NEHEMIA 5:1 - Hawa Naga Bible 2001

¹ Vshauk puq httvmx yix maq, miqwaz yalxjuik miq paunghvlc rueq tsuingshiq Yuda phuz vnox htenc muex kvbot nyvnx phaungc wvnc tueq.

ASII LAKDAP Bible (BSI)

¹ Arjai maq heashi sijai na, nokmaiqse wa jechak maiqwe pahea i phana wato. Raüta tsangshiq raq ngi ma, maiqmii Jehudinok raq, tsangshiq ka, nanshan haihiitlo nguta shokto.

NEHEMIA 5:1 Referencias Cruzadas

NEHEMIA 4:23

Ngaz kuex raungwvrx nuex muinz khvy kuex put mauk, ngvy kungjix htenc, ngvy nvrc waz hez nuiyc ngvy bvmc jix hez rueq muinz khoz vkhvy kuex put wuez muq. Nuiyhez lotlaz rueq miqmac yaung vpaq kuex yauk nuex shuimx wuez tiq.

YOBA 34:28

Tsuingshiq rueq Tishox kuex ramc tvkoc htemc vrvmc miqsaz htenc muex nvr yaq, vpiq rueq romc kuy tvkoc tsuingshiq rueq ramc yaq kuex tay tueq.

DUNGWVNC 3:7

Kvruex yimaq Yehowa rueq, “Ngvy miqsaz htenc Ejip mungx nuex kuilc daz rvhumc yaq kuex ngaz rueq rvkhauk laz khiz tauk; tsuingshiq muex nvrc jix hez rueq guirguenz yaq kuex nanx lot muq ningkhvnc nuex tsuingshiq muex romc lawc kuy tvkoc guyc sez kvjaz kuex ngaz rueq tay tauk. Tsuingshiq rvhumc yaq htemc vrvmc lotlaz ngaz rueq tuiuz yaq,

ISAIA 5:7

Israel kuex Tvphaungc Tvsuip Yehowa svpiq sunc rvtueq; Yuda miqsaz kuex vpiq rueq vkhic svpiq ruiuz htenc rvtueq. Tsuingshiq rueq vhvlx shuimx shuex ngoz tueq vpiq rueq tvluimc wvnc tueq, yuq muinz kvkhoc shuimc tvraung tsuingshiq rueq miq thvt gay tueq. Tsuingshiq rueq vlvmz shuimx shuex ngoz tueq vpiq rueq tvluimc wvnc tueq, yuq muinz guirguenc rvhumc yaq hez rueq kuex tvrac vrungx vraz tvkoc ramc wuez yaq.

JEREMIA 34:8

Hokhvmx Zedekia nuiyc Yerusalem ghaq miqsaz rueq tsuingshiq dax nyuiuz dax waz rvtueq Hebre dax htenc kuex tvdungc gay tvkoc rvkhvmc wuez tueq,

EJEKIEL 45:9

Johvlc Yehowa rueq, “Israel guimz lawc jix hez lex, nuimshiq rueq mvrax yaq vtuinx kuex loayc hvlc shex! Nuimshiq rueq yauk laungc yalawx nuiyc vtuing vhtuing ruez vshuinx kuex httvr shuinz. Vlvmz nuiyc tsuingrux kuex shuimx shuinz. Ngvy miqsaz htenc kuex tsuingshiq mungtan wawc mkaq muinz nauk yurc gay kaz. Ngaz, Johvlc Yehowa rueq vruex lvmz jungx vshaungx.

MALAKI 2:13

Vruex kuex nuimshiq rueq shuimx vshuinx vganc phvnx shiz rvtueq. Nuimshiq miqmac rueq lvmz laq shuinx shomc kuy juing htenc kuex Yehowa rueq lvmz muq ningkhvnc nuex khoar nyerx wuez vtueq vpiq shomrawx kuex muik phic maq tvluimz vshuinx.

Luke 18:7

Vthvlc vruez jix htenc rueq raungnuiyq raungwvrx guyc sez thoz ruiux yuq, Tishox rueq tvrac rulc rv-ngvlc yaungc tvkoc phox kuq muq dvyx haz rvshvnx? Vpiq rueq tsuingshiq muex romc kuy tvkoc kvyix hvlc haz rvtvnx?

Acts 7:26

Nvp yix raungnuiyq muinz Israel miq wanueyc rvthvy yaq kuex khiz vtueq Moshe rueq, ‘Nuimshiq kuex saqphuz saqnox vdvmz dvmz yvmx ngoz tueq lac rvthvy vtuinx?’ ngoz tueq pec tueq.

James 5:4

Nuimshiq rueq nuimshiq wuik vnax htenc nuex yauk shuimc jix hez muex yvmx yauk mauk muinz kuq muit. Tsuingshiq kvbot nyvnx yaq kuex tay shuinz! Nuimshiq tuiz vtsvmz gvnc kuy jix htenc guyc sez tvruingc kuex Tvphaungc Tvsuip Taungjix Tishox nac nuex nyuip waung vtuex.