Philippians 4:6 - Hawa Naga Bible 2001

⁶ Yvmx lvmz nuex ngoz ruiux muinz nauk rvwvl japa kaz, yuq muinz lvmx ruip saz nuex vjux thoz vtueq kvjungc ruiux kejux rvwvlc thuinz vmungx maq tvtsvmc vtueq, nuimshiq muex rax yaq lvmx kuex Tishox muex tvtay shuinz.

ASII LAKDAP Bible (BSI)

⁶ Jamphan miitu min naq chapa rongkiq she. Namshiq ma jamlai phan wa raa tlaq, kra Shiikeawe ma, achu jaü maq chong ronglaq. Wranaiqshe, apaiq ma kechutum lanta, achu jaü ronglaq.

Muklom

⁶ Chamlang raaq ma tho nak tathin inn, etharin thaji raaq shima romtam chu inn, etho kechu ajong kot eq nim raaq shi Shkewa ma bat inn.

Philippians 4:6 Referencias Cruzadas

1 HOKHVMX 8:28

Yehowa ngvy Tishox lex, ngaz kuex mnvrc waz rvtauk. Ngvy vjux thoz bomc kuex tay kuq vtueq, majuiuc raungnuiyq ngaz rueq tvtay jungx vphaungx kuex tvralc kuq koq.

2 KAÜWA WERAÜ 32:20

Kvruex yimaq Hokhvmx Hezekia nuiyc Amo saz shvmmax Esaia rueq Tishox kox wawc vjux thoz vtueq romc kuy tvkoc guyc wuez tueq.

Tvtsvmc 51:15

Taungjix lex, rvbomc lvp tvkoc ngaz muex romc kuq koq, ngoz ruiux ngaz rueq mnoz muex tvtsvmc kuq phaungx.

Tvtsvmc 55:17

Raungnvp, raungnuiyq shalhtungx nuiyc raungyac htenc nuex ngaz rueq jungc tvtay nuiyc kvbot nyvnx kuex vpiq kox nuex httuiuc waung vtueq vpiq rueq ngvy thuic kuex tay lvp shuex.

Tvtsvmc 55:22

Mnoz kuilc daz vtuiux kuex Yehowa muex lekuq shuiuz, vpiq rueq mnoz muex tvkhup wungx kuq kv-phux; kenrix rix miqsaz muex vpiq rueq mkaq muinz tvsumx rumx gay shuex rvmuq.

Tvtsvmc 62:8

Ngvy miqsaz htenc lex, vkhing ruip rawx Tishox muex tvluimc wuez shuinz. Vpiq kuex naungshiq kvwungx juing baung rvtueq, nuimshiq kuilc daz vtuinx lotlaz kuex vpiq muex jungx tvtay shuinz.

TAKSU LAK 15:8

Yehowa rueq miq hvlx jix htenc vjux thoz yaq bomc kuex raungc raq yaq, yuq muinz layx bac jix htenc rueq vlvmz laq shomc nawk kuy juing htenc kuex vpiq rueq shuiuc yaq.

TAKSU LAK 16:3

Mnoz rueq kvmungx vshuiux htenc kvyuq Yehowa rueq ruimruimc kuy tvkoc jungx tvtay shuiuz, ngoz ruiux mnoz rueq vshuiux htenc kuex lvp luz wvnc shuiux.

ASHICHONG 2:14

Mnoz kuex lungshuk lunghvl nuex kvhttuiyq yaq hituiuc ikhoc rvtoq. Vlungwawc svy juing mhtvlx kuex tvkhic koq, piauc hvlc mthuic mbomc kuex tay roc.

JEREMIA 32:16

Ngaz rueq ghaq rvrez luik phux kuex Baruk muex kuy yix maq, ngaz rueq vjux vkhoc thoz tauk,

JEREMIA 33:3

“Ngaz kuex gvl kuit, ngaz rueq tvralc phaungx; mnoz rueq yvmx muinz tuiuz lvp muq vwangc juing nuiyc vwangc kawc yawc juing phvnx htenc kuex ngaz rueq mnoz muex jungx kuq ix.

DANIEL 3:16

Shadrak, Meshak, nuiyc Abetnego hez rueq, “Taungjix hokhvmx waz lex, nuiyshiq miqmac pumz kuex kvwungx vtix rvmuq.

