Matthew 3:16 - Hawa Naga Bible 2001

¹⁶ Yesu rueq yuix luip lvmz tueq rulc rv-ngvlc yuix maq kvtenc dung wvnc tueq nuex, raungx kvdauz wvnc vtueq Tishox Siyac kuex hituiuc vshiz ikhoc svt kaz vtueq vpiq htauk nuex ngaungc yaq kuex khiz tueq.

ASII LAKDAP Bible (BSI)

¹⁶ Khamlam lot ri she, Jesuq ka khamchum mong maq dong wanto. Kra akhing na Jesuq raq ramungtan ka atlin raü chhito. Kiimaq Shiikeawe Asii Wenyi ka haütaü kaü ikha ra wa satki raüta, apaiq khuthaq na ngakai chhito.

Muklom

¹⁶ Jesu junglam eq tunshat atho, kalo mungtan tha thalak ta etho Shkewa Asang Tsija wotopin mal kapha tha etho piq han nang kata tha piq aa khita.

Matthew 3:16 Referencias Cruzadas

ISAIA 11:2

Piq rueq miqmac miqsaz htenc kuex guimz lawc tvkoc, Yehowa siyac rueq piq muex taksux tharc, phaqjic nuiyc vthenc vtuiuz kuex kuq shuex. Piq rueq Yehowa thuinroc kuex tuiuz vtueq vpiq muex tvtsanc nganc shuex,

ISAIA 42:1

Yehowa rueq, “Vruex waz kuex ngaz rueq hungc vkuq, ngvy nvrc waz, ngaz rueq vthvl waz, ngaz rueq raungc raq vshaungx waz rvtueq. Ngaz rueq vpiq kuex ngvy Siyac maq tvmvrc tauk, vpiq rueq miqphvnx ruip rawx kox nuex tvrac vlvmz kuex lvmz kuq laq shuex.

ISAIA 59:21

Kvmaq nuimshiq rulc bomkhvrc tvhungx shaungx: ngaz rueq nuimshiq muex ngvy luimc vkawc nuiyc ngaz rueq tvluingc kuy lvmx htenc kuex kuq shec phaungx shex, majuiuc vmaq phaungc vtueq nuimshiq nuiyc nuimshiq sahez nuiyc nuimshiq suiuz vsaz htenc rueq mkaq muinz phvnx wuez shuinx,” ngoz tueq.

ISAIA 61:1

Johvlc Yehowa rueq ngaz kuex vpiq Siyac maq tvmvrc phuex. Htemc saz jix kox nuex thuix thaungx vhvlx gurc lvy tvkoc muinz, Thuinz vmungx bac jix muex thuinz tvhvlc kuy tvkoc muinz, Vthuq vruez laq jix htenc nuiyc khoktep nuex vshauk gay jix htenc kuex tvdungc tvkoc tvtay jungc muex Vpiq rueq ngaz kuex thvl vtueq nvr tvkaz phuex.

EJEKIEL 1:1

Wawc rok thuimx raungwawc yapix lex bvlic yac raungx bv-ngac raungnuiyq, Babelon mungx Kebar Ruilx hep nuex thuq wvnc tueq Yuda miqsaz htenc nuiyc Buzi saz ngaz shomc waz Ezekiel hez httax yaq nuex raungx kvdaz wvnc vtueq Tishox kuex romzyac tvkhic maq ngaz rueq khiz tauk.

Mark 1:10

Kvkaq Yesu kuex yuix mungx wawc kvtenc wvnc koq tueq raungx kvdauz vtueq, Siyac kuex hituiuc ikhoc vpiq htauk nuex svt kaz tueq kuex vpiq rueq khiz lvp tueq.

John 1:51

Kvruex kaq vpiq rueq tsuingshiq muex, “Ngaz rueq nuimshiq muex vsuing jungx kuq ix, raungx kvdaz wvnc vtueq, Tishox raungkamx waz hez kuex Miq Saz htauk vyuq vduiz vsvt rvyaq kuex nuimshiq rueq khiz lvp shuinx,” ngoz tueq.

John 3:34

Tishox rueq vtvkaz waz rueq Tishox bomjungc kuex jungphvnx kuq yaq, yvmx khoc lac ngoz ruiux lec Tishox vpiq rueq vtvkaz waz muex Siyac kuex mvrc laz kuq tueq.

Acts 7:56

Kvkaq Stephen rueq, “Lawc shuinz! Ngaz rueq raungmungx kvdaz wvnc vtuex kvmuinz, Tishox yaukkeq kox nuex Miq Saz jvp yaq kvmuinz ngaz rueq khiz tauk!” ngoz tueq.

1 John 5:6

Yesu Christu kuex yuix maq yuix luip lvmz ruiux, tvguiy ruiuc vtueq thueyc khvmc kay jix waz rvtueq. Vpiq kuex yuix maq dvyx httuiuc kaz tueq rvmuq, yuix maq muinz tvguiy maq muinz httuiuc kay jix waz rvtueq. Kvkhoc httuiuc kaz toq vsuing kuex Siyac piq rueq hakhix khvmc yaq, yvmx khoc lac ngoz ruiux lec Siyac kuex tsuingrux lvmx rvtueq.