Matthew 14:3 - Hawa Naga Bible 2001

³ Herod kuex vnox Philip taungnyuiuz Herodia ningkhvnc nuex Yohan kuex lvp vtueq khoktep nuex shauk gay tueq.

ASII LAKDAP Bible (BSI)

³ Herod tsan na akha tiima taq kriika, apaiq raq kongkhu ji na Johan ka lap raüta kharü maq kha raüta phaqtek mong na shaq thüto. Apaiq raq Johan phaqtek na shaq wantaq kriika, apaiq raq ano Philip tanyung Herodias kra romphaqtaq kra kha lümaq shaqto.

Muklom

³ Chammatakoi Herod aa phang tho John tha thalo eq chuk náng sakta. Piq aa upho Philip himteynu Herodias tungkang o irimal somta.

Matthew 14:3 Referencias Cruzadas

