NEHEMIA 2:10 - Hawa Naga Bible 2001

¹⁰ Yuq muinz Bet Horon ghaq jix Sanbalat nuiyc Ammon mungx wawc vyungx vlaungx waz Tobia kuex Israel miqsaz muex vhvlx shuimc lvmc kuy jix miq washiz httuiuc kaz tueq thaungc kuex tay vtueq, tsuinghez kuex pinhtumc thuinkhaq wuez tueq.

ASII LAKDAP Bible (BSI)

¹⁰ Shatmaq Beth Horon chela na sitiwe Sanballat raq, nai Ammon wang na sitiwe siihiipjong weshi, amang min Tobia nguta kra wenai raq, Israilnok mungmaiqse miitu jaqsham ahea shamketi maiq weshi she saühoto nguta, tsütsa ka taito. Raüta tsangnai ka pinthum makshu she khiqriqto.

NEHEMIA 2:10 Referencias Cruzadas

NEHEMIA 13:1

Mungx miqsaz htenc muex Moshe Tvrac kuex hung vtueq wvl kuq koq tueq, Ammon nuiyc Moba miqsaz ukhaq muinz Tishox miqsaz htenc rulc mkaq muinz rvhumc rv-phek lvp muq mvy muq ngoz tueq.

NEHEMIA 13:28

Joiada kuex Shomc Wayungx Eliashib saz rvtueq, yuq muinz Joiada saz washiz rueq Bet Horon ghaq jix Sanbalat saz kuex lvmc ningkhvnc nuex ngaz rueq Joiada kuex Yerusalem ghaq wawc yurc gay tauk.

NEHEMIA 13:4

Shomc yuimx taungx vwawx tvy juing khok htenc kuex lawc mawc tvy jix shomc waz Eliashib kuex Tobia rulc muingc rvtuiuz vluz shex rvtueq.

NEHEMIA 2:19

Kvkaq kvruex thaungc kuex Sanbalat, Tobia nuiyc vmuingc Geshem ngoz yaq Arab hez rueq tay vtueq, tsuinghez rueq nuiyshiq kuex shummarc ngoz ngax phuex kuex, “Nuimhez kvmungx kuex yvmx khoc lac? Nuimshiq rueq honoc waz kuex khawc lvlc ngoz tueq haz?” ngoz tueq ngoz wuez phuex.

NEHEMIA 4:7

Nuiyshiq rueq Yerusalem ghaq palx ruk vshix lvmz nuiyc vpuc vruez kaz palx ruk htenc tvhvlc httuiuq wvnc lot vshix lvmz kuex Sanbalat, Tobia nuiyc Arab, Ammon, Ashdod miqsaz htenc rueq tay vtueq, tsuingshiq thuinz pinhtumc khaq raq wuez yaq.

NEHEMIA 6:1

Sanbalat, Tobia, Geshem nuiyc kvjungx yaq nuiyshiq ralx htenc kuex nuiyshiq rueq kaluix lvmx htenc nuiyc kaluix htenc kuex max tvkop guirx dvyx doc yuq muinz, nuiyshiq rueq palx ruk lot tiq lvmz nuiyc kvyuq ruk lvp miq tvjungx gay shec tiq lvmz yvmx muinz vguez shex thaungc kuex tay wuez tueq.

NEHEMIA 6:16

Kvruex thaungc kuex tvroz nuex httax yaq mungtan htenc wawc nuiyshiq ralx hez rueq tay vtueq, vruex yauk shuimc kuex Tishox rueq romc kuq yaq lvmz miq ruip rawx rueq tuiuz wvnc wuez tueq, tsuingshiq htvlx phawc sumx wuez tueq kuex kvhelc wuez tueq.

