Matthew 22:7 - Hawa Naga Bible 2001

⁷ Hokhvmx waz kuex pinhtumc khaq vtueq piq nolaungx bix kuex tvkaz ruiux raz tueq miq thvy jix htenc kuex tvthvt gay kaz tueq, tsuingshiq ghaq kvmuinz wvr maq jauk gay tueq.

ASII LAKDAP Bible (BSI)

⁷ Kriikha miishe, hokham we ka pinthum walüwa ikhiishe khiqto. Kiimaq apaiq raq phenlanok tiiki raüta, matwe jawanti kong kra tiitsat baiqto. Raüta tsangshiq chela thun kra wa miishe tiichaq baiqto.

Muklom

⁷ Lungwang tha rapney sey khata, etho piq aa ralkoltey tang tha takat eq usanga tang tatiktey tang tha tikwat chakta, etho ning ajong samhaq tha rokchak ta.

Matthew 22:7 Referencias Cruzadas

DANIEL 9:26

Kvruex vkhing maq tvsuip kox nuex Tishox rueq vthvl walaungx waz kuex tvrac muq maq thvy gay rvhumc tuex. Ghaqyungx nuiyc Shomc Yuimx muinz luimc vkawc yunghvlc maq guimz jix waz piq nolaungx bix nyuip vtueq khvt ruiux tvbac gay shuex. Tvsuip nuex kuex yuix buingc ikhoc httuiuc wvnc vtueq Tishox rueq vtvhungx ralx rvlungc nuiyc bac tac wvnc lvmz dung wvnc tuex.

Yoel 2:11

Yehowa rueq vpiq nolaungx daungx kuex raungmuk ikhoc maq nvr tueq. Vpiq kvjaz tay jix nolaungx daungx htenc paunghvlc nuiyc hungc vlaungc httaz hvlc rvtueq. Yehowa raungnuiyq kuex vtanc khvnc kvhiz juing doc lac! Ukhaq lac tvraungx lot tvnx?

Yoel 2:25

Nuimshiq tuiz vtsvmz htenc kup jawrawx rueq phauk gay tueq ningkhvnc nuex nuimshiq sumx wvnc tuit raungwawc htenc laung nuex ngaz rueq yez kuq phaungx. Kvruex kuex nuimshiq khawc lvlc tvkoc ngaz rueq vtvkaz ralx daungx rvtueq.

Yoel 3:2

Ngaz rueq miqphvnx htenc lotlaz tvtuimx vtueq tsuingshiq kuex Khac phoc juing Warc nuex shvlx laq shaungx. Kvruex yuq ngvy miqsaz htenc muex tsuingshiq rueq shuimx wvnc tueq lotlaz tvkoc nuex tsuingshiq muex phox shaungx. Tsuingshiq rueq Israel miqsaz kuex pungmungx nuex yurc gay ruiux ngvy mungtan Israel kuex tv-phvlc nyanc gay tueq.

Matthew 22:6

Wvyvmc rueq piq nvrc waz hez kuex lvp vtueq wungthvt vtueq thvt gay wuez tueq.

Matthew 22:8

Kvruex yimaq piq nvrc waz hez kuex gvl vtueq, ‘Isaz muex miqlvmc moalx kuex vtvyoalc lot wuez shex, yuq muinz ngaz rueq vgvlc hez kuex kvrulc hungx htaungx muq.

Luke 19:27

Kvmaq raz tueq, majuiuc tsuingshiq htauk nuex ngaz hokhvmx yaungx vtueq guimz lawc kuex roc muq jix ralx htenc kuex gvl wvnc vtueq, ngvy htumc vyuq thvt gay shuinz,’ ngoz tueq nvr tueq!”

Luke 21:21

Kvruex kaq Yuda mungx nuex httaz yaq miq htenc kuex kuz vkanx nuex m-yuz wvnc kueq; ghaqyungx nuex httax jix muinz ke-phic nuex m-yuz wvnc kueq, miqghaq nuex httaz jix muinz ghaqyungx nuex nauk nyuip waung kaz.

Luke 21:24

Wvyvmc kuex yaung maq thvy gay rvhumc tuex, vganc miq htenc kuex khoktep miqsaz muex mungtan ruip rawx nuex lvp shvlc wvnc rvhumc tuex; mungganc phvnx tsuingshiq rueq guimz lawc pat max hungx wvnc wawwawx Yerusalem ghaq kuex yaz maq nuiuz gay wuez shuex.

1 Thessalonians 2:16

Nuiyshiq rueq Pungnuk miqsaz muex tsuingshiq palc daungc wvnc lvmx bomjungc jungphvnx kuq wvnc tiq kuex tuingshaung tvkoc hunglaungx wuez tueq. Kvkhoc layx maq tsuingshiq yaq tueq mvrax htenc tvkhuimc laz shuimx wuez yaq. Kvkhoc rvtueq vtvsuip nuex Tishox thuinkhvy kuex tsuingshiq htauk nuex httuiuc wvnc vtuex!