Matthew 2:1 - Hawa Naga Bible 2001

¹ Herod hokhvmx pat, Yuda mungx Betlehem ghaq nuex Yesu jawx kaz tueq. Kvkaq yauk lox nuex dvyx, shaldungc mungx wawc phaqjic vhttax jix miq wvyvmc Yerusalem nuex httuiuc kaz vtueq,

ASII LAKDAP Bible (BSI)

¹ Jesuq ka Judia wang na Bethlehem chela na chiito. Kra akhing na hokham jati ka Herod riito. Kra jai maq jaqlo sijai niili Jerusalem maq shedong mung na siti, ra na raiqsaiq jipi khumshiim shri ra liiwanti taksu maiqsebi ka Jerusalem na kito.

Muklom

¹ Herod lungwang angta rangham tho, Judea mung Bethlehem samhaq na Jesu changta. Amaan sa jio, saal qhang kona tongtey ataal miqtang Jerusalem náng thu eq

Matthew 2:1 Referencias Cruzadas

RAPHA HIQWA LAK 10:30

Tsuingshiq httax ngaungc yaq ghaq vraungx kuex Mesha maq shaldungc kox wawc kuz vkanx vhtvy baung Sephar ghaq nuex httuiuc laz yungx yaq.

RAPHA HIQWA LAK 25:6

yuq muinz piq tvraungx httax tueq baunglaung vtaungx nyuiuz vganc jix rulc vlvp vsaz hez muex muinz yauk noalc kuq tueq. Kvruex yimaq vganc jix rulc vlvp sahez kuex Esak rulc vluz, shaldungc mungx nuex tvhttax tueq.

RAPHA HIQWA LAK 41:8

Raungnvp nuex piq kuex japa vtueq, Ejip mungx wawc luinglawc jix hez nuiyc wvtharc jix miqwaz rulx htenc kuex gvl tueq. Piq rueq vmaung kuex jungx koq tueq, washiz raung rueq muinz vlvmz kuex jalc jungx kuq lot muq.

RAPHA HIQWA LAK 49:10

Yuda rueq hokhvmx jowvyx kuex shuimx shuex, Piq suiuz vsaz phvnx rueq rullungx wvlex guimz lawc shuex. Miq phvnx ruip rawx rueq piq kox nuex yauk noalc htenc lvmz wvnc vtueq, piq khaungkac nuex nawk vtueq piq yix phvnx wuez shuex.

1 HOKHVMX 4:30

Solomon kuex shaldungc mungx wawc wvtharc jix hez nuiyc Ejip mungx wawc wvtharc jix hez lotlaz htauk nuex muinz jvnc vtueq taksux tharc httaz hvlc rvtueq.

1 KAÜWA WERAÜ 2:51

vsaz vnueyc ngoc yaungx waz Salma rueq Betlehem ghaq kuex shunshvlx tec tueq, vthuimx ngoc yaungc waz Harep rueq Betgader ghaq kuex shunshvlx tec tueq.

YOBA 1:3

khelbuenx 7,000, kamel 3,000, manx 1,000, loze 500 rvtueq. Piq nvrc waz muinz paunghvlc httax yaq, shaldungc mungx kox nuex luiz waungx yungx pinhtumc waz rvtueq.

ISAIA 11:10

Dawid phvnx wawc vdung hokhvmx vnyalx kuex miqphvnx htenc tvkoc tvkhic tvtsuingc juing muex yaungc wvnc vkhing httuiuc wvnc yaq. Tsuingshiq kuex piq hokhvmx ghaqyungx nuex rvtuimx kaz vtueq piq muex tvtsanc nganc kuq shuex.

Mikha 5:2

Yehowa rueq, “Betlehem Ephratha lex, mnoz kuex Yuda mungx wawc miqghaq vruinx pinhtumc vshiz rvtoq, yuq muinz Israel tvkoc guimz lawc jix washiz kuex mnoz kox wawc ngaz rueq tvdung shaungx, piq waruiuz kuex vjix vwaz pat maq phuex vhttax rvtueq,” ngoz tueq jungx tueq.

Matthew 1:25

Yuq muinz nox raungwuic khic nuex httuiuc laz piq rulc gvnngvmx maq guilc ngaungc naungx muq maq httax tueq; nox miqwaz saz kuex piq rueq Yesu ngoz tueq muingc tueq.

Matthew 2:16

Shaldungc mungx wawc phaqjic vhttax jix hez rueq piq lauc gay shec tueq lvmz Herod rueq helc vtueq piq pinhtumc vthuinz khaq tueq. Kvkhoc rvtueq phaqjic vhttax jix hez kox wawc wisoz tuiuz tueq rulc rv-ngvlc ruiysuiyq khiz tueq vkhing kuex hesap lawc vtueq Betlehem nuiyc kvruex tvroz miqghaq htenc wawc rullungx wawc nueyc maq kaq kox miqwaz saz htenc kuex lotlaz thvy gay tvkoc nvr tueq.

Matthew 2:19

Herod thueyc kay yimaq, Taungjix raungkamx washiz Ejip mungx maq Yosep maung nuex tvkhic kaz vtueq,

Matthew 2:3

Herod hokhvmx rueq kvruex lvmz kuex tay vtueq piq nuiyc Yerusalem miqsaz lotlaz thuinz phez yvp wuez tueq.

Matthew 2:5

Tsuingshiq rueq, “Yuda mungx Betlehem ghaq nuex jawx kaz tuex. Yvmx khoc lac ngoz ruiux lec shvmmax vkhoc ngoz tueq wuiyq shec tueq,

Matthew 2:7

Kvkaq Herod rueq shaldungc mungx wawc taksux vhttax jix hez kuex vyumx maq gvl vtueq, ruiysuiyq dung tueq lvmz kuex tsuinghez kox tvsuip tv-phaungc wiz tueq.

Luke 1:5

Yuda mungx nuex Herod hokhvmx rueq guimz tueq pat nuex, vmuingc Zecharia ngoz yaq shomc waz washiz httax tueq, piq kuex Abia shomc waz phungc wawc rvtueq. Vtaungx nyuiuz kuex shomc waz phvnx vmaq shvlx vmuingc kuex Elisbet rvtueq.

Luke 2:11

Majuiuc raungnuiyq Palc Daungc jix Waz Christu ngoz yaq Taungjix kuex Dawid ghaqyungx nuex nuimshiq tvkoc jawx kaz tueq!

Luke 2:15

Raungkamx bix kuex raungx nuex yek waung wvnc koq tueq, khelbuenx remc jix hez kuex vshiz maq vshiz rvjungc wuez vtueq, “Betlehem nuex waung ix, yaungx wvnc tueq nuiyc Taungjix rueq naunghez muex jungx phuex lvmx kuex lawc waung ix” ngoz tueq.

John 7:42

Mesia kuex Dawid Hokhvmx waruiuz wawc rvtuex ngoz tueq muinz, Dawid httaz juing Betlehem ghaq wawc dung tuex ngoz tueq muinz Rumvrc luik nuex jungx shec tueq,” ngoz tueq.

PHOWEBI 17:7

Kvtanc jauz Yuda mungx Betlehem ghaq nuex httaz jix Lewi miqsaz yalxrox washiz httax tueq.