Revelation 2:22 - Hawa Naga Bible 2001

²² Kvkhoc rvtueq ngaz rueq piq kuex woalchuing nuex woalc hvt juing kuilc daz tvrvhumc shaungx, piq rulc htokpawx naungc jix htenc muinz songhvlc kuilc daz tvrvhumc shaungx. Tsuingshiq kuex kvruex yalxjuik nyuiuz kvrulc shuimx kaz yaq vshuy vshac htenc kvwawc thuinz kvlayc muq ngoz ruiux kuex, majuiuc dvyx tsuingshiq muex kvhiz juing kuilc daz tvrvhumc kuq shaungx.

ASII LAKDAP Bible (BSI)

²² Kriikha maq, ngi raq apaiq khum na thatsi henghea tiisaü lata mitiichamchao ha. Apaiq rai sethoq ngarai tangti thun kiimin wiita henghea mitiichamchao ha. Tsangshiq raq krii nyung rai ngarai tang tlaq kra tiidii wan mak wiiwii, ngi raq ümchaü tsangshiq ka mitiicham chao ha.

Muklom

²² Nga piq tsamnang ang ma kotnáng; utang piq jamoq sathuk jaksom somlo aa ning atho ajong tsamnang kap na. Ning sha piq lam wang tin kaley moq ang ajo nga irimal somlo náng.

Revelation 2:22 Referencias Cruzadas

JEREMIA 36:3

Yuda miqsaz tsuingshiq htauk nuex ngaz rueq ruec dvnc vshaungx tvbac tac gay lvmz htenc nuex seng vtueq tay wuez ruiux yuq, tsuingshiq layx vbac kvwawc kvyez wvnc wuez tuex wueq. Kvkaq ngaz rueq tsuingshiq honc vbac nuiyc tsuingshiq mvrax htenc kuex dawc kuq gay shaungx,” ngoz tueq jungx tueq.

EJEKIEL 23:29

Tsuinghez rueq muinz mnoz kuex shuiuc pac kv-phux, mnoz rueq shuimx wvnc toq phvnx ruip saz kuex tsuinghez rueq lvmz wvnc vtueq mnoz kuex mehpex nyuiuz ikhoc tvyaungc ruiux sawkumx ruez kv-phux. Mnoz htokpawx vtuiux nuiyc mephex yauk shuimc ningkhvnc nuex

EJEKIEL 33:11

Ngaz, Johvlc Yehowa kuex vtvraungx Tishox rvtauk, kvkhoc rvtueq mvrax vhttax waz thueyc kay kuex vkoz vkez maq lawc shaungx rvmuq. Mvrax yauk shuimc kuex gay shex ruiux tvraungx httaz tuinx kuex lawc roc vshaungx ngoz tueq tsuingshiq muex jungx shuiuz. Israel lex, mnoz rueq shuimx vshuiux layx vbac phvnx kuex gay shuiuz. Mnoz yvmx ngoz tueq thueyc kay roc lac?

JEPHANIA 3:7

Kvruex kaq ngvy miqsaz htenc kuex ngaz muex hiyaz tvtsanc nganc wvnc vtueq, ngaz rueq kuq shaungx tvrac kuex phvnx wuez ruiux, ngaz rueq tvhonc tharc shaungx kuex mkaq muinz lauk gay shuex rvmuq ngoz tueq ngaz rueq tvmaung wvnc tauk. Yuq muinz mtanc httax muq nuex tsuingshiq rueq bac hvlc khac kuex shuimx lvmz wvnc wuez tueq.

Luke 13:3

Kvkhoc kuex rvmuq! Ngaz rueq nuimshiq muex jungx kuq ix, Nuimshiq muinz mvrax wawc thuinz kvlayc wvnc muit ngoz ruiux kuex, nuimshiq lotlaz tsuingshiq ikhoc thueyc wvnc wuez tuinx.

Luke 13:5

Kvkhoc kuex rvmuq! Ngaz rueq jungx kuq ix, nuimshiq muinz mvrax wawc thuinz kvlayc wvnc muit ngoz ruiux kuex, tsuingshiq ikhoc lotlaz thueyc wvnc tuinx,” ngoz tueq.

2 Corinthians 12:21

Yix maq laukshiz nuimshiq kox nuex kaz raungx nuex, ngvy Tishox rueq nuimshiq htumc nuex ngaz yvlc svy wuez tvrvhumc phvnx ngoz tueq muinz, mvnnuex yaq wvnc tueq maq majuiuc nuex httuiuc laz tharc humc muq maq honc vyaungc tvbac vtueq, sahtok sapawx yaungx yaq jix htenc tvkoc nuex ngaz muik phic svrc juing lez raz tvnx ngoz tueq rvwvl vtaungx.

Revelation 17:2

Ghaq htauk wawc hokhvmx bix kuex kvruex yalxjuik nyuiuz kvrulc htokpawx naungx yaq, mungkawx miqsaz htenc kuex piq rulc htokpawx lvmx ngoz yaq svpiq tix muex jukpawx wuez vtuex,” ngoz tueq ngaz muex jungx phuex.

Revelation 18:3

Yvmx khoc lac ngoz ruiux lec miqphvnx ruip rawx kuex kvruex ghaqyungx wawc sahtok sapawx lvmx phvnc ngoz yaq, vjuk pawc juing phvnx svpiq tix kuex nuingc khuec nuex rvtueq. Ghaq htauk wawc hokhvmx bix htenc muinz Babelon ghaqyungx rulc vroc nuex sahtok sapawx muex yaungx wvnc vtuex, mungkawx wawc taungshaungc taungrez jix htenc muinz, ghaqyungx kvruex wawc sahtok sapawx yaungc juing tsak vnyvmx kvruex ningkhvnc nuex rungwanx wvnc wuez vtuex,” ngoz tueq guyc wuez tueq.

Revelation 18:9

Piq rulc htokpawx vtueq tsak vnyvmx lvp wvnc naungc jix ghaq htauk wawc hokhvmx bix rueq piq khamc yaq wvr khuiuq kuex khiz vtueq khoar nyerx wuez tuex.

Revelation 2:5

Kvkhoc rvtueq mnoz mtanc khvnc lac dvy wvnc vtuiux kuex rvwvl shuiuz! Mmvrax htenc kvwawc kvwek wvnc yek vtueq vphaungc nuex shuimx toq kvkhoc shuimx yek shuiuz. Kvkhoc mmvrax htenc wawc kvwek wvnc muq ngoz ruiux kuex, ngaz mnoz kox nuex httuiuc kaz vtueq m-wvrkok kuex kvruex baung kvwawc ngaz rueq tvhttot lvmz gay shaungx.