DANIEL 6:10

Kvkhoc tvdvy tueq bomc kvyuq sohic htuing tueq kuex Daniel rueq tuiuz vtueq, yuimx nuex waung wvnc tueq. Piq yuimx raunghtauk khok Yerusalem kox nuex vtvmuiz katvnc puc htenc httax yaq. Kvruex yuq piq rueq mkaq muinz shuimx ruiux yaq rulc rv-ngvlc, katvnc puc htenc daz shec tueq kvyuq nuiyq shiz nuex lauk thuimx kuix tsvrung nuex bumx vtueq Tishox kox wawc vjux thoz tueq.

Matthew 10:19

Tsuingshiq rueq nuimhez kuex lekuq gay kv-phuinx, kvkaq nuimhez rueq yvmx khoc jungc juing lac ngoz tueq kungkhux nauk rvwvl kaz, nuimhez rueq jungc juing kvjaz kuex kvkaq jix nuimhez muex tvsvmz kuq shuex.

Matthew 13:22

Shuiuq jungx nuex dvy tueq vlix htenc kuex bomjungc kuex tay wvnc ruiux muinz, majuiuc rullungx nuex rvwvlc tvmaung juing htenc nuiyc tsak vnyvmx lvp loay roc thuinz rueq bomjungc kuex luimz wvnc vtueq vthuey thuey lot muq rvtueq.

Matthew 6:34

Kvkhoc rvtueq invp tvkoc thuinz nauk tvmaung kaz; invp tvkoc nuex seng vtueq rvwvlc tvmaung juing htenc kuex, invp tvkoc hungx thuiyc yaq. Raungnuiyq shiz kuilc daz tix kuex kvruex raungnuiyq tvkoc hungx thuiyc tueq.

Matthew 6:8

Nuimshiq kuex tsuingshiq rulc nauk rv-ngvlc kaz. Nuimshiq Waz kuex nuimshiq rueq max thoz nuex phuex nuimshiq muex rax yaq kuex vpiq rueq tuiuz yaq rvtueq.

Luke 10:41

Taungjix rueq, “Mahta, Mahta! Mnoz kuex yauk shuimc paunghvlc ningkhvnc nuex kvtsux tsaungx vtuiux,

Luke 12:22

Kvruex yimaq Yesu rueq sangac bix muex, “Kvkhoc rvtueq ngaz rueq nuimshiq muex jungx kuq ix, yvmx phuiuz yvmx svy juing lac ngoz tueq rullungx tvraungx tvkoc, yvmx svmc juing lac ngoz tueq gvnngvmx tvkoc nauk rvwvl kaz.

Luke 12:29

“Kvkhoc rvtueq yvmx phuiuz yvmx svy juing lac, yvmx nuingc juing lac ngoz tueq nauk ruingraung kaz.

Luke 18:1

Kvruex yimaq Yesu rueq mkaq muinz vjux thoz vtueq thuinbac muq mruez kueq ngoz tueq, sangac bix muex bomc tv-ngvlc vshiz maq tvluing jungx kuq tueq.

Luke 18:7

Vthvlc vruez jix htenc rueq raungnuiyq raungwvrx guyc sez thoz ruiux yuq, Tishox rueq tvrac rulc rv-ngvlc yaungc tvkoc phox kuq muq dvyx haz rvshvnx? Vpiq rueq tsuingshiq muex romc kuy tvkoc kvyix hvlc haz rvtvnx?

1 Corinthians 7:21

Vgvlc wvnc rvhumc baunglaung mnoz kuex dax muex yaungx vtuiux ngoz ruiux kuex yvmx muinz rac muq, yuq muinz dax wawc dungc wvnc juing lvmx lvp shuiux ngoz ruiux kuex kvruex vkhangx kuex lvmz shuiuz.

1 Corinthians 7:32

Ngaz rueq nuimshiq kuex tvmaung rvwvlc juing vguez maq tvhttaz roc, miqlvmc guez waz kuex Taungjix rueq raungc raq yaq yauk shuimc kuex shuimc roc ningkhvnc nuex Taungjix yauk shuimc nuex thuinz tvthuiuz yaq.

2 Corinthians 1:11

kvkhoc rvtueq nuimshiq rueq nuiyshiq tvkoc vjux thoz romc kuy rax yaq, kvkhoc vjux thoz kuy paungc ningkhvnc nuex nuiyshiq rueq lvp wvnc tiq kejux htenc htauk nuex miq paunghvlc rueq Tishox kejux kuex tvtsvmc wuez shuex.

