NEHEMIA 4:14 - Hawa Naga Bible 2001

¹⁴ Ngaz rueq mungx miqsaz htenc rvwvl tvmaung rvhumc wuez yaq kuex khiz vtueq, tsuingshiq nuiyc tsuingshiq walaungx bix nuiyc vyungx vlaungx bix htenc muex, “Naungshiq ralx hez kvmac nauk hiz kaz. Yehowa kuex mtanc khvnc lac yungx yaq nguinx nuiyc miqhiz vsac yaungx yaq kuex rvwvl wuez vtueq, nuimshiq phuz vnox, juik vsaz htenc tvkoc ralx khvt wuez shuinz,” ngoz tueq jungx tauk.

ASII LAKDAP Bible (BSI)

¹⁴ Ngi raq mungmaiqse ka, tsan na chapa asi chhikang. Kra ningkhan, ngi raq tsangshiq ma, kiimaq tsangshiq khuthaq na ashun sheati welabi ma, kiimaq siihiipbi ma, “Nashiq jaqtibi ma naqhai rongkiq. Tsan na tiitsang rong laq; Tatiwe ka phiiptsi jiiptsi. Apaiq ka nammung miitu, namsetiim miitu, nam chaktiim miitu, kiimaq namshiq jamkun miitu re mikhat.”

NEHEMIA 4:14 Referencias Cruzadas

2 SAMUEL 10:12

Hungc tsvnc vtueq khvmc wuez shuinz! Naungshiq miqsaz tvkoc nuiyc naungshiq Tishox ghaqyungx htenc tvkoc nuex phaungx duing maq khvt wuez ix. Yehowa thuinroc m-yaungx wvnc kueq!” ngoz tueq jungx tueq.

2 KAÜWA WERAÜ 32:7

“Thuinz tvyungc vtueq khvmc thuinz httax wuez kuinz, Asiria honoc waz nuiyc piq rueq shunshvlx yaq nolaungx bix kvmac nauk hiz kaz. Naungshiq kox nuex httax yaq luimc vkawc kuex piq kox nuex httax yaq luimc vkawc htauk nuex jvnc vtueq naungshiq rueq lvp taq tiq.

NEHEMIA 1:5

“Yehowa Raungmungx Tishox lex! Mnoz kuex yunghvlc rvtoq ningkhvnc nuex, nuiyshiq kuex mnoz muex hiyaz vphix. Mnoz muex lungwawx jix hez rulc taq toq bomkhvrc kuex mnoz rueq tvmtuing maq phvnx tvhungx toq, mnoz kuex vnvrc bomc rulc rv-ngvlc shuimx kaz toq.

YOBA 37:22

Ghaqkhux kox nuex kuimshawx ikhoc phelez yaq kuex kv-khic yaq, Tishox ngauz vngax kuex naungshiq nuex kvhiz juing rvtueq.

Tvtsvmc 143:5

Ngaz rueq lvy wvnc vtuex wawc raungnuiyq htenc kuex rvwvl lvp vshaungx; mnoz rueq shuimx wvnc toq yauk shuimc lotlaz kuex ngaz rueq rvwvl thvt vshaungx, m-yauk shuimc lotlaz kuex ngaz rueq rvwvl thvt vshaungx.

Tvtsvmc 20:7

Wvyvmc kuex tsuingshiq ralx khvt juing renc htenc, kvmaq wvyvmc kuex tsuingshiq ngaungc yaq mvre htenc muex tvluimc wuez yaq, yuq muinz naungshiq kuex Yehowa naungshiq Tishox muex tvluimc wuez vshix.

Tvtsvmc 27:1

Yehowa kuex ngvy raungwuic nuiyc ngvy palc jix waz rvtueq; ukhaq muex muinz ngaz hiz mauk. Yehowa rueq kvhiz juing lotlaz wawc ngaz kuex tvkhup wungx kuq phuex; ngaz kuex mkaq muinz hiz mauk.

Tvtsvmc 46:11

Tvphaungc Tvsuip Yehowa kuex naungshiq rulc vdvmz httax yaq; Yaku Tishox kuex naungshiq kvwungx juing rvtueq.

Tvtsvmc 65:5

Mnoz rueq nuiyshiq muex tvtaungx wvnc kuq vtueq nuiyshiq muex tvralc phux vwangc juing yauk shuimc kuex shuimx vtueq nuiyshiq kuex palc wvnc koq. Mungkawx lotlaz wawc nuiyc svmuktvrax ruiy yaq baung ruip saz wawc miqsaz htenc kuex mnoz muex tvluimc wuez yaq.

Tvtsvmc 66:3

“Mnoz rueq shuimx wvnc toq yauk shuimc htenc kuex mtanc vwangc juing wuez! Mnoz luimc vkawc kuex yunghvlc ningkhvnc nuex mralx htenc kuex mkhaungkac nuex kvhiz vtueq bumx wuez tuex.

Tvtsvmc 66:5

Tishox rueq shuimx wvnc tueq yauk shuimc nuiyc miqsaz hvlwvl nuex, vpiq rueq shuimx wvnc tueq vwangc juing htenc kuex lawc kaz kuinz.

DUNGWVNC 14:14

Yehowa rueq nuimshiq tvkoc khvt gay shuex, nuimshiq kuex kuiyqshuik dvyx rvkuinz,” ngoz tueq.

DUNGWVNC 14:25

Yehowa rueq tsuingshiq renc huk htenc kuex tvbac gay koq tueq vkhuemc tvkoc gvrc hvlc yaungx tueq. Kvkhoc rvtueq Ejip miqsaz rueq, “Yehowa kuex Israel miqsaz kox nuex raz tueq naungshiq kuex khvt yaq, vruex maq dung wuez ix,” ngoz tueq.

THARC TVLUINGC 12:1

Kvkhoc rvtueq yalxrox pat jauz nuex mnoz rueq, “Ngaz vshuenc vruenc httax lot mauk shex,” ngoz tueq vkuilc vdaz vraungx nuiyq vraungx wawc max httuiuc shauk nuex mnoz Tvdungc Sungc jix Waz kuex rvwvl shuiuz.

DANIEL 11:32

Tsuingshiq nawk palx htungx tuip gay shec jix hez kuex hokhvmx waz rueq rot kaq vtueq laulawc shuex, yuq muinz Tishox yix phvnx jix hez rueq tsuingshiq kuex tvyez khvt shuex.

JEKERIA 14:3

Kvruex yimaq vpiq rueq lvy wvnc tueq jauz khvt tueq ikhoc Yehowa kuex kaz vtueq miqphvnx htenc kuex khvt shuex.

WEAWEA 14:9

Yehowa muex nauk khawx lvlx kaz, kvruex mungx kvyuq httax yaq miqphvnx kvmac muinz nauk hiz wuez kaz. Naungshiq rueq tsuingshiq kuex yoalx rek saz dvyx khvt taungx gay shix. Yehowa kuex naungshiq rulc vdvmz httax vtueq tsuingshiq muex tvkhup wungx kuq yaq tishox htenc kuex yurc taungx gay tueq shex ningkhvnc nuex, nauk hisungx wuez kaz,” ngoz tueq jungx tueq.

Matthew 10:28

Gvnngvmx thvt gay lot ruiux siyac kuex thvt gay lot muq jix kvmac nauk hiz kaz; siyac rulc nongx gvnngvmx kuex ngarvyx mungx nuex tvdvy gay lot jix waz Tishox muex dvyx kvhiz wuez kuinz.

TRI CHONGKE 10:17

Yehowa nuimshiq Tishox kuex tishox htenc lotlaz htauk nuex muinz luimc vkawc httaz hvlc. Vpiq kuex yunghvlc raz tueq hungc vlaungc mvrc yaq ningkhvnc nuex vhiz juing rvtueq. Vpiq rueq miqsaz htvlx phawc kuex thvl muq, khauloayc yauk noalc thoz muq.

Hebrews 13:6

Kvkhoc rvtueq, “Taungjix kuex ngaz muex romc kuy jix waz rvtueq, ngaz yvmx muex muinz hiz mauk. Uwaz rueq lac ngaz kuex yvmx khoc lac rvlot phvnx?” ngoz tueq thuinz tvyungc vtueq naungshiq rueq jungx wuez ix.

JOSHUA 1:9

Ngaz rueq nvr phaungx rulc rv-ngvlc thuinz maq htvp htaz vtueq kvmx kuiuz! Nauk hiz kaz, thuinz nauk tvbac kaz, ngaz Yehowa m-Tishox kuex mnoz khuemx tuiux tek mnoz rulc vdvmz httax taungx,” ngoz tueq jungx tueq.

PHOWEBI 3:27

Piq kuex Ephraim kanx hong nuex httuiuc waung vtueq, ralx khvt tvkoc Israel miqsaz htenc gvlc muex ngoz tueq bolic kuex tuimz tueq. Kvruex yimaq piq rueq tsuingshiq kuex kanx hong kvmaq shvlx laq tueq.