Mikha 6:2 - Hawa Naga Bible 2001

² Ghaq phaungx yaq vjungx vbaung rvtueq kanx htenc lex, Yehowa khuec vkhac kuex tay shuinz! Yehowa kuex vpiq miqsaz htenc muex nyvnc yaq khac vshiz httax yaq. Vpiq rueq Israel muex mvrax tvgurc shuex.

ASII LAKDAP Bible (BSI)

² Rakaü hiqwe chap chang pumjong lei, Tatiwe raq asenginok ma kha nyantlaq kra tairong laq. Tatiwe raq asengi Israilnok khuthaq na kha nyan chang asi, apaiq raq Israilnok ma akuq, shiila raü kriishe diitlo.

Mikha 6:2 Referencias Cruzadas

2 SAMUEL 22:16

Yehowa rueq piq ralx htenc kuex mulx ruiux, khaq vtueq tsuingshiq kuex ramc koq tueq, svmuktvrax phawx rawz kuex dung wvnc vtueq, ghaq jungx vruingx kuex dung wvnc tueq.

2 SAMUEL 22:8

Kvkaq ghaq kuex kv-khuirc vtueq kvbuilc tueq; Tishox thuinkhaq vtueq raungmungx ruingx jungx htenc kv-nguirx ngauk vtueq kvbuilc yaq!

Tvtsvmc 104:5

Mnoz rueq ghaq kuex vjungx phaungx duing tec taq ruiux, kvruex kuex mkaq muinz kvmoay yaz tuex rvmuq.

TAKSU LAK 8:29

svmuktvrax yuix htenc kuex vpiq rueq nvr tueq ghaqruiy maq lvy vtueq kvtenc duiz wvnc muq tvkoc jungx shec tueq. Ghaq vjungx vbaung tvjvp phaungc tueq nuex ngaz vhttax rvtauk.

ISAIA 1:18

Yehowa rueq, “Majuiuc, naunghez rvjungc ix. Nuimshiq mvrax kuex tvguiy ikhoc shawx ruiux muinz, tsuik hek ikhoc ngaz rueq tvsawc hoal kuq phaungx. Nuimshiq mvrax kuex shawc hvlc, yuq muinz khelbuenx mul ikhoc luiz wvnc tuinx.

ISAIA 3:13

Yehowa kuex vpiq yauk shuimc tvkhic tvkoc tvyoalc hvt httax yaq; vpiq miqsaz muex phoc kuy tvkoc tvyoalc yoalx rvtueq.

ISAIA 43:26

“Tvrac rungx nuex kaz ix; mnoz muex mvrax nyvnc yaq kuex tvtay shuiuz! Mnoz vlvmx kuex hakhix tvkhic tvkoc mkhac kuex tvtay shuiuz!

ISAIA 5:3

Kvkhoc rvtueq ngvy kungjix waz rueq, “Nuimshiq Yerusalem nuiyc Yuda mungx nuex httaz jix miq htenc lex, svpiq sunc nuiyc ngvy hvlwvl vruex phox kuq wvnc luit.

JEREMIA 2:9

“Kvkhoc rvtueq ngaz kuex ngvy miqsaz rulc lauk shiz rvkhawc lvlc yek taungx. Tsuingshiq suiuz vsaz rulc muinz rvkhawc lvlc taungx, ngoz tueq Yehowa rueq jungx tueq.

JEREMIA 25:31

vpiq guyc tvruingc kuex ghaq tvsuip nuex httuiuc laz rv-nyawx wvnc tuex. Yehowa rueq miqphvnx htenc muex khac tvgurc yaq. Vpiq rueq miq lotlaz kuex shvlx laq vtueq httuiyc ruiyc wisoz ruiux honc bac jix kuex thvt gay tueq. Yehowa rueq jungx yaq,’” ngoz tueq jungx shuex.

JEREMIA 31:37

Raungnuiyq shishiz nuex raungx kuex htaz lot vtueq mungkawx vjungx vbaung kuex thuiyx konx lawc lot ruiux yuq jix, Israel miqsaz tsuingshiq lotlaz rueq shuimx wvnc tueq yauk shuimc ningkhvnc nuex vpiq rueq tvdux gay shuex. Yehowa vpiq rueq jungx tueq.

Hosea 12:2

Yehowa rueq Yuda miqsaz muex mvrax tvgurc juing vhttax doc; vpiq rueq Israel muex muinz tsuingshiq honc vyaungc tv-phvnc murx tvgurc shuex. Tsuingshiq rueq shuimx yaq rulc rv-ngvlc vpiq rueq tsuingshiq muex tvyez kuq shuex.

Hosea 12:3

Tsuingshiq jix Yaku kuex vnyuiuz wuk mungx nuex httax tueq jauz dvyx piq rulc vpop vphuz Esaw tsuingnueyc rvmulc phoal phak tueq; Yaku kuex pez wvnc vtueq Tishox rulc rvkhvrc tueq.

Hosea 4:1

Yehowa rueq vruex mungtan nuex httax yaq miqsaz htenc muex khawc lvlc juing httax yaq. Israel lex, vpiq rueq jungx yaq kuex tay shuiuz: “Vruex mungtan vyuq tvmtuing nuiyc lungwawc thuinz ngoz tueq vguez, miq htenc rueq muinz ngaz ngoc Tishox rvtueq ngoz tueq kvjungc wuez muq.

Mikha 6:1

Israel muex Yehowa rueq nyvnc tueq kuex tay shuinz. O Yehowa lex, kvtenc kuiuz, mkhac kuex jungx shuiuz; mnoz rueq yvmx lac jungx shuiux kuex kanx htenc nuiyc ghaqluimx htenc rueq mtay shueq.

TRI CHONGKE 32:22

Ngvy thuinkhvy kuex wvr ikhoc luic vtueq ghaq htauk nuex httax yaq htenc kuex tvkhamc gay shaungx. Kvruex kuex mungkawx khung nuex httuiuc laz htanc vtueq, kanx vjungx vbaung htenc kuex khamc gay shuex.

TRI CHONGKE 4:26

Ngaz rueq raungx nuiyc ghaq muingc kuex ruingc vtueq hakhix taq vshaungx, ngvy kvjaz kuex nuimshiq rueq phvnx muit ngoz ruiux yuq, mtanc httax muit nuex kvruex mungtan kvyuq suimz wvnc tuinx. Nuimshiq rueq Yodan Ruilx kuex yanz wvnc vtueq khvt lvp wvnc shuinx mungtan kvyuq loayc hvlc tvraungx httax tuinx rvmuq. Nuimshiq kuex lotlaz tvbac gay rvhumc tuinx.