Ephesians 5:20

Naungshiq Taungjix Yesu Christu muingc ruingc vtueq phvnx ruip saz tvkoc Vwaz Tishox kejux kuex mkaq muinz tvtsvmc wuez shuinz.

Ephesians 6:18

Tishox kox wawc romc kuy lvp wvnc shuinz, vjux thoz vtueq vruex lvmz lotlaz kuex shuimx wuez shuinz. Siyac rueq shunshvlx yaq rulc rv-ngvlc mkaq muinz vjux thoz shuinz. Kvkhoc rvtueq honc lvmx hvt httax kuinz, kvmc thuinz httax wuez kuinz, mkaq muinz Tishox miqsaz tvkoc vjux thoz wuez shuinz.

Colossians 3:15

Christu rueq vkuq nomic kuex nuimshiq thuinz vmungx nuex guimz vtueq, kvruex kuex nuimshiq rueq htvp htaz tvhungx vshuinx lvmx htenc nuex lvmx mshvlx shueq, yvmx khoc lac ngoz ruiux lec kvruex nomic lvmx kuex lvp wvnc tvkoc Tishox rueq nuimshiq kuex shauk pumz vshiz ikhoc dvyx gvl wvnc tueq. Kvkhoc rvtueq kejux kuex rvwvl wuez shuinz.

Colossians 3:17

Kvkhoc rvtueq nuimshiq rueq jungphvnx shuimx kaz shuinx nuex Taungjix Yesu muingc kuex ruingc vtueq jungphvnx shuimx kaz shuinz, vpiq nuex rvwak vtueq Tishox kejux kuex tvtsvmc wuez shuinz.

Colossians 4:2

Thuinz luimx lilix maq vjux thoz wuez shuinz, vjux thoz shuinx nuex honc lvmz tharc svmz hvt maq Tishox muex kejux vyungx ngoz wuez shuinz.

1 Timothy 2:1

Kvkhoc rvtueq vphaungc shauk shauk miq lotlaz rawc nuex Tishox muex tvtay kvmenc jenc vjux thoz lvmx, vthoz lvmx nuiyc kejux tvtsvmc lvmz htenc kuex shuimx wuez shuinz, ngoz tueq htuiuz shuiuz vphaungx.

1 Timothy 5:5

Miqmac lauklauk dvyx raz tueq piq muex lawc kuy jix ukhaq muinz vguez mvntix nyuiuz shiz kuex Tishox muex tvluimc vtueq, raungnuiyq raungwvrx thauk muq maq vjux thoz ruiux Tishox rueq romc kuy tvkoc vjux thoz yaq.

1 Peter 4:7

Phvnx ruip saz lotlaz vtvsuip gay kuex httuiuc wvnc yaq shex. Kvkhoc rvtueq nuimshiq rueq vjux thoz lot tvkoc miqmac shauk gvnz kuex tvsuingx khvrc vtueq hotlez hamlez maq httax kuinz.

1 Peter 5:7

Nuimshiq rvwvlc tvmaung vtuinx kuex vpiq nuex tuip htawc shec shuinz, yvmx khoc lac ngoz ruiux lec vpiq kuex nuimshiq muex lawc mawc kuy rvwvl kuq yaq.

1 SAMUEL 1:15

Piq rueq, “Rvmuq, jiyungx waz lex, ngaz kuex joal pawc jix rvmauk, ngaz rueq joal kuex nuingx ruiux mauk! Ngvy thuinz htumx yaq ningkhvnc nuex Yehowa kox nuex ngaz kuilc daz jamjaux vtaungx kuex jungc tvtay muex ngoz tueq vjux thoz vshaungx.

1 SAMUEL 30:6

Dawid piq miq htenc kuex tsuinghez suiuz vsaz htenc moz kaz koq tueq, tsuinghez lotlaz vbac vtac ngoz vtueq piq kuex lung maq tuip thvt gay phix ngoz tueq tvhiz sungx koq tueq, kvkaq Dawid kuex kuilc daz yunghvlc rvhumc tueq; yuq muinz Yehowa piq Tishox rueq piq muex khvmc thuinz kuq tueq.

1 SAMUEL 7:12

Kvruex yimaq Samuel rueq lung vshiz tsenz vtueq Mizpa nuiyc Shen hvlwvl nuex shungc ruiux, “Yehowa rueq nuiyshiq muex lvmx wvlex romc kuq phuex,” ngoz tueq jungx tueq, kvkhoc rvtueq lung kv-ngoc, “Romc kuy jix Lung,” (Ebeneza) ngoz tueq muingc tueq.