Matthew 23:12 - Hawa Naga Bible 2001

¹² Ukhaq yuq muinz miqmac shauk gvnz tvtsvmc jix waz kuex yomnamc gay rvhumc tuex, miqmac shauk gvnz yomnamc jix waz kuex tvtsvmc kvmc kuy rvhumc tuex.

ASII LAKDAP Bible (BSI)

¹² Jurwa ngi ajong nguta tiima tlaq, kriiti ka atran mirbaiq wan. Kiimaq jurwa ngi ka aran nguta tiima tlaq, kriiti ka ajong ma mitiija wan.”

Muklom

¹² Utang eq piq ni piq sha ajong ta shing aa, piq tha thanin eq chakna, etho utang eq piq ni piq sha anin eq shing na, piq tha thajong eq chakna.”

Matthew 23:12 Referencias Cruzadas

YOBA 22:29

Tishox rueq ngamc yungx ngax yungx jix kuex tvyomx gay ruiux, thuinz tvyomx yaq jix kuex palc wvnc tueq.

Tvtsvmc 138:6

Mnoz kuex johvlc baung nuex httax ruiux muinz, thuinz tvyomx jix htenc muex mnoz rueq lawc mawc wvnc toq, ngamc ngax jix htenc kuex mnoz kox wawc kvhttuiyq kvyenc lvp tuex rvmuq.

TAKSU LAK 15:33

Yehowa muex tvtsanc nganc kuex phaqjic rvtueq. Mnoz thuinz tvyomx thenc ruiux jix tvtsanc nganc kuex lvp shuiux rvtueq.

TAKSU LAK 29:23

Tuluimc thuinz httax ruiux mnoz kuex vdvy rvwvnc tuiux, yuq muinz thuinz tvyomx tv-nyenc ruiux kuex tvtsanc nganc lvp shuiux.

ISAIA 57:15

“Ngaz kuex pattup pat-sac httax vtueq, johvlc vsawc Tishox rvtauk. Ngaz kuex johvlc vsawc baung nuex httax vtaungx, yuq muinz ngaz kuex thuinz tvyomx jix nuiyc tharc humc jix rulc vdvmz httax vtueq, tsuingshiq thuinz maq kvmx yaq nuiyc tvluimc yaq kuex ngaz rueq tvhungx htaungx kuq shaungx.

DANIEL 4:37

“Majuiuc kuex, ngaz, Nebukhadnezar rueq, raungmungx Hokhvmx waz ngauz vngax kuex tvtsanc nganc, tvtsvmc kvmc vshaungx. Vpiq rueq shuimx wvnc tueq phvnx ruip saz kuex vlvmx nuiyc tsuingrux yaq ningkhvnc nuex vpiq rueq ngamc vngax maq shuimc vkay jix ukhaq muinz tvruinc rvgay yaq,” ngoz tueq.

Matthew 18:4

Vruex nosaz saz vkhoc thuinz tv-nyenz tvyomx jix waz ukhaq yuq muinz raungx Mungtan nuex vyungx pinhtumc yaungx tuex.

Matthew 5:3

“Siyac htauk nuex vhtemc vrvmc rvhumc jix kuex thuinhvlx wuez yaq; yvmx khoc lac ngoz ruiux lec raungx Mungtan kuex tsuingshiq mungtan rvtueq!

Luke 14:11

Miqmac shauk pumz somraungc jix waz ukhaq yuq muinz tvyomx gay rvhumc tuex, miqmac shauk pumz tvyomx gay jix waz kuex tvtsvmc tenpic rvhumc tuex.”

Luke 18:14

Ngaz rueq nuimshiq muex jungx kuq ix, Pharise rvmuq maq muinghic jix kuex Tishox khaungkac nuex vlvmx shuimx kaz ruiux yuimx nuex yek waung tueq. Yvmx khoc lac ngoz ruiux lec miqmac pumz muex kvtsvmc kvmc jix waz kuex tvyomx gay rvhumc ruiux, miqmac pumz tvyomx jix kuex tvyungc loayc rvhumc tuex,” ngoz kuq tueq.

James 4:6

Yuq muinz naungshiq muex Tishox rueq vkuq kejux kuex pinhtumc hungc vlaungc yunghvlc. Rumvrc luik nuex, “Tishox rueq kvsomc parc ngamc ngax jix waz muex tuingshaung kuq gay ruiux, thuinz tv-nyenc jix muex kejux kuq yaq,” ngoz tueq jungx shec tueq.

1 Peter 5:5

Ekvrulc rv-ngvlc nuimshiq nosaz rulx rueq nyuiuz waz miqlaungx bix kvjaz kuex tay wuez shuinz. Nuimshiq vdvmz dvmz juiux kax tvkoc nuimshiq lotlaz thuinz vnyenz ngoz yaq marrarc kuex svmx wuez shuinz; yvmx khoc lac ngoz ruiux lec Rumvrc luik nuex, “Tishox rueq ngamc vngax jix muex tuingshaung kuq gay yaq, yuq muinz thuinz vnyenz jix htenc muex kejux kuq vtueq htvlx phawc tvlvp yaq,” ngoz tueq jungx tueq.

1 Peter 5:6

Kvkhoc rvtueq Tishox rueq vpiq muex hunghtaungx yaq vkhing httuiuc ruiux yuq, nuimshiq kuex mtenz pix shuex, Tishox hungc vlaungc httax yaq yauk khung nuex nuimshiq shauk gvnz kuex tvyomz vtueq httax kuinz.