Matthew 2:2 - Hawa Naga Bible 2001

² vkhoc wiz tueq, “Yuda Hokhvmx yaungc tvkoc jawx kaz tueq nox kuex m-yuq lac? Shaldungc mungx nuex vpiq ruiysuiyq dung tueq kuex nuiyshiq rueq khiz lvp vtueq, vpiq nawk palx kay nuiyshiq httuiuc kaz tiq,” ngoz tueq jungx tueq.

ASII LAKDAP Bible (BSI)

² Raüta akha waito, “Jehudinok hokhamwe ma jati no dotaq kra ümchaü ümbano? Naishiq raq apaiq raiqsaiqpo ka shedong mung nü na atiiji arki chhi kai. Kra chhi laita naishiq ka apaiq shomnoq kai ana kikai.”

Muklom

² pitta, “Jehudi phan aa jat lungwang angma ta, nijangsa thi barina changta? Í aa piq tasayti tha saal qhang kowang khi eq, piq raa shumnuk rangma irináng kataphi.”

Matthew 2:2 Referencias Cruzadas

Tvtsvmc 2:6

Vpiq rueq, “Ngvy vsawc kanx Zion htauk nuex ngvy hokhvmx waz muex ngaz rueq tvduiz shec tauk,” ngoz tueq jungx tueq.

Tvtsvmc 45:11

Mnoz svp rvp vtuiux shvmhvlc rueq hokhvmx waz thuinz nuex tvraungc raq vshuiux; piq kuex mtaungjix waz rvtueq, mnoz rueq piq kvjaz tay vshuiux.

ISAIA 60:3

Miq phvnx htenc kuex mnoz wuic httax yaq nuex, Kvmaq hokhvmx bix kuex mraungx nuiyq vnyalx wuic kvyuq httuiuc wvnc wuez tuex.

JEREMIA 23:5

Yehowa rueq, “Dawid suiuz vsaz wawc tsuingrux hokhvmx vshiz ngaz rueq thvl taq shaungx vkhing httuiuc wvnc tuex. Kvruex hokhvmx waz rueq taksux maq guimz lawc vtueq wvmungx tuimx kuex tsuingrux nuiyc tvrac vlvmz maq guimz shuex.

JEREMIA 30:9

Kvkhoc ruec tvraung, Yehowa tsuingshiq Tishox rvtauk ngaz muex muinz, hokhvmx hoc nuex vtvduiz Dawid suiuz vsaz muex muinz shuimx kaz kuq wuez shuex.

JEKERIA 9:9

Zion miqsaz lex, kokez wuez kuinz, kokez wuez kuinz! Yerusalem miqsaz lex, vkoz vkez maq guyc sez wuez kuinz! Lawc shuinz, nuimshiq hokhvmx waz kuex nuimshiq kox nuex kaz yaq! Vpiq rueq taungx vtueq lotlaungc wvnc tueq, yuq muinz thuinz tvyomz vtueq loze htauk nuex ngaungc yaq, loze saz vshiz htauk nuex, loze kuiux kvruex saz htauk nuex ngaungc yaq.

WEAWEA 24:17

Ngaz rueq max kox wawc pat kuex lawc koq tueq, Israel miqsaz kuex ngaz rueq khiz tauk. Kvruex miqphvnx nuex hokhvmx washiz kuex phelez yaq ruiysuiyq ikhoc dung tuex. Ruiywuic poz ikhoc Israel wawc dung tuex. Piq rueq Moba phvnx walaungx bix htenc kuex khvt yurc gay ruiux, Set miqsaz htenc lotlaz kuex yurc gay shuex.

Matthew 2:3

Herod hokhvmx rueq kvruex lvmz kuex tay vtueq piq nuiyc Yerusalem miqsaz lotlaz thuinz phez yvp wuez tueq.

Matthew 21:5

“Zion ghaqyungx muex jungx shuinz, Lawc shuinz, nuimshiq hokhvmx waz kuex nuimshiq kox nuex httuiuc kaz yaq! Vpiq kuex tvyomx tv-nyenc thuinz maq loze kuiux muex vsaz htauk nuex ngaungc yaq rvtueq, loze kuiux muex vsaz htauk nuex ngaungc yaq,” ngoz tueq.

