NEHEMIA 5:4 - Hawa Naga Bible 2001

⁴ Vganc jix rueq hulawx, “Nuiyshiq rueq nax nuiyc svpiq sunc laung hihic kuy muex kuimphox nvmc tiq.

ASII LAKDAP Bible (BSI)

⁴ Kiimaq, maiq wiijamti riika, “Naishiq ha hokhamwe ma wak phunta, kiimaq spiqro phunta thun kewan chang kampho ahü kha maq, kampho nam laita, maiqtijong howan kai. Laita kra kampho maq phunta kuq wan kai.

NEHEMIA 5:4 Referencias Cruzadas

EJRA 4:13

Majuiuc kuex, Taungjix hokhvmx waz lex, vruex ghaqyungx kuex tec yek vtueq, palx ruk htenc kuex ruk lot ruiux yuq, vruex miqsaz htenc rueq hihic rawrawc htawc yaq kuex httvr gay wuez ruiux yuq, mnoz hokhvmx hihic rawrawc kuex komc wvnc tuex.

EJRA 4:20

Luimc vkawc yunghvlc hokhvmx bix rueq guimz lawc vtueq Euphrat maq Shalx nyuip kox mungx hong lotlaz kuex guimz ruiux, hihic rawrawc htenc hic wuez yaq.

EJRA 7:24

Shomc waz bix, Lewi miqsaz htenc, vshic vngoyc jix htenc, vbvmc jix htenc, yauk shuimc jix htenc nuiyc vruex Shomc Yuimx nuex rvhumc phek jix ukhaq kox wawc muinz hihic rawrawc kuex hic mvy muq.

NEHEMIA 5:3

Vganc jix rueq, “Nuiyshiq kuex htemrvmz miq tvkoc tuiuz vtsvmz hunghtaungx laz lvp tvkoc nax nuiyc svpiq sunc htenc yuimx htenc kuex tvnvmc gay tsuiyc tiq,” ngoz tueq jungx wuez tueq.

NEHEMIA 9:37

Nuiyshiq kuex mvrax yaq wuez tiq ningkhvnc nuex nuiyshiq muex mnoz rueq tvguimz tvlawc phux hokhvmx bix kvraq dvyx shex lvp luz wuez yaq. Kvruex hez rueq nuiyshiq nuiyc nuiyshiq suiux vmanx htenc kuex tsuingshiq rueq tvmaung shuex kvkhoc nvr wuez yaq, kvkhoc rvtueq nuiyshiq kuex pinhtumc htemrvmz wvnc vtix!”

TAKSU LAK 22:7

Htemc saz jix kuex luiz waungx jix dax muex yaungx yaq, kuimphox nvmc jix waz kuex tvnvmc kuy jix waz dax muex yaungx yaq.

JOSHUA 16:10

Yuq muinz Gezer nuex httax yaq Kanaan miqsaz kuex tsuingshiq rueq yurc gay muq ningkhvnc nuex majuiuc raungnuiyq nuex httuiuc laz Kanaan miqsaz httax yaq, yuq muinz tsuingshiq kuex dax muex tvyaungc rvhumc yaq.