NEHEMIA 2:8 - Hawa Naga Bible 2001

⁸ Shomc Yuimx bvmc juing wangx kaluix htenc, ghaqyungx palx ruk htenc nuiyc ngvy httaz juing yuimx laung nuex pulx kuy tvkoc hokhvmx pulx roz lawc jix waz Asap kox nuex luik wuiyq tvkoc muinz menjenc kuy tvkoc thoz tauk. Tishox kuex ngaz rulc vdvmz httaz ningkhvnc nuex ngaz rueq thoz tauk lotlaz kuex honoc waz rueq kuq phuex.

ASII LAKDAP Bible (BSI)

⁸ Kiimaq hali, ngi raq hokhamwe jaq wa, rum wa pe kra liiwantiwe Asaph ma, rum na pe sitlaq kiiwa pehü pan ma lam raüta, Shomjam tro na long peruk kiijaq kilam chong thun kra hai wan miitu, kiimaq chela khetuk thun kra tiihea wan miitu kiimaq ngi miitu jamhai wan tiikang kiijaq lang miitu, pe raa tlaq kra, Asaph raq michom kuq laq nguta, aming kewan lak ashi kri waiqkuq haü jaq ahea nguta, bom ka tiitai kang. Shiikeawe ka ngi rai asi. Kiimaq, ngi raq ümchuwa jaü kang kra, hokhamwe raq ngi ma kunkun tiihong kuqto.

NEHEMIA 2:8 Referencias Cruzadas

RAPHA HIQWA LAK 32:28

Kvruex waz rueq, “Yix maq mmuingc Yaku ngoz tueq nauk kvmuingc kaz shex. Mnoz kuex Tishox rulc muinz, miq rulc muinz rvlongx palx vtueq taungx gay jix waz rvtoq; kvkhoc rvtueq mmuingc kuex Israel rvtuex,” ngoz tueq jungx kuq tueq.

EJRA 5:5

Yuq muinz Tishox rueq Yuda walaungx bix kuex lawc tvtsuingc yaq rvtueq, Dariu kox nuex luik wuiyq tvlaq ruiux piq kox wawc tvyek yaq luik kuex lvp nuex httuiuc laz tsuingshiq rvhumc muq tvkoc Persia vyungx vlaungx bix rueq khac tvdung muq tvkoc htvp htaz wuez tueq.

EJRA 6:22

Tsuingshiq rueq Wisiz lomx muq Wantuc Moalx kuex vshuenc vruenc maq raungx mvshix tup moalx wuez tueq. Vkoz vkez thuinz mvrc wuez yaq, yvmx khoc lac ngoz ruiux lec Yehowa rueq Asiria honoc waz kuex tsuingshiq kox nuex htvlx phel wvnc vtueq Israel Tishox Shomc Yuimx guirc yek yauk shuimc nuex tsuinghez muex romc kuq naungx wuez tueq.

EJRA 6:8

Kvruex guirx yaq yauk shuimc kvyuq tsuingshiq muex romc kuy tvkoc muinz ngaz rueq nuimhez tauk nvr vphaungx. Yauk shuimc kuex tvhttoarc vtueq shuimc wvnc tvkoc tsuingshiq rueq shuimc muex rax yaq kuimphox kuex laukshiz lvmz maq kuq lvp laz juing, Euphrat maq Shalx nyuip kox wawc hihic ngoz yaq hokhvmx tsak kuex hic taq wuez shuinz.

EJRA 7:6

Ezra kuex Yehowa Israel Tishox rueq Moshe muex kuq tueq Tvrac kuex vhvlx waq tuiuz tay jix wvtharc miq washiz rvtueq. Ezra kuex Yehowa piq Tishox ruimrix kejux lvp jix waz ningkhvnc nuex honoc waz rueq muinz piq rueq thoz tueq phvnx ruip saz kuex kuq tueq. Artazeze rueq guimz lawc tueq wawc mvshix vngoz nuex Ezra rueq Israel miqsaz htenc wawc shomc waz bix, Lewi miqsaz htenc, shomc yuimx nuex shic ngoyc jix hez, shomc yuimx bvmc jix hez nuiyc shuimc vkay jix htenc lomx yaq phungc shiz kuex Babelon mungx wawc Yerusalem nuex shvlx wvnc tueq.

NEHEMIA 7:2

Ngaz rueq Yerusalem ghaqyungx tvlawc tvguimz tvkoc inox Hanani nuiyc nolaungx yungx waz Hanania tsuingnueyc kuex taq tauk. Hanania kuex vkvmx juing miq, Tishox muex tvtsanc nganc jix rvtueq.

TAKSU LAK 21:1

Yehowa rueq yuix ruilx piq kay juing lvmx kuex yoalx rek dvyx wek wiz gay yaq ikhoc, hokhvmx waz thuinz kuex yoalx rekrek ruip rux lot yaq.

THARC TVLUINGC 2:5

Ngaz rueq sunc htenc nuiyc pulx thuey waqthuimx jungx phvnx ruip saz kuex khic yuingc vtueq;

THARC TVLUINGC 2:6

ngaz rueq yuix kuy tvkoc yuix jumx htenc htuz taq tauk.

ISAIA 66:14

Vkhoc yaungx wvnc yaq kuex khiz ruiux yuq, mnoz kuex kokez vtueq; gvnhttuingc maq hunglaungc wvnc tuiux. Kvruex yimaq mnoz kuex ngaz Yehowa rueq ngvy kvjaz tay jix muex romc kuq ruiux, ralx hez muex ngvy thuinkhvy tvkhic shaungx lvmz kuex mnoz rueq tuiuz shuiux,” ngoz tueq jungx tueq.

DANIEL 1:9

Tishox rueq Ashpenaza muex Daniel kuex tvmenc jenc tueq.

Acts 26:22

Yuq muinz Tishox rueq ngaz muex romc kuy ningkhvnc nuex, majuiuc raungnuiyq nuex httuiuc laz ngaz rullungx tvraungx httax vtueq, vyungx vruinx miq lotlaz muex hakhix khvmc vshaungx. Moshe nuiyc shvmmax bix rueq jungx wvnc tueq rulc rv-ngvlc yaungx wvnc tuex lvmx ngaz rueq jungx wvnc tauk kuex:

Acts 7:10

piq kuex kuilc daz rvhumc yaq htenc wawc palc wvnc tueq. Tishox rueq Yosep kuex Ejip hokhvmx waz khaungkac nuex htvlx phawc vhvlx kuq tueq, piq muex taksux tharc muinz kuq tueq, hokhvmx waz rueq Yosep kuex Ejip mungx nuex vyungx yaungc tvkoc muinz, hokhvmx hoc nuex httaz lvp tvkoc muinz thvl tueq.

2 Corinthians 8:16

Nuimshiq muex romc kuy tvkoc nuiyshiq thuinz yungx yaq kvkhoc, Titu thuinz nuex muinz tvhttax yaq waz Tishox kejux kuex tvtsvmc vshix!