Matthew 4:13 - Hawa Naga Bible 2001

¹³ Vpiq kuex Nazaret nuex httax muq maq, Zebulun nuiyc Naphtali mungx Galile jumx kawx hep wawc Kapernaum ghaq nuex httax kaz tueq.

ASII LAKDAP Bible (BSI)

¹³ Apaiq ka Najareth hiq na simak she riito. Shatmaq, Jebulun nai Naphtali weraü sichang hong na Gelili Thamkii tho na Kaparniam chela na wawan raütiishe siwato.

Muklom

¹³ Piq Nazareth samhaq náng kat hung aa, Capernaum samhaq náng kata. Capernaum samhaq Zebulun ni Naphtali mung na, Galilee shitim relna angta.

Matthew 4:13 Referencias Cruzadas

Matthew 11:23

Kapernaum lex! Mnoz kuex raungmungx nuex httuiuc laz tenpic kuy rvhumc taungx ngoz tueq haz tvmaung vshuiux? Wulumx mungx nuex httuiuc laz tvdvy gay juex rvhumc tuiux! Yvmx khoc lac ngoz ruiux lec mhtauk nuex vwangc juing vshuimx wvnc kuex Sodom nuex shuimx wvnc ruiux yuq, kvruex ghaq kuex majuiuc raungnuiyq nuex httuiuc laz phaungx ngaungx khvmz tueq!

Matthew 17:24

Yesu nuiyc sangac bix kuex Kapernaum nuex httuiuc waung tueq nuex, shomc yuimx yauk noalc hic jix hez kuex Peter kox nuex kaz vtueq, “Nuimshiq tvluingc waz rueq shomc yuimx yauk noalc htawc ruiux yaq haz?” ngoz tueq wiz tueq.

Matthew 4:14

Vruex kuex shvmmax Esaia rueq vjungx shec kvjaz hungx wvnc tvkoc rvtueq:

Matthew 4:15

“Zebulun mungx nuiyc Naphtali mungx, Yodan ruilx kvkox ral wawc, yuix jumx nuex kay juing lvmx, lvmx wvlex wawc pungnuk phvnx httaz yaq Galile mungx!

Matthew 9:1

Yesu kuex lix nuex ngaungc ruiux jumx kvkox ral nuex rvp wvnc vtueq vpiq httaz juing ghaq nuex httuiuc kaz tueq.

Mark 1:21

Yesu nuiyc vpiq sangac bix kuex Kapernaum ghaq nuex kaz wvnc tueq, Vguilc Raungnuiyq httuiuc koq tueq vpiq kuex vjux thoz juing baung nuex kaz vtueq tvluing kuq kaz tueq.

Mark 2:1

Vshauk puq httaz yix maq, Yesu kuex Kapernaum ghaq nuex kaz yek tueq, vpiq yuimx nuex httax yaq thaungc kuex miq htenc rueq tay tueq.

Luke 10:15

Kapernaum ghaq lex! Mnoz muinz raungx nuex httuiuc laz tenc haz roc vshuiux? Wulumx mungx nuex httuiuc laz tvdvy gay rvhumc tuiux!”

Luke 4:23

Vpiq rueq, “Nuimshiq rueq ngaz muex, ‘Phumz shuimc jix waz lex, mshauk m-gvnz kuex tvhvlc shuiuz nauz,’ ngoz tueq jungx ruiux yaq bomc tvguip maq ngaz muex ngoz phuinx. Kapernaum ghaq nuex mnoz rueq shuimx wvnc toq ngoz tueq nuiyshiq rueq tay lvp vshix yauk shuimc htenc kuex miqmac ghaq nuex muinz shuimx tvkhic shuiuz ngoz tueq ngaz muex nuimshiq rueq ngoz phuinx,” ngoz tueq tsuingshiq muex jungx tueq.

John 2:12

Kvruex yimaq Yesu kuex vnyuiuz, vnox tamx nuiyc sangac hez rulc vdvmz Kapernaum ghaq nuex kaz wvnc vtueq kvyuq vlosaz httax shec tueq.

John 4:46

Kvruex yimaq Yesu kuex vpiq rueq yuix wawc svpiq tix tvyaungc tueq Galile mungx Kana ghaq nuex httuiuc kaz yek tueq. Kvruex ghaq kvyuq vyungx vlaungx miq washiz httax tueq, vsaz miqwaz saz Kapernaum ghaq nuex thuiuz hvlc rvtueq.

John 6:17

Lix htauk nuex ngaungc vtueq kvkox ral Kapernaum ghaq nuex rvp wvnc wuez tueq. Raungnyauk wvnc koq muinz Yesu kuex tsuingshiq kox nuex max httuiuc waung dvyx doc rvtueq.

John 6:24

Nuk miqsaz htenc rueq kvruex baung kvyuq Yesu muinz, vpiq sangac hez muinz vguez shex kuex tuiuz vtueq, tsuinghez muinz lix htenc nuex ngaungc ruiux vpiq kuex thuiyc kay Kapernaum ghaq nuex kaz wvnc tueq.

John 6:59

Yesu rueq Kapernaum ghaq wawc vjux thoz yuimx nuex tvluing tueq nuex vjungx kuq kvjaz rvtueq.