NEHEMIA 5:19 - Hawa Naga Bible 2001

¹⁹ O Tishox lex, vruex miq htenc tvkoc ngaz rueq shuimx wvnc tauk htenc kuex rvwvl vtueq ngaz muex kejux kuq koq.

ASII LAKDAP Bible (BSI)

¹⁹ O, sanseng ramungtan na siti Shiikeawe lei, ngi raq mungmaiqse miitu ümtinkhan wa jaqsham athuk atsom shamkuq wan kang kra, ümtsan na tiitsang laq nguta achu jaü tiikang.

NEHEMIA 5:19 Referencias Cruzadas

RAPHA HIQWA LAK 40:14

Yuq muinz mnoz rueq lvp luz wvnc yek shuiux kvkaq ngaz muex nauk lauk kuq vkueq, hokhvmx waz mvnz nuex ngvy lvmz vruex jungx kuq vtueq khoktep vwawc dungc tvkoc romc kuq koq.

2 HOKHVMX 20:3

“Yehowa lex, ngaz kuex mnoz muex tvmtuing httax vtueq tsuingrux maq shuimx kuq ruiux, mnoz rueq ngaz muex tvshuimc roc vshuiux yauk shuimc mkaq muinz shuimx vshaungx yauk shuimc htenc kuex rvwvl shuiuz.” Ngoz tueq piq kuex khuip khaq laz juing gushuex guz khoar tueq.

NEHEMIA 13:14

Ngvy Tishox lex, mshomc yuimx nuiyc nawk palx tvkoc ngaz rueq shuimx wvnc tauk htenc lotlaz kuex rvwvl lvp shuiuz.

NEHEMIA 13:22

Vguilc Raungnuiyq vsawc yaungc tvkoc Lewi miqsaz muex miqmac gvnz kuex kvsawc nawc vtueq palx kaluix htenc kuex bvmc kay tvkoc ngaz rueq nvr tauk. O Tishox lex, vruex ningkhvnc nuex ngaz muex rvwvl koq, mlungwawc yunghvlc htauk maq ngaz muex menjenc kuq koq.

NEHEMIA 13:31

Ngaz muex hungx tuex baunglaung wvr maq jauk shomc kuy tvkoc janx nuiyc vphaungc thuey yaq vthuey vngoz nuiyc vphaungc muinx yaq tuiuz vtsvmz htenc lvmc lvy tvkoc tvhungx htaungx tauk. O Tishox lex, vruex lotlaz kuex rvwvl vtueq, ngaz muex kejux kuq koq.

Tvtsvmc 106:4

Yehowa lex, mmiqsaz htenc muex mnoz rueq romc kuq shuiux nuex ngaz muinz rvwvl koq; tsuingshiq kuex mnoz rueq palc wvnc shuiux nuex ngaz muinz tvlomx naungx koq.

Tvtsvmc 40:17

O Yehowa lex, ngaz kuex vnulx nuiyc htemc saz waz yaungx vtaungx, yuq muinz mnoz rueq ngaz kuex lauk gay vphux rvmuq. Mnoz kuex ngvy palc daungc jix waz nuiyc ngvy Tishox rvtoq, ngaz muex romc kuy tvkoc htat htat httuiuc kaz loq!

JEREMIA 29:11

Nuimshiq tvkoc ngaz nuex httax yaq kvmungx htenc kuex ngaz rueq dvyx tuiuz yaq, kvruex kvmungx kuex thuimkux rvmuq, vlvp vluz lvmz dvyx rvtueq, nuimshiq rueq tvluimc vshuinx max kox lvmz nuex seng yaq htenc kuex kvmungx rvtueq.

Matthew 10:42

Ngaz rueq nuimshiq muex vsuing jungx kuq ix, ngvy kungjix vwawc vruinx pinhtumc waz muex ngvy htvlx phawc lawc vtueq, yuix kuiyq kokshiz kuy nuingc jix waz rueq yauk mauk vsuingc suing lvp wvnc shuex,” ngoz tueq jungx tueq.

Mark 9:41

Ngaz rueq nuimhez muex vsuing jungx kuq ix, nuimshiq kuex ngaz muex seng yaq hez ngoz tueq nuimhez muex yuix kokshiz kuy nuingc jix ukhaq yuq muinz piq yauk mauk kuex vsuing lvp wvnc shuex.