ESTHAR 10:3

Yuda miqsaz Mordekai kuex Hokhvmx Ahasuru yauk khung wawc mungx nuex vyungx rvtueq. Piq kuex Yuda miqsaz rueq tvtsanc nganc rvhumc jix waz rvtueq. Piq kuex miqmac phvnx tvkoc nuiyc tsuingshiq suiuz vsaz htenc kvwungx wvnc tvkoc shuimc jix waz rvtueq.

Tvtsvmc 112:10

Layx bac jix htenc rueq kvruex lvmx kuex khiz vtueq thuinkhaq wuez yaq; tsuingshiq kuex wac tvtsuir vtueq thuinbac wvnc ruiux; tsuingshiq rueq tvluimc yaq lvmx htenc kuex pattup moz wvnc tuex.

TAKSU LAK 27:4

Thuinkhvy thuinz kuex mvnhttonc mvntvmc nuiyc tvbac gay rvtueq, yuq muinz khelric bac thuinz maq tvbac gay yaq kuex tv-ngvlc lot miq laz juing songx hvlc rvtueq.

TAKSU LAK 30:22

hokhvmx yaungx wvnc tueq dax waz, phoay laz phuiuz svy jix vngaz waz,

THARC TVLUINGC 10:7

Dax hez kuex mvre nuex ngaungc ruiux vyungx vlaungx bix kuex dax hez ikhoc yaz sawx maq khuemx yaq kuex ngaz rueq khiz tauk.

ISAIA 15:5

Ngvy thuinz vmungx kuex Moba tvkoc khoar vtaungx nyix! Miqsaz htenc kuex Zoar nuiyc Egalat Shelishiya ghaq nuex yuz wvnc tueq. Wvyvmc kuex khoar yaq lvmx maq Luhit ghaq nuex duiz woz vtuex; wvyvmc kuex pinhtumc yonzyex vtueq Heronaim nuex yuz wvnc vtuex.

JEREMIA 41:10

Kvruex yimaq piq kuex hokhvmx waz saz yalxjuik sahez rulc Gedalia rueq guimz yaq khung nuex httaz tvkoc nolaungx yungx waz Nebuzaradan rueq nvr tueq rulc rv-ngvlc Mizpa ghaq nuex kvjungx yek yaq miq lotlaz kuex tvthuq wvnc tueq. Eshmael rueq tsuinghez kuex muingluiuz miqsaz ikhoc thuq wvnc vtueq Ammon mungx kox nuex kaz wvnc tueq.

JEREMIA 48:34

“Heshbon miqsaz nuiyc Eleale miqsaz htenc guyc sez yaq tsuingshiq tvruingc kuex Jahaza nuex httuiuc laz kvtay yaq; kvruex tvruingc kuex Zoar nuex httax yaq miqsaz htenc rueq tay lot yaq, Horonaim nuiyc Eglat Shelishiya nuex httuiuc laz kvtay lot yaq. Nimrim yuix saz ruilx kuex ruic kaz shex.

JEREMIA 48:5

Luhit nuex duic waungc juing lvmx wvlex nuex tsuingshiq guit shix khoarc tvruingc nuiyc, Horonaim nuex svt kay juing lvmx nuex kuilc daz khoarsez tvruingc kuex tay shuinz.

Acts 4:2

Kamx wanueyc rueq nuk miqsaz muex Yesu kuex thueyc vtueq yuing kvtenc wvnc tueq lvmz tvluingc kuy ningkhvnc nuex Saduke nuk thuinkhaq wuez tueq. Yvmx khoc lac ngoz ruiux lec Yesu yuing kvtenc wvnc tueq lvmz kuex, vthueyc jix htenc yuing kvtenc wvnc yek tuex lvmz vsuing rvtueq kuex hakhix tvkhic kuq yaq.

Acts 5:24

Kvruex kvjaz kuex tay vtueq shomc yuimx bvmc jix nolaungx yungx waz nuiyc shomc waz bix rueq, kamx waz hez vruex kuex yvmx khoc lac yaungx wvnc vtvnx nyix ngoz tueq rvwvl wuez tueq.