NEHEMIA 9:34 - Hawa Naga Bible 2001

³⁴ Nuiyshiq jix vwaz tamx, nuiyshiq hokhvmx bix, walaungx bix nuiyc shomc waz bix rueq mtvrac kuex phvnx wuez yaq rvmuq. Tsuingshiq kuex mnoz rueq nvrc bomc htenc nuiyc tharc tvsvmz kuy lvmx kuex tay wuez muq rvtueq.

ASII LAKDAP Bible (BSI)

³⁴ Naititiim nai naihokhambi raq, naimung welabi raq kiimaq ramwebi raq, ümniiraq akuq haü Thungtri, lang mak dea riito. Tsangshiq raq ümnaq aming ka, tai wan mak dea riito, kiimaq ümniiraq honlam tsii, achongkuq haü, lang wan mak riito.

NEHEMIA 9:34 Referencias Cruzadas

2 HOKHVMX 17:13

Yehowa rueq Israel nuiyc Yuda kuex tvhonc tvsvmz tvkoc vpiq kamx bix nuiyc shvmmax bix kuex tvkaz vtueq: “Nuimshiq rueq shuimx vshuinx layx vbac kuex gay shec ruiux, nuimshiq jix vwaz tamx muex ngaz rueq kuq tauk Tvrac nuex lomx yaq ngaz rueq nvrc bomc htenc kvmuinz, ngvy nvrc waz hez rvtueq shvmmax bix maq raz tueq nuimshiq muex tvlvy kuq wvnc tueq kuex phvnx wuez shuinz,” ngoz tueq jungx tueq.

2 HOKHVMX 17:15

Tsuingshiq kuex vpiq rueq jungphvnx wvnc tueq kvjaz htenc kuex phvnc tvkoc tvlvlc wuez ruiux, vpiq nuiyc tsuingshiq jix vwaz tamx rulc vtaq bomkhvrc kuex phvnx muq nuiyc vpiq rueq tvhonc tvsvmz bomc htenc kuex tsuingshiq rueq wvlc guez tvyaungc tueq. Tsuingshiq rueq khuec guez yac yuimx htenc kuex nawk palx ruiux miqmac shauk pumz kuex htawz guez tvyaungc gay tueq, tsuingshiq rueq tvroz wawc miqphvnx htenc htungx vlayx kuex phvnx vtueq, tsuingshiq honc vyaungc htenc kv-phelc wvnc muq tvkoc Yehowa rueq jungx tueq kvjaz htenc muinz phvnx muq rvtueq.

2 KAÜWA WERAÜ 29:6

Naungshiq jix vwaz tamx kuex Yehowa naungshiq Tishox muex tvmtuing vguez ningkhvnc nuex vpiq rueq raungc raq muq phvnx shuimx lvmz wuez tueq. Tsuingshiq rueq vpiq kuex tvdux gay ruiux vpiq httax yaq baung kuex tsuingshiq rueq yix tvnungx shung wuez tueq.

EJRA 9:10

“Yuq muinz majuiuc kuex, O Tishox lex, kvruex lotlaz kuex yaungx wvnc tueq shex ningkhvnc nuex nuiyshiq yvmx lac jungx lot shix?

NEHEMIA 9:30

Mnoz rueq tsuingshiq muex wawc shiz maq wawc shiz nanx kuq vtueq honc tvsvmz kuq toq. Msiyac rueq htuiuz shuiuz vtueq mshvmmax bix rueq jungx kuq wvnc tueq, yuq muinz mmiqsaz kuex nac bawx, kvkhoc rvtueq mnoz rueq vganc miqphvnx muex tsuingshiq kuex tvkhvt gay toq.

NEHEMIA 9:33

Mnoz rueq nuiyshiq muex murx tvgurc phux kuex vlvmx rvtueq; nuiyshiq rueq mvrax yaq wvnc tiq, mnoz kuex tvmtuing httax yaq!

NEHEMIA 9:35

Hokhvmx bix kuex mnoz rueq vkuq yungx luz rungwanx yaq mungx nuex httax tueq baunglaung mruimrix lvp luz wvnc tueq rulc rv-ngvlc mmiqsaz kuex guimz wuez tueq; yuq muinz tsuingshiq rueq mvrax kuex koayc wuez muq, m-yauk shuimc muinz shuimx muq.

JEREMIA 29:19

Ngvy nvrc waz hez shvmmax bix maq tsuingshiq muex bomjungc kuex lauk wvruip tvlaq koq muinz tsuingshiq rueq phvnx muq ningkhvnc nuex, tsuingshiq htauk nuex vruex yaungx wvnc tuex. Tsuingshiq rueq tay muq tvdux gay tueq.

JEREMIA 44:17

Nuiyshiq rueq jungx shix rulc rv-ngvlc tvhungx vshix ningkhvnc nuex phvnx ruip saz kuex nuiyshiq rueq shuimx shix. Nuiyshiq tishox nyuiuz ngoz yaq Raungmungx Hokhvmx nyuiuz muex shomc nawk kuy shomc kuq vshix, nuiyshiq nuiyc nuiyshiq jix vwaz tamx, nuiyshiq hokhvmx waz nuiyc nuiyshiq vyungx vlaungx bix rueq Yuda ghaq htenc nuiyc Yerusalem ghaq lvmx htenc nuex shuimx wvnc tiq rulc rv-ngvlc piq muex svpiq tix ruiuc shomc kuq vshix. Kvkaq nuiyshiq nuex phuiuz vsvy jamc htvraq lvp luz wvnc vtueq rungwanx wvnc ruiux, kuilc daz jamjaux yvmx muinz rvhumc tix rvmuq.

JEREMIA 44:4

Ngaz rueq shuiuc vshaungx vruex kvhiz juing yauk shuimc htenc kuex shuimx muq tvkoc nuimshiq muex jungphvnc kuy tvkoc ngvy nvrc waz hez shvmmax bix kuex nuimshiq kox nuex ngaz rueq yauk lox yauk lox tvkaz vshaungx.

EJEKIEL 5:6

Yuq muinz Yerusalem ghaq jix kuex ngaz rueq nvr shaungx kuex khawx lvlx vtueq, vganc miqphvnx htenc htauk nuex jvnc vtueq honc vbac nuiyc piq tvroz wawc mungtan htenc htauk nuex jvnc vtueq phvnx muq kuex tvkhic kuq phuex. Yerusalem rueq ngvy tvrac htenc kuex tvlvlc vtueq ngaz rueq nvr shaungx kuex tvdux gay tueq.

DANIEL 9:6

Nuiyshiq hokhvmx bix, guimz lawc jix bix, jix vwaz tamx nuiyc nuiyshiq phvnx kuex mmuingc jungx vtueq jungphvnx yaq mnvrc waz hez shvmmax bix kvjaz kuex nuiyshiq rueq tay miq rvtiq.

TRI CHONGKE 31:21

vhiz juing phvnx kuilc daz jamjaux paunghvlc rulc rvhumc wvnc wuez tuex. Yuq muinz tsuingshiq samkox nuex hakhix yaungc tvkoc shic vruex shic kuy rax. Tsuingshiq muex kuq phaungx ngoz tueq bomkhvmc vtaq mungx kvyuq ngaz rueq max gvl wvnc nuex dvyx tsuingshiq rueq kvmungx yaq lvmz kuex ngaz rueq tuiuz yaq,” ngoz tueq jungx tueq.