Matthew 27:11

Yesu kuex Roma mungx walaungx htumc nuex jvp yaq, mungx walaungx waz rueq, “Mnoz kuex Yuda hokhvmx waz doc haz?” ngoz tueq wiz tueq. Yesu rueq, “Mnoz rueq jungx vshuiux rulc rv-ngvlc ngaz rvtauk,” ngoz tueq tvralc tueq.

Luke 19:38

“Taungjix muingc maq httuiuc kay jix Hokhvmx waz Tishox rueq ruimrix mkuq shueq! Raungmungx nuex nomic mhttax kueq, Tishox ngauz vngax m-yungx kueq!” ngoz tueq guyc wuez tueq.

Luke 2:11

Majuiuc raungnuiyq Palc Daungc jix Waz Christu ngoz yaq Taungjix kuex Dawid ghaqyungx nuex nuimshiq tvkoc jawx kaz tueq!

Luke 23:3

Pilat rueq vpiq muex, “Mnoz kuex Yuda miqsaz phvnx hokhvmx waz doc haz?” ngoz tueq wiz tueq. Yesu rueq, “Mnoz rueq wiz vphux kvkhoc ngaz rvtauk,” ngoz tueq tvralc tueq.

Luke 23:38

Vpiq htauk nuex muinz, “Vruex Waz kuex Yuda miqsaz Hokhvmx Waz,” ngoz tueq wuiyq tvkop taq tueq.

John 1:49

Kvkaq Nathanael rueq, “Tvluingc waz lex, mnoz kuex Tishox Saz rvtoq! Mnoz kuex Israel phvnx Hokhvmx waz rvtoq!” ngoz tueq tvralc tueq.

John 12:13

pam yauk laungx tuz htenc shuimx ruiux kaz wvnc vtueq, “Tishox ngauz vngax kuex tvtsvmc kvmc wuez shuinz! Taungjix muingc maq httuiuc kay jix Israel Hokhvmx waz kuex thuinz mhvlx kueq!” ngoz tueq guyc ruiux malc laz wuez tueq.

John 18:37

Kvkhoc rvtueq Pilat rueq, “Ngoz ruiux mnoz kuex hokhvmx vshiz haz rvtonx?” ngoz tueq wiz tueq. Yesu rueq, “Ngaz ngoc hokhvmx waz ngoz tueq mnoz rueq jungx vshuiux. Ngaz kuex tsuingrux lvmx jungphvnc kuy tvkoc jawx vtueq mungkawx vyuq httuiuc kaz tauk. Tsuingrux lvmx nuex seng yaq jix htenc kuex ngvy kvjaz tay wuez yaq,” ngoz tueq tvralc tueq.

John 19:19

Pilat rueq vtvtsuingc juing luik phushiz wuiyq vtueq Yesu yauk juinc bulx htauk nuex tvkop but tueq. Kvruex bomc thuey kuex, “Yuda miqsaz Hokhvmx Nazaret waz Yesu,” ngoz tueq.

John 20:28

Thoma rueq, “Ngvy Taungjix nuiyc ngvy Tishox khoc vnauz!” ngoz tueq.

John 5:23

Kvkhoc rvtueq miq htenc rueq Vwaz muex tvtsanc nganc yaq rulc rv-ngvlc Vsaz muex muinz tvtsanc nganc shuex. Vsaz muex tvtsanc nganc muq waz kuex Vsaz nvrc tvkay jix waz Vwaz muex tvtsanc nganc muq rvtueq.

John 9:38

Kvkaq piq rueq, “Taungjix lex, ngaz kvmx vtaungx!” ngoz vtueq vpiq khaungkac nuex bumx ruiux nawk tueq.

Hebrews 1:6

Yuq muinz Tishox rueq Vsaz pekhux waz kuex mungkawx nuex tvkay dvnc tueq nuex, “Tishox raungkamx bix lotlaz rueq kvruex waz kvmac nawk palx wuez shuex,” ngoz tueq jungx tueq.

Revelation 22:16

“Ngaz Yesu rueq phungc nuex httax yaq nuimshiq muex vruex lvmz htenc kuex tvtay jungc kuy tvkoc ngoz tueq ngvy raungkamx waz tvkaz tauk. Ngaz kuex Dawid waruiuz wawc rvtauk; raungnvp kox nuex lez yaq ruiywuic poz muinz rvtauk.”