NEHEMIA 13:2 - Hawa Naga Bible 2001

² Vruex kuex yvmx khoc lac ngoz ruiux lec Israel miqsaz Ejip mungx maq kaz wvnc tueq nuex Ammon nuiyc Moba mungx miqsaz rueq phuiuz vsvy nuiyc yuix kuq muq ningkhvnc nuex rvtueq. Kvmaq raz tueq, tsuingshiq rueq Balam muex kuimphox kuq vtueq Israel miqsaz kuex tvhttonx tvmx tueq, yuq muinz naungshiq Tishox rueq kvruex mvnhttonc kvjaz kuex ruimruimc kuy kvjaz muex tvyaungc gay tueq.

ASII LAKDAP Bible (BSI)

² Riita arjaq tsangshiq nok nai ri khuthaq na akha tri waiqthütaq arka, Ammonnok nai Mobnok raq, Israilnok ka Ejip mung maq manglaü wantaq akhing na, lam maq, tsangshiq noknai wiita raq, Israilnok ma phaqsea khamnyang kuq phaq siq mak hai hüto. Tsangshiq raq Israilnok ka akhrumke wan rü na khoti, shammiwe Balaam ma kampho kuq raüta, Israilnok khuthaq na manson laq nguta raikao tatto. Shatmaq nashiq Shiikeawe raq apaiq manson ka ramram ma khoti wiiqbaiqto.

NEHEMIA 13:2 Referencias Cruzadas

Tvtsvmc 109:28

Tsuingshiq rueq ngaz muex httonx yaq, yuq muinz mnoz rueq ngaz muex ruimruimx kuq phux. Ngaz muex guirguenc jix htenc kuex msumrumx wvnc kueq, mnvrc waz ngaz kuex tvkoz kez koq.

Mikha 6:5

Ngvy miqsaz htenc lex, Moba Hokhvmx Balak rueq mkhoc lac kvmungx yaq nguinx nuiyc Beor saz Balam rueq piq muex mkhoc lac tvralc tvnx kvjaz kuex rvwvl shuinz. Akasia jerak nuiyc Gilgal jerak hvlwvl lvmx nuex yaungx wvnc tueq lvmz htenc kuex rvwvl shuinz. Nuimshiq rueq vruex lvmz htenc kuex rvwvl vtueq nuimshiq kuex palc wvnc tvkoc ngaz rueq shuimc wvnc tauk htenc kuex nuimshiq rueq tuiuz wvnc shuiux,” ngoz tueq jungx tueq.

WEAWEA 23:18

kvkaq Balam rueq rawshvmx kvjaz kuex vkhoc jungx kuq tueq: “Zippor saz Balak, ngaz kox nuex kaz loq, Ngaz rueq jungx shaungx kuex tay shuiuz.

Matthew 25:40

“Kvkaq Hokhvmx waz rueq, ‘Ngaz rueq nuimshiq muex vsuing jungx kuq ix, vruex inox tamx vwawc vruinx pinhtumc waz muex nuimshiq rueq shvlix lawx kuq shuinx kuex ngaz muex shvlix lawx kuy rvtueq!’ ngoz tueq tvralc tueq.

TRI CHONGKE 23:3

“Ammon nuiyc Moba miqsaz htenc suiuz vsaz phvnx kuex pat rokshiz nuex httuiuc laz Yehowa miqsaz phungc nuex tvlomx mvy muq.

TRI CHONGKE 23:4

Nuimshiq Ejip mungx maq dung wvnc tuit nuex tsuingshiq rueq nuimshiq muex phuiuz vsvy nuiyc yuix kuex kuq muq ningkhvnc nuex muinz, tsuingshiq rueq Mesopotamia mungx Pethor ghaq wawc Beor saz Balam kuex shap vtueq nuimshiq muex mvnhttonc kuq tueq.

TRI CHONGKE 23:5

Yuq muinz Yehowa nuimshiq Tishox rueq nuimshiq kuex lungwawc ningkhvnc nuex Balam rueq httonx tueq lvmz kuex tay kuq muq; piq rueq nuimshiq muex mvnhttonc kuy tvraung ruimruimc kuy tvyaungc tueq.

2 Peter 2:15

Tsuingshiq rueq lvmx vlanx kuex gay ishec ruiux tsuingshiq lvmx tvmoz gay tueq; tsuingshiq kuex Beor saz Balam rueq phvnx yaq lvmx nuex phvnx wvnc wuez vshuex, Balam kuex vyaq yauk shuimc shuimx vtueq lvp yaq yauk mauk kuex rvnphvnx yaq khuec nuex,