NEHEMIA 9:10 - Hawa Naga Bible 2001

¹⁰ Mnoz rueq Hokhvmx waz muex muinz, piq miq vyungx vlaungx bix nuiyc mungx miqsaz htenc rueq mmiqsaz htenc kuex tuinghtuing ningkhvnc nuex, tsuingshiq muex mnoz rueq vkawc yawc vwangc juing htenc kuex tvkhic vtueq murx tvgurc toq. Mnoz kuex majuiuc raungnuiyq nuex httuiuc laz muingc dung yaq kuex rvhumc vtuiux.

ASII LAKDAP Bible (BSI)

¹⁰ Ümniiraq Pharao khuthaq na, apaiq jaqthü wanti welabi khuthaq na, asengi mungmaiqse khuthaq na, awang chang jaqsham tiichhikuq wan laü. Jamkhano ngukla tsangshiq raq, ümsengi Israilnok ka pinthum, tiichamchao wanto nguta asap haü. Kra laüta ümkhushü tiijong laü ihata, kra ümkhushü jong ka ümchaü min asi.

NEHEMIA 9:10 Referencias Cruzadas

NEHEMIA 9:16

Yuq muinz nuiyshiq jix vwaz tamx kuex ngamc yungc ruiux, khux tsanc vtueq mnoz rueq nvrc bomc kuex phvnx muq tvlvlc gay tueq.

NEHEMIA 9:29

Mnoz rueq tvtharc vshuiux kuex phvnc tvkoc tsuingshiq muex honc tvsvmz kuq toq, mtvrac kuex phvnx ruiux yuq miqmac thuiuzthuic tvraungx juing lvmx rvtueq, yuq muinz tsuingshiq kuex ngamc boq vtueq mtvrac htenc kuex tvdux gay tueq. Tsuingshiq kuex pinhtumc khux tvtsanc vtueq kvjaz kuex tvlvlc wuez tueq.

Tvtsvmc 83:18

Mnoz dvyx Yehowa rvtoq lvmx nuiyc ghaq ruiykhuix lotlaz guimz lawc jix waz rvtoq lvmz kuex tsuingshiq rueq mtuiuz wvnc wuez shueq.

DUNGWVNC 18:11

Ejip miqsaz htenc rueq Israel miqsaz htenc muex kvkhoc wvlc guez waqguez ruez tueq nuex, vpiq rueq vkhoc shuimx wvnc tueq ningkhvnc nuex Yehowa kuex tishox htenc lotlaz htauk nuex pinhtumc vyungx yaungx yaq kuex majuiuc ngaz rueq tuiuz tauk shex,” ngoz tueq jungx tueq.

DUNGWVNC 3:20

Yuq muinz ngvy luimc vkawc maq vhiz sungx juing htenc shuimx lvmz vtueq, Ejip mungx kuex murx tvgurc shaungx. Kvruex yimaq jix piq rueq nuimshiq kuex tvkaz shuex.

DUNGWVNC 5:2

Hokhvmx waz rueq, “Yehowa ngoz yaq kuex ukhaq lac? Yvmx ngoz tueq lac ngaz rueq piq kvjaz kuex tay kuq vtueq Israel miqsaz kuex tvkaz shaungx? Ngaz rueq kvruex Yehowa kuex tuiuz mauk; Israel miqsaz kvmuinz tvkaz lot mauk,” ngoz tueq tvralc tueq.

DUNGWVNC 7:1

Yehowa rueq, “Hokhvmx khaungkac nuex mnoz kuex Tishox ikhoc tvyaungc vtueq, mphuz Arun kuex mshvmmax ikhoc piq rueq jungphvnx shuex.

DUNGWVNC 9:16

Kvkhoc ruez ruiux jix ngvy muingc jungc kuex mungkawx miqsaz lotlaz rueq khic wvnc tvkoc ngaz rueq mnoz kuex tvraungx taq vphaungx.

ISAIA 42:20

Israel lex, mnoz rueq phvnx ruip khiz wvnc toq, yuq muinz kvruex kuex mnoz tvkoc yvmx vlvmz lac dung yaq nguinx? Mnoz nuex vtay juing nac httax yaq, yuq muinz mnoz rueq vsuing yvmx lac tay vshuiux?”

ISAIA 63:12

Vpiq pumz tvkoc pattup muingc dung wvnc laz juing, Moshe maq raz tueq vpiq luimc vkawc maq svmuktvrax yuix kuex tv-phvlc gay ruiux, yuix thuiuz hvlc maq vpiq miqsaz htenc shvlx wvnc tueq yauk shuimc yunghvlc shuimx wvnc tueq Yehowa kuex m-yuq lac?” ngoz tueq wiz wuez tueq. Yehowa rueq shvlc wvnc ningkhvnc nuex mvre vtsvy htenc kvpek kvhtuiuc muq ikhoc tsuingshiq kuex mkaq muinz kvhtuip rul wuez muq.

ISAIA 63:14

Ghaq vbur warc tvnx nuex suiux vngac htenc kaz wvnc yaq ikhoc, Yehowa rueq vpiq miqsaz htenc muex nyec tvkuiyq juing kuq shuex. Vpiq rueq vpiq miqsaz htenc muex lvmx shvlx kuq ruiux vpiq muingc kuex tvtsanc nganc tueq.

JEREMIA 32:20

Mvnnuex jauz mnoz rueq Ejip mungx nuex vwangc juing nuiyc vyac kvtsuing rawx pungdungc htenc tvkhic toq, majuiuc raungnuiyq nuex httuiuc laz mnoz kuex tsuingshiq muex Israel mungx nuiyc vganc miqphvnx lotlaz hvl nuex tvhttoarc vtueq tvkhic vshuiux, kvkhoc rvtueq mnoz kuex majuiuc nuex httuiuc laz baung ruip saz nuex muingc dung yaq.

EJEKIEL 20:9

Yuq muinz ngvy muingc kuex tsuingshiq rulc vdvmz httax yaq miqsaz htenc htumc nuex shummarc muq tvkoc ngaz rueq kvkhoc ruez mauk. Yvmx khoc lac ngoz ruiux lec Israel miqsaz kuex Ejip mungx wawc tvdung shvlx wvnc phaungx ngoz tueq tsuingshiq rulc vdvmz httax yaq htumc nuex bomkhvmc kuy ningkhvnc nuex rvtueq.

DANIEL 4:37

“Majuiuc kuex, ngaz, Nebukhadnezar rueq, raungmungx Hokhvmx waz ngauz vngax kuex tvtsanc nganc, tvtsvmc kvmc vshaungx. Vpiq rueq shuimx wvnc tueq phvnx ruip saz kuex vlvmx nuiyc tsuingrux yaq ningkhvnc nuex vpiq rueq ngamc vngax maq shuimc vkay jix ukhaq muinz tvruinc rvgay yaq,” ngoz tueq.

DANIEL 5:23

Mnoz rueq raungmungx Taungjix kuex khawx lvlx vtueq vpiq Shomc Yuimx wawc vlvmz wvnc kok nuiyc wanc htenc kuex lvmz vshuiux. Mnoz nuiyc mnoz vyungx vlaungx bix muinz, mtaungx nyuiuz hez nuiyc mtaungx nyuiuz ruinx hez rueq muinz kvyuq svpiq tix nuingx vtueq, kuimshawx, kuimphox, nvyrvyx, yanx, pulx nuiyc lung htenc maq vtvhungx muik khiz muq, nac tay muq, yvmx muinz tuiuz muq tishox htenc muex tvtsvmc kvmc wuez vshuinx. Yuq muinz mnoz kuex mrullungx nuiyc mnoz rueq shuimx kaz vshuiux phvnx ruip saz kuex shuimc lawc jix Tishox muex tvtsanc nganc vshuiux rvmuq.

DANIEL 9:15

“O Taungjix nuiyshiq Tishox lex, mnoz rueq mluimc vkawc tvkhic vtueq mmiqsaz kuex Ejip mungx wawc shvlx wvnc toq ningkhvnc nuex mluimc vkawc kuex majuiuc nuex httuiuc laz rvwvl hvt. Nuiyshiq rueq mvrax yaq tiq; nuiyshiq rueq vyaq shuimx gay tiq.

Acts 7:36

Piq kuex Ejip mungx nuiyc Yuix Shawx Jumx maq muinz, wawc rok bvlic tup kumtsvy tvnx nuex muinz, vwangc juing romzyac htenc tvkhic wvnc vtueq, Israel miqsaz htenc kuex Ejip mungx wawc shvlc tvdungc wvnc jix waz rvtueq.

Romans 9:17

Yvmx khoc lac ngoz ruiux lec Ejip hokhvmx waz muex, “Mnoz hokhvmx muex tvyaungc vphaungx lvmx kuex mhtauk maq ngvy luimc vkawc kuex tvkhic vtueq, mungkawx lotlaz nuex ngvy muingc jungc dung wvnc tvkoc rvtueq,” ngoz tueq Rumvrc luik nuex wuiyq shec tueq.

TRI CHONGKE 4:34

Yehowa nuimshiq Tishox rueq nuimshiq tvkoc Ejip mungx maq shuimx wvnc tueq ikhoc, vganc phvnx wawc miqsaz kuex shvlx wvnc vtueq piq miqsaz muex tvyaungc khvmc jix tishox httax tueq haz? Vpiq rueq nuimshiq muik lawc nuex luimc vkawc yunghvlc nuiyc hungc vlaungc kuex shuimx vtueq, vmac vtsac nuiyc ralx rvkhvt, vwangc juing nuiyc romzyac htenc nuiyc kvhiz juing phvnx htenc tvdung tueq.

TRI CHONGKE 7:19

Nuimshiq miqmac rueq khiz wvnc tuit vhiz juing thuimkux htenc, vkawc yawc vwangc juing phvnx htenc, nuimshiq tvdungc shvlc lvy jix Yehowa nuimshiq Tishox luimc vkawc nuiyc vpiq yauk phumz kuex rvwvl lvp wuez shuinz. Yehowa rueq Ejip miqsaz htenc tvbac gay tueq kvkhoc, majuiuc nuimshiq hisungx vtuinx miq htenc kvmuinz tvbac gay shuex.

1 Peter 5:5

Ekvrulc rv-ngvlc nuimshiq nosaz rulx rueq nyuiuz waz miqlaungx bix kvjaz kuex tay wuez shuinz. Nuimshiq vdvmz dvmz juiux kax tvkoc nuimshiq lotlaz thuinz vnyenz ngoz yaq marrarc kuex svmx wuez shuinz; yvmx khoc lac ngoz ruiux lec Rumvrc luik nuex, “Tishox rueq ngamc vngax jix muex tuingshaung kuq gay yaq, yuq muinz thuinz vnyenz jix htenc muex kejux kuq vtueq htvlx phawc tvlvp yaq,” ngoz tueq jungx tueq.