NEHEMIA 5:17 - Hawa Naga Bible 2001

¹⁷ Ngvy kox nuex kay jix tvroz wawc miqsaz htenc maq lvy vtueq, Yuda miqsaz nuiyc tsuingshiq walaungx bix 150 muex ngaz rueq ngvy humpanx nuex mkaq muinz tv-phauk saq tauk.

ASII LAKDAP Bible (BSI)

¹⁷ Kiimahali, ngi raq miitut wan tlii maq, Jehudinok nai tsangshiq shunshea wanti phukhu welabi ka, maiq shishi ri roqbiingi ijam na dung wan kang. Arthaq niimin, maiq mung ahinti Judia wang tro wa, wanwe aki awa khumti üntinkhan wa, i jam na saü tlaq, kra dunghiq wan kang.

NEHEMIA 5:17 Referencias Cruzadas

2 SAMUEL 9:13

Kvkhoc rvtueq vyaz vnueyc wvtaungx vbac waz Mephiboshet kuex Yerusalem nuex httax vtueq hokhvmx waz humpanx wawc phuiuz vsvy htenc kuex piq rueq phauk saq lvp yaq.

2 SAMUEL 9:7

Dawid rueq, “Nauk hiz kaz, m-waz Yonathan ningkhvnc nuex ngaz rueq mnoz muex menjenc kuq phaungx. Mjix Sholu rueq guimz wvnc tueq ghaqphux lotlaz kuex ngaz rueq mnoz muex yez kuq phaungx. Mnoz rueq ngvy humpanx wawc mkaq muinz phauk saq lvp shuiux,” ngoz tueq jungx tueq.

1 HOKHVMX 18:19

Karmel Kanx nuex ngaz rulc rvhumc tvkoc Israel miqsaz lotlaz muex nvr shuiuz. Bala shvmmax 450 rulc vdvmz hokhvmx nyuiuz Jezebel rueq dung ghaq yaq Asher tishox nyuiuz shvmmax bix 400 kvmuinz shvlx laq loq,” ngoz tueq tvralc tueq.

1 HOKHVMX 5:3

“Iwaz Dawid kuex piq tvroz tuimz nuex komc vtueq tvgap gawx jix ralx mungtan htenc kuex mkaq muinz rvkhvt hvt dvyx ningkhvnc nuex, piq Tishox Yehowa muex nawk palx kuy juing shomc yuimx vshiz guirx lvp muq lvmz kuex mnoz rueq tuiuz yaq, piq ralx htenc kuex Yehowa rueq khvt gay muq wawwawx piq rueq shomc yuimx kuex guirx lot muq.

NEHEMIA 5:16

Ngaz nuex httax yaq hungc vlaungc kuex palx ruk shuimx lvmz wvnc tauk. Ngaz rueq wuik vnax muinz ruiyx mauk, ngvy yauk shuimc jix lotlaz muinz palx ruk yauk shuimc dvyx shuimx wuez tueq.

ISAIA 32:8

Yuq muinz tvtsanc aungx yaq waz kuex thuinz kenrix maq yauk shuimx vtueq vlvmz yauk shuimc tvkoc phaungx duingduing jvp yaq.

Romans 12:13

Htemc vrvmc rvhumc yaq nuimshiq Christan phunox bix muex kuq noalx wuez shuinz, wuinz waz muex malc kuy yauk shuimc kuex shuimx wuez shuinz.