NEHEMIA 5:15 - Hawa Naga Bible 2001

¹⁵ Ngaz rueq max shuimx shauk kungkhux nuex mungx walaungx yaungc jix bix rueq kuex mungx miqsaz muex gurc liq tvgurc wvnc tueq, mungx miqsaz kox wawc lvmx svy nuiyc svpiq tix laung nuex nuiyq shiz nuex kuimphox sawx rok bvlic thoz tueq. Tsuingshiq nvrc waz hez rueq doc muinz mungx miqsaz kuex tuinghtuing wuez tueq. Yuq muinz ngaz kuex Tishox muex tvtsanc nganc jix ningkhvnc nuex kvkhoc kuex ruez rvmauk.

ASII LAKDAP Bible (BSI)

¹⁵ Ngi ma sinkhu na wanghuptibi siwantaqti thun dunghea wan ka, mungmaiqse ma hekii laihea ashi riito. Tsangshiq raq phaq nai sea miitu kiimaq che miitu, mungmaiqse jaq wa kampho ka ranaiqtek kamsii roqblailai jaü wanto. Kiimaq tsangshiq lukhapbi riimin, mungmaiqse ka shiiteplep raüta jaüphaqsiq wanto. Shatmaq ngi riikaq jaüphaq siq wan mang. Jamkhano ngukla, ngi raq Shiikeawe shreng tiikang.

NEHEMIA 5:15 Referencias Cruzadas

RAPHA HIQWA LAK 20:11

Abraham rueq, “Vruex hong wawc miq htenc kuex Tishox muex hiyaz wuez muq, itaungx nyuiuz kuex nyvlc wvnc tvkoc ngaz kuex thvt gay phuex, ngoz tueq tvmaung tauk.

RAPHA HIQWA LAK 42:18

Raungnuiyq thuimx vngoz nuex Yosep rueq tsuinghez muex ngoc, “Ngaz kuex Tishox muex hiyaz tvtsanc nganc jix waz rvtauk, nuimhez rullungx tvraungx lvp tvkoc vkhoc rvshuinz.

NEHEMIA 5:16

Ngaz nuex httax yaq hungc vlaungc kuex palx ruk shuimx lvmz wvnc tauk. Ngaz rueq wuik vnax muinz ruiyx mauk, ngvy yauk shuimc jix lotlaz muinz palx ruk yauk shuimc dvyx shuimx wuez tueq.

NEHEMIA 5:9

Kvruex yimaq ngaz rueq, “Nuimhez yauk shuimc kuex vyaq! Nuimshiq rueq Tishox kvjaz kuex tay phvnx vtueq vlvmz yauk shuimc shuimc aungx yaq. Naungshiq kuex shummarc lauk kaz ruec tvkoc naungshiq ralx hez nuiyc Pungnuk miqsaz htenc yauk nuex lekuy mvy muq.

YOBA 31:23

Ngaz kuex Tishox rueq murx tvgurc shuex kvmac hiz vtueq, kvkhoc khac kuex ngaz rueq mkaq muinz shuimx shaungx rvmuq.

Tvtsvmc 112:1

Yehowa muex tvtsvmc wuez shuinz! Yehowa muex tvtsanc nganc vtueq vpiq rueq nvrc bomc htenc kuex tay phvnc raungc raq jix waz kuex thuinhvlx yaq.

Tvtsvmc 147:11

yuq muinz vpiq muex tvtsanc nganc jix htenc nuiyc vpiq phaungx ngaungx yaq lungwawc thuinz nuex tvluimc jix htenc kuex vpiq rueq raungc raq yaq.

TAKSU LAK 16:6

Tvmtuing raz tueq vlvmx yaungx kuiuz, ngoz ruiux Tishox rueq mmvrax kuex dawc kuq gay kv-phux. Yehowa kvjaz tay phvnx shuiuz, kvkaq honc bac phvnx yvmx muinz mnoz nuex yaungx wvnc rvhumc tuiux rvmuq.

TAKSU LAK 29:12

Mungx walaungx waz rueq vyaq thuix thaungx kuex phvnx ruiux yuq, piq khung wawc vyungx vlaungx bix lotlaz kuex vrot vkaq jix jvnc yaungx tuex.

ISAIA 50:10

Yehowa muex tvtsanc nganc jix nuimshiq lotlaz kuex vpiq nvrc waz kvjaz kuex tay phvnx wuez yaq, mnoz khuemc juing kuex nyauk duk yaungx ruiux yaungx tuex, yuq muinz Yehowa muex kvmx kuiuz, m-Tishox nuex kvnvp rvwak kuiuz.

JEREMIA 32:9

Ngaz rueq Hanamel nax kuex ruiyx vtueq kuimphox kuex shenc kuq tauk; vhtawz kuex kuimphox sawx rokshiz rac mvshix rvtueq.

AJONJÜ 5:8

Nuiyshiq kuex dax hez htauk nuex jvnc vtueq vbac miqsaz rueq guimz lawc rvhumc vtix, vshiz raung rueq muinz tsuingshiq luimc kawc wawc nuiyshiq kuex daungc wvnc lot muq.

Matthew 5:47

Nuimshiq kuex kungjix kamjix rulc dvyx rvhumc rvbomc nyamc ruiux kuex, nuimshiq rueq shuimx kaz vshuinx yauk shuimc kuex vganc jix miqsaz htauk nuex lvy vtueq yvmx lac shuimx vshuinx? Tishox tuiuz muq miqsaz rueq muinz kvkhoc jvnc shuimx yaq!

2 Corinthians 11:9

Kvruex dvyx muinz rvmuq, ngaz nuimshiq kox nuex httax tauk baunglaung kuimphox sawxnoz rax ruiux muinz nuimshiq tvtsux tsaungx mauk doc. Makedonia mungx maq vkaz phunox bix rueq dvyx ngaz muex rax yaq kuex lvmz kuq laq phuex, ngvy tvkoc nuex nuimshiq muex tvtsux tsaungx mauk doc, yix maq muinz tvtsux tsaungx phaungx rvmuq.

2 Corinthians 12:13

Nuimhez kox wawc ngaz muex romc kuy tvkoc kuimphox thoz vtueq tvtsux tsaungx mauk maq, vganc phungc rulc rv-ngvlc muq kuex ngaz rueq yvmx lac rvtauk nguinx? Kvkhoc tvrac muq ningkhvnc nuex mvrax dawc kuq kuit.

1 SAMUEL 8:15

Nuimshiq tuiz vtsvmz nuiyc svpiq mvnz rokshiz wawc mvnshiz kuex piq hoc wawc vyungx vlaungx bix nuiyc vganc yauk shuimc jix vyungx vlaungx bix tvkoc lvmz gay shuex.