Matthew 20:1 - Hawa Naga Bible 2001

¹ “Raungx Mungtan kuex svpiq sunc taungjix washiz rvhumc wvnc tueq yaungx wvnc tueq lvmx rulc rv-ngvlc yaq. Lauk shiz nuex svpiq sunc taungjix washiz kuex piq sunc nuex yauk shuimc jix gvlc tvkoc raungnvp maq kaz wvnc tueq.

ASII LAKDAP Bible (BSI)

¹ “Ramungtan ngukla, bom ka akha. Mangjong maiqse kunli Shiikeawe sengi ma jawan ngutlaq ka akha. Maiq weshi ka apaiq spiqtsiro na jaq tiisham ma maiq ningchangti ritkai ranap chu maq kihoto.

Muklom

¹ “Rangmungtan raa irimal: napkha o pik tangteywa thalat eq upik sho somlot ma jaksom tey tang thalang ma hal kata.

Matthew 20:1 Referencias Cruzadas

Matthew 13:24

Yesu rueq bomc tv-ngvlc vganc maq tsuingshiq muex jungx kuq yek tueq, “Raungx Mungtan kuex wuik vnax nuex vlix vhvlx wuinc jix waz rulc rv-ngvlc yaq.

Matthew 13:31

Yesu rueq bomc tv-ngvlc vganc maq tsuinghez muex jungx kuq yek tueq, “Raungx Mungtan kuex vkhoc rvtueq, miq washiz rueq lvmz wvnc vtueq piq sunc nuex vwuinc yekex lix rulc rv-ngvlc yaq.

Matthew 13:33

Yesu rueq bomc tv-ngvlc vganc maq tsuinghez muex jungx kuq yek tueq, “Raungx Mungtan kuex vkhoc phvnx rulc rv-ngvlc yaq. Yalxjuik nyuiuz shiz rueq wisiz raungluingx lvmz vtueq wungwanx tawx shiz nuex htawc koq tueq lotlaz tvwuiz gay lot yaq rulc rv-ngvlc yaq,” ngoz tueq jungx tueq.

Matthew 13:47

“Kvmaq raungx Mungtan kuex vkhoc rvtueq. Ngaq lvmc svy jix rueq yuix jumx nuex jak maq khup vtueq, ngaq phvnx ruip saz khup gay yaq jak rulc rv-ngvlc yaq.

Matthew 20:2

Piq rueq raungnuiyq shiz nuex kuimphox sawx shiz kuq phaungx ngoz tueq yauk shuimc jix hez rulc rungx raz ruiux, svpiq sunc nuex tsuinghez kuex nvr tvkaz tueq.

Matthew 21:28

“Majuiuc nuimshiq rueq yvmx khoc lac tvmaung wuez vshuinx? Laukshiz nuex miq washiz kuex vsaz wanueyc httax tueq. Vsaz pekhux waz kox nuex piq kaz vtueq, ‘Isaz lex, majuiuc raungnuiyq svpiq sunc nuex yauk shuimx kaz kuiuz,’ ngoz tueq.

Matthew 22:2

“Raungx Mungtan kuex vsaz muex miqlvmc moalx tvyoalc tvy jix hokhvmx washiz rulc rv-ngvlc yaq.

Matthew 23:37

“Yerusalem lex, Yerusalem lex! Shvmmax bix htenc thvt toq ghaq, Tishox rueq vtvkaz htenc kuex lung maq tuip thvt gay toq ghaq lex! Wukuiux rueq vsahez kuex vraungx khung nuex tvtuimx wvnc shuex ikhoc ngaz rueq mnoz kuex tvkhup wungx wvnc tvkoc paunghvlc lauk hunglaungx wvnc tauk, yuq muinz mnoz rueq roc muq!

Matthew 25:1

“Kvruex kaq raungx Mungtan kuex miqmac wvrkok shuimx vtueq waz nyalx waz humc kay jix yalxtux nyuiuz rokshiz rulc rv-ngvlc yaq.

Matthew 25:14

“Kvtanc jauz raungx Mungtan kuex miqmac yuimx maq wuinz ghaq nuex kaz wvnc khvmkhvmz miq washiz rvhumc wvnc tueq rulc rv-ngvlc yaq, piq rueq vnvrc waz hez kuex gvl vtueq tsak vnyvmx lekuq tueq.

Matthew 3:2

Piq rueq, “Nuimshiq mvrax kvwawc thuinz kvlayc wuez kuinz, yvmx khoc lac ngoz ruiux lec Raungx Mungtan kuex httuiuc wvnc yaq!” ngoz tueq jungphvnx tueq.

Mark 13:34

Kvruex kuex miq washiz yalc hvlc mungx nuex kay wvnc muex piq yuimx kuex vnvrc waz hez muex lekuy shec muex ngoz tueq, vnvrc waz hez washiz maq washiz muex yauk shuimc phvlx kuq shec vtueq, kaluix bvmc jix waz muinz honc lvmz hvt httaz tvkoc nvr shec tueq rulc rv-ngvlc yaq.

John 15:1

Yesu rueq, “Ngaz kuex svpiq ruiuz muik shauk rvtauk; Iwaz kuex sunc taungjix waz rvtueq.

1 Corinthians 15:58

Kvkhoc rvtueq ngaz rueq lungwawc vphaungx phunox bix lex, phaungx duingduing maq jvp wuez kuinz. Taungjix yauk shuimc gurc pic lvmx kuex mkaq muinz khuec guez yaungx kaz muq kuex nuimshiq tuiuz wvnc vtueq, Taungjix yauk shuimc nuex mkaq muinz shuimx kaz wuez shuinz.

Hebrews 13:21

Nuimshiq rueq vpiq thuinroc lvmx shuimc kay tvkoc nuimshiq nuex rax thuiyc yaq vhvlx phvnx lvmx ruip saz kuex nomic Tishox rueq nuimshiq muex mkuq kv-phuinx, Taungjix kuex vpiq thuinroc rulc rv-ngvlc Christu maq naungshiq muex tvhungx htaungx tvmvrc kuq phuex. Yesu Christu maq vpiq rueq raungc raq yaq lvmx kuex naungshiq mtvyaungc phueq, Christu nuex pattup pat-sac ngauz vngax mhttax kueq. Amen.