Matthew 20:2 - Hawa Naga Bible 2001

² Piq rueq raungnuiyq shiz nuex kuimphox sawx shiz kuq phaungx ngoz tueq yauk shuimc jix hez rulc rungx raz ruiux, svpiq sunc nuex tsuinghez kuex nvr tvkaz tueq.

ASII LAKDAP Bible (BSI)

² Raüta apaiq raq ranaiq shi ningchang jaq maq ka kamsii ashi ashi mikuq i nguta maiq ningchang wati krai athii ka miitangto. Raüta ningchang wati maiq ka apaiq spiqtsiro na ningchangkai tiikito.

Muklom

² Piq aa jaksom tey tang thima saal shey o ashey denari kot ma shing ta etho ning tha upik thináng takatta.

Matthew 20:2 Referencias Cruzadas

1 HOKHVMX 18:12

Ngaz kaz wvnc tauk nuex Yehowa siyac rueq mnoz kuex tuiuz miq baung nuex shvlx laq ruiux yuq yvmx khoc lac yaungx khvmz tvnx? Kvruex yimaq mnoz vyuq httax yaq ngoz tueq Ahab muex ngaz rueq jungx ruiux, piq rueq mnoz kuex humc muq ngoz ruiux yuq piq rueq ngaz kuex vthvy gay phuex. Ngaz kuex nosaz maq phuex Yehowa muex tvtsanc nganc nawk palx jix miq rvtauk lvmz kuex rvwvl shuiuz.

2 KAÜWA WERAÜ 34:3

Josia kuex rullungx nosaz wawc tvjvt nuex dvyx hokhvmx yaungx vtueq, vjix vwaz Hokhvmx Dawid Tishox kuex nawk palx wvnc phaungc tueq. Wawc bvlic yix maq piq rueq yac yuimx nawk palx juing baung htenc, Ashera tishox nyuiuz yac htenc nuiyc vganc yac yuimx htenc kuex tvbac gay tueq.

THARC TVLUINGC 12:1

Kvkhoc rvtueq yalxrox pat jauz nuex mnoz rueq, “Ngaz vshuenc vruenc httax lot mauk shex,” ngoz tueq vkuilc vdaz vraungx nuiyq vraungx wawc max httuiuc shauk nuex mnoz Tvdungc Sungc jix Waz kuex rvwvl shuiuz.

Matthew 18:28

“Kvkaq nvrc waz piq kuex kvtenc waung wvnc vtueq piq htawhtuimc shashiz kop yaq nvrc waz washiz rulc rvhumc tueq, piq rueq kvruex waz kuex vduingx maq lvp vtueq, ‘Ngaz muex kuy juing khac kuex kuq koq,’ ngoz tueq.

Matthew 20:1

“Raungx Mungtan kuex svpiq sunc taungjix washiz rvhumc wvnc tueq yaungx wvnc tueq lvmx rulc rv-ngvlc yaq. Lauk shiz nuex svpiq sunc taungjix washiz kuex piq sunc nuex yauk shuimc jix gvlc tvkoc raungnvp maq kaz wvnc tueq.

Matthew 20:13

“Sunc taungjix waz rueq tsuinghez kvwawc washiz muex, ‘Tay shuiuz, kungjix waz lex, ngaz rueq mnoz mop saq gay phaungx rvmuq, mnoz kuex raungnuiyq shiz yauk mauk kuimphox sawx shiz maq shuimc tvkoc rungx raz tiq rvmuq haz?

Matthew 20:3

Raungnvp shalhtaz tvkuiuz (nine o’clock) tanc nuex piq kuex boyat nuex khuemx kaz koq tueq yvmx muinz shuimx muq maq jvp wuez yaq miq htenc kuex khiz vtueq,

Matthew 20:9

Yauk shuimc lawc jix waz rueq raungyac shalhtaz bv-ngac nuex yauk shuimc jix bix muex kuimphox sawx shiz phok kuq tueq.

