex miqmac rueq shuimx tueq rulc rv-ngvlc tvtsvmc yauk noalc kuq shuiuz.

Tvtsvmc 7:9

Mnoz kuex tsuingrux Tishox rvtoq, nuiyshiq rueq kvmungx yaq nuiyc rax yaq lvmx htenc kuex phoc kuy jix waz rvtoq. Layx bac jix htenc vyaq lvmx kuex tvthauk gay ruiux, vhvlx jix miqsaz htenc muex tvtsvmc yauk noalc kuex kuq vshuiux.

JEREMIA 11:20

Kvruex yimaq ngaz rueq, “Tvphaungc Tvsuip Yehowa lex, mnoz kuex rvkhauk laz phoc jix waz rvtoq; mnoz kuex miqsaz rueq tvmaung yaq lvmx nuiyc rvhumc yaq lvmx kuex httuiyc ruiyc wisoz vshuiux. Ngaz rueq ngvy yauk shuimc kuex m-yauk nuex taq vshaungx; vruex miqsaz vmac mnoz rueq murx tvyez vshuiux kuex ngaz rueq bvmc lawc shaungx,” ngoz tueq thoz tauk.

JEREMIA 17:10

Ngaz Yehowa rueq miq thuinz nuex kvmungx yaq kuex thuiyx konx vtueq miqsaz thuinz vmungx htenc kuex taruiyx lawc vshaungx. Ngaz rueq miq tek vtueq tsuingshiq honc vyaungc nuiyc tsuingshiq rueq shuimx lvmz yaq kuex tv-phvnc vmauk kuq shaungx,” ngoz tueq jungx tueq.

JEREMIA 20:12

Yuq muinz, Tvphaungc Tvsuip Yehowa lex, mnoz rueq miqsaz kuex vlvmz rvkhauk maq taruiyx vshuiux; tsuingshiq thuinz vmungx htenc kuex mnoz rueq tuiuz yaq. Kvkhoc rvtueq m-yauk nuex ngvy khac kuex lekuq vphaungx ningkhvnc nuex, ngvy ralx hez kuex mnoz rueq murx tvgurc shuiux lvmz ngaz muex tvkhic koq.

JEPHANIA 1:11

Pvkac pvylvyc jix miq lotlaz thueyc kaz shex ningkhvnc nuex, ghaqyungx vnyez kox nuex httax vtuinx nuimshiq rueq kvruex tvruingc kuex tay vtueq khoarsez wuez tuinx!

Matthew 16:27

Yvmx khoc lac ngoz ruiux lec Miq Saz vruex kuex Vwaz ngauz vngax maq raungkamx bix rulc roc nuex httuiuc kaz tuex. Ekvkaq miqmac rueq shuimx wvnc tueq kvkhoc washiz maq washiz muex yauk mauk tvyez kuq shuex.

Luke 16:15

Yesu rueq tsuingshiq muex, “Nuimshiq rueq miqmac shauk vgvnz kuex tsuingrux jix ikhoc miqmuik lawc nuex kvyaungx shaungx vtuinx, yuq muinz Tishox rueq nuimshiq thuinz vmungx kuex tuiuz yaq. Yvmx khoc lac ngoz ruiux lec miq rueq vhtawz vtsanz raungc raq yaq hup svmx htenc kuex Tishox khaungkac nuex htawz guez yaungx yaq.

John 21:17

Kvmaq lauk thuimx ngoc yaungc Yesu rueq, “Yohan saz Simon lex, mnoz rueq ngaz lungwawx vphux doc haz?” ngoz tueq wiz tueq. Peter kuex vthuinz bac vtueq, “Taungjix lex, mnoz rueq phvnx ruip saz tuiuz yaq, ngaz rueq mnoz lungwawx yaq lvmz kuex mnoz rueq tuiuz yaq!” ngoz tueq tvralc tueq. Yesu rueq, “Ngvy khelbuenx htenc kuex remx shuiuz.

John 4:16

Yesu rueq, “Waung kuiuz mtaungx waz kuex gvl laq vtueq kaz yek loq,” ngoz tueq.

Acts 1:24

Kvruex yimaq tsuinghez rueq vjux thoz tueq kuex, “Taungjix lex, mnoz rueq lotlaz thuinz vmungx kuex tuiuz yaq. Yuda kuex piq muex aungx yaq baung nuex waungc wvnc tvkoc kamx waz muingc jungc kuex gay shec ruiux kaz wvnc vtuex.

Romans 14:12

Kvkhoc rvtueq naungshiq pumz tek vtueq miqmac lvmz muingc wvlc kuex Tishox muex tvtay juing rvtueq.

Romans 8:27

Naungshiq thuinz vmungx wawc tuiuz lot jix waz Tishox rueq Siyac thuinz kuex tuiuz lot yaq; yvmx khoc lac ngoz ruiux lec Siyac rueq Tishox thuinroc rulc rv-ngvlc vpiq miqsaz tvkoc kvmenc jenc thoz kuq yaq.

2 Corinthians 5:10

Yvmx khoc lac ngoz ruiux lec naungshiq lotlaz kuex phoc rvhumc tvkoc Christu hoc daungraungc khaungkac nuex httuiuc juing ningkhvnc nuex rvtueq. Kvkaq naungshiq vshiz maq vshiz kuex gvnngvmx yuimx nuex httax tix baunglaung vshuimx kaz wvnc vhvlx vbac lotlaz tvkoc lvp aungx yaq yauk mauk kuex lvp wvnc wuez shix.

Galatians 6:5

Yvmx khoc lac ngoz ruiux lec vshiz maq vshiz rueq miqmac gurc kuex gurc pic rax tuex.

TRI CHONGKE 13:11

Kvruex yimaq Israel miqsaz htenc rueq kvkhoc yaungx wvnc tueq lvmz kuex tay vtueq hiyaz ruiux; kvkhoc layx vbac kuex yix maq uraq muinz ruez khvmc wuez shuex rvmuq shex.

TRI CHONGKE 17:13

Kvkaq miq htenc rueq kvruex thaungc kuex tay ruiux yuq hiyaz vtueq kvkhoc phvnx yauk shuimc kuex uraq muinz shuimx khvmc muq shex rvshuex.

TRI CHONGKE 19:20

Miq htenc rueq kvkhoc thaungc kuex tay shuex yuq, hiyaz vtueq yix maq kvkhoc vyaq kuex shuimx kaz shuex rvmuq.

TRI CHONGKE 21:21

Kvruex yimaq ghaq miqsaz htenc rueq kvruex nox kuex lung maq tuip vtueq thvy gay rax, vyaq vrax phvnx kuex nuimshiq rueq ekvkhoc maq tvdux gay lot shuinx. Israel miqsaz htenc rueq kvkhoc thaungc kuex tay vtueq hiyaz wuez tuex.

Hebrews 4:13

Tishox rueq khiz tuiuz muq laz juing httuiyq puic lot yaq phvnx yvmx muinz vguez, lotlaz kuex vpiq khaungkac nuex kvkhic yaq jvnc khuec nuex naungshiq rueq shuimx wvnc tiq htenc kuex vpiq rueq wisoz rvhumc wuez tix.

1 Peter 1:17

Ekvmaq miqsaz lotlaz kuex htvlx phawc thvl muq maq tsuingshiq rueq shuimx kaz wvnc tueq kvruex tv-phvnc phox kuq yaq Tishox kox wawc vjux thoz shuinz nuex, nuimshiq rueq vpiq Waz ngoz tueq gvl vtueq vjux thoz vshuinx; kvkhoc rvtueq vruex mungkawx vyuq vtvraungx httax tuinx wawwawx vpiq muex hiyaz tvtsanc nganc kuy rax tuex.

Revelation 2:11

“Siyac rueq phungc htenc nuex yvmx khoc lac jungx wvnc tvnx kuex, nac vhttax waz rueq mtay wvnc shueq! “Vtaungx wvnc jix waz kuex lauknueyc thueyc juing wawc luenx wvnc tuex.

Revelation 2:7

“Siyac rueq phungc htenc nuex yvmx khoc lac jungx wvnc tvnx kuex nac vhttax waz rueq mtay wvnc shueq! “Taungx wvnc jix waz muex Tishox sunc nuex httax yaq rullungx pulx jungx vthuey kuex svy lvp vkhangx ngaz rueq kuq shaungx.

Revelation 20:12

Vthueyc wvnc wuez jix htenc muinz vyungx vruinx ngoz muq, hoc daungraungc khaungkac nuex jvp yaq kuex ngaz rueq khiz tauk. Luik dvp htenc lanx taq tueq, kvruex yix maq rullungx luik dvp ngoz yaq kuex lanx tueq. Vthueyc wvnc wuez jix htenc kuex luik dvp kvyuq wuiyq tvtsuingc shec tueq, miqmac rueq shuimx wvnc tueq rulc rv-ngvlc phox kuy rvhumc tueq.

Revelation 20:13

Kvruex yimaq svmuktvrax rueq muinz piq nuex miq vthueyc kaz htenc kuex yez kuq tueq. Vthueyc vmvy jix htenc httax yaq wulumx mungx rueq muinz tsuingshiq nuex httax yaq vthueyc vmvy wvnc jix htenc kuex yez kuq tueq. Tsuingshiq rueq shuimx wvnc tueq honc vyaungc rulc rv-ngvlc vphoc kuy rvhumc tueq.

Revelation 22:12

Yesu rueq, “Tay shuinz! Ngaz kuex yauk lox dvyx httuiuc kaz raungx! Miq tek vtueq miqmac rueq shuimx wvnc tueq rulc rv-ngvlc kuy tvkoc yauk noalc kuex ngaz rueq lvmz laq raungx.

Revelation 6:8

Ngaz rueq lawc koq tueq, vshvmx vmut mvre vshiz kuex khiz tauk. Mvre nuex ngaungc jix shvrvyx waz muingc kuex Vthueyc rvtueq, piq yix nuex wulumx mungx rueq phvnx yaq. Tsuingshiq rueq ghaq mvnz bvlic wawc mvnshiz nuex httax yaq miqsaz htenc kuex yaung vpaq ralx, thuimkux rvmc, htaungc dungc nuiyc svl vwvl ngvmx saz phvnx htenc muex tvthvy gay vrangx vpangx kuq tueq.

1 SAMUEL 16:7

Yuq muinz Yehowa rueq piq muex ngoc, “Piq shauk vgvnz wvyungc wvloayc svp rvp hvlc ngoz ruiux muinz, thuinz nuex nauk taq kaz. Ngaz rueq miq muex htvp htaz kuq shaungx ikhoc htvp htaz kuq mauk doc ningkhvnc nuex, ngaz rueq piq kuex lvmz mauk. Miqsaz rueq kuex gvnngvmx svp rvp dvyx lawc thenc yaq, yuq muinz ngaz rueq thuinz vmungx lawc vshaungx,” ngoz tueq jungx tueq.