NEHEMIA 8:8 - Hawa Naga Bible 2001

⁸ Tsuinghez rueq Tishox Tvrac luik kuex miq rueq tuiuz laz juing bomc layc vtueq jungphvnx kuq tueq.

ASII LAKDAP Bible (BSI)

⁸ Tsangshiq raq Shiikeawe Thungtri ka mungmaiqse raq sap wanli chang khan maq, tsangshiq nü maq tiiphan tiiphan raüta tru chongkuqto.

NEHEMIA 8:8 Referencias Cruzadas

2 HOKHVMX 23:2

tsuinghez rulc vdvmz shomc waz bix nuiyc shvmmax bix, kvjungx yaq miq htenc, htemc saz, luiz waungx kv-ngoc muq Shomc Yuimx nuex kaz wvnc wuez tueq. Kvruex yimaq tsuingshiq lotlaz max nuex hokhvmx waz rueq Shomc Yuimx wawc humc tueq bomkhvrc luik dvp kuex tv-phaungc tvsuip bomc vyungx maq wvl kuq tueq.

EJRA 4:18

“Nuimshiq rueq vtvwvnc luik kuex kvlayc vtueq ngaz muex phat kuq phuex.

NEHEMIA 8:12

Kvkhoc rvtueq miq lotlaz rueq wvl wvnc tueq luik kuex tuiuz tay wvnc wuez vtueq, miqmac yuimx nuex yek wuez ruiux vkoz vkez maq phauk saq wuez vtueq, phuiuz vsvy kuex vganc jix muex muinz phvlx kuq wuez tueq.

NEHEMIA 8:7

Kvruex yimaq tsuingshiq kuex miqmac baung nuex jvp wuez tueq, kvkaq tsuingshiq muex Lewi miqsaz rvtueq: Jeshua, Bani, Sherebia, Jamin, Akkub, Shabbethai, Hodia, Maasea, Kelita, Azaria, Jozabad, Hanan nuiyc Pelaia rueq Tvrac vlvmz kuex jalc jungx kuq tueq.

NEHEMIA 8:9

Tsuingshiq rueq Tvrac luik nuex tvkhic shec tueq htenc kuex tay wuez vtueq thuinz nuex heq koq tueq vkhoarc rvwuez tueq. Kvkhoc rvtueq mungx walaungx waz Nehemia, Tvrac luik tuiuz jix shomc waz Ezra nuiyc Tvrac luik vlvmz kuex jalc jungc kuy jix Lewi miqsaz rueq, “Majuiuc raungnuiyq kuex Yehowa nuimshiq Tishox muex vsawc raungnuiyq rvtueq, kvkhoc rvtueq nuimshiq yonzyex vtueq nauk khoar wuez kaz.

NEHEMIA 9:3

Tsuingshiq rueq Yehowa tsuingshiq Tishox Tvrac luik wvl tueq kuex hvlwvlc (hours) thuimx tanc tay tvtsuingc ruiux, kvruex yix nuex hvlwvlc thuimx hulawx miqmac mvrax htenc kuex kvjungc vtueq, Yehowa tsuingshiq Tishox muex nawk palx wuez tueq.

EJEKIEL 46:10

Miq htenc nyuip waung tuex nuex, hokhvmx waz muinz nyuip waung vtueq tsuingshiq dung kaz ruiux piq muinz dung kaz yaq.

HABAKUK 2:2

Yehowa rueq ngaz muex vkhoc tvralc kuq phuex, “Ngaz rueq mnoz muex tvkhic kuq phaungx lvmz kuex lungdvmx htenc htauk nuex yoalx rek phat wvlc muex wuiyq taq shuiuz, kvkaq kvruex raungshuex raung wvl lvp shuex.

Luke 24:27

Kvmaq Yesu rueq, Moshe rueq vwuiyq shec wawc nuiyc shvmmax bix rueq vwuiyq shec Rumvrc luik htenc wawc vpiq duix nuex tvhungx vtueq vwuiyq shec htenc kuex tsuingnueyc muex jungphvnx kuq tueq.

Luke 24:32

Kvkhoc rvtueq tsuingnueyc rueq, “Lvmx maq vpiq rueq naungnueyc muex jungphvnx kuq phuex ikaq Rumvrc luik wawc jalc jungx kuq phuex nuex naungnueyc thuinz wvrluic ikhoc thuinz phez tueq rvmuq haz?” ngoz tueq rvjungc wuez tueq.

Luke 24:45

Kvruex yimaq Rumvrc luik htenc tuiuz wvnc tvkoc vpiq rueq tsuingshiq thuinz kuex tvsvmz kuq tueq.

Acts 28:23

Tsuingshiq rueq raungnuiyq khvmc kuq tueq rulc rv-ngvlc kvruex raungnuiyq Polu duic juing yuimx nuex miq paunghvlc httuiuc kaz wuez tueq. Kvmaq piq rueq raungnvp maq raungx tvyac laz Tishox Mungtan nuex seng vtueq bomjungc kuex jungphvnx kuq tueq, Moshe Tvrac luik nuiyc shvmmax luik wawc Yesu lvmx kuex tsuingshiq rueq tuiuz wvnc laz juing laungc maq jungphvnx kuq tueq.