Matthew 22:19

Hihic kuy juing kuimphox sawx shiz ngaz muex tvkhic kuq kuit!” ngoz tueq. Kvkaq tsuinghez rueq kuimphox sawx shiz vpiq kox nuex lvmz laq tueq,

Matthew 9:37

Kvkhoc rvtueq vpiq sangac hez muex vpiq rueq jungx kuq tueq kuex, “Tsvmz yut juing tsvmz paunghvlc httax ruiux muinz vyut vgvnc jix miq hungx muq.

Mark 12:15

Yuq muinz Yesu rueq tsuingshiq thuinz vkoarx layx kuex tuiuz vtueq, “Nuimshiq rueq ngaz kuex yvmx ngoz tueq lac taruiyx vphuinx? Kuimphox poysac vshiz kuex ngvy kox nuex lvmz wvnc luit, ngaz rueq lawc ix,” ngoz tueq tvralc tueq.

Luke 1:15

Yvmx khoc lac ngoz ruiux lec piq kuex Taungjix htumc nuex yungx luz wvnc tuex. Piq rueq svpiq tix nuiyc vjuk vbawx juing phvnx muinz nuingx muq. Piq kuex jawx tueq rulc rv-ngvlc Vsawc Siyac mvrc yaq miq rvtueq.

Luke 10:35

Nvp yix raungnuiyq piq rueq kuimphox sawx nueyc kuex yuimx jungx jix waz muex kuq ruiux vkhoc jungx kuq tueq, ‘Vruex waz kuex shvlix lawx lawc kuq kuit, piq ningkhvnc nuex jvnc vtueq shuimx ruiux lec ngaz yek waung raungx kvkaq mnoz muex ngaz rueq htuimz kuq phaungx,’” ngoz tueq jungx shec tueq.

Luke 20:24

“Kuimphox sawx shiz ngaz muex tvkhic kuq kuit, vruex kuimphox vyuq ukhaq yac nuiyc ukhaq muingc lac tvkop taq tvnx?” ngoz tueq wiz tueq. Tsuingshiq rueq, “Kesar yac nuiyc piq muingc vtvkop taq rvtueq,” ngoz tueq tvralc tueq.

2 Timothy 3:15

Mnoz nosaz maq phuex phaungc vtueq mnoz muex taksux tharc kuq ruiux, Christu Yesu muex kvmluimx wvnc ningkhvnc nuex palc daungc wvnc lvmx lvp tvkoc tvkhic kuy jix Rumvrc Luik kuex vhvlx waq tuiuz wvnc jix waz rvtoq kuex rvwvl shuiuz.

Revelation 6:6

Ngvmx saz bvlic hvlwvl wawc vdung ikhoc tvruingc vshiz ngaz rueq tay tauk, kvruex tvruingc kuex, “Nyensaz wungx liter shiz kuex raungnuiyq shiz yauk shuimc mauk muex kuy rax yaq, wanx tsvmz liter thuimx kuex raungnuiyq shiz yauk shuimc maq kuy rax yaq. Yuq muinz olip jungx htenc nuiyc svpiq sunc htenc kuex nauk tvbac kaz!” ngoz tueq jungx tueq.

1 SAMUEL 2:18

Kvruex baunglaung nox Samuel kuex vsawc ruiynyel khvymvnz kuex svmx ruiux Yehowa muex tvhttoarc vtueq shuimx kuq tueq.

1 SAMUEL 2:26

Nox Samuel kuex peluz wvnc yek vtueq Yehowa khaungkac nuex nuiyc miqsaz mvnz nuex htvlx phawc lvp wvnc tueq.

1 SAMUEL 3:1

Nox Samuel kuex Eli rueq jungphvnx yaq kvkhoc Yehowa muex shuimx kuq yaq pat nuex, Yehowa kox wawc bomjungc muinz dung muq vkomc lanc, vpiq kox wawc romzyac tvkhic muinz httuiuc muq dvyx vkomc rvtueq.

1 SAMUEL 3:21

Samuel muex kvkhic kaz vtueq piq rulc rvbomc tueq Yehowa kuex Shilo ghaq nuex vpiq pumz dung kaz tueq. Samuel rueq jungphvnx shuex ruip rawx Israel miqsaz htenc rueq tay wuez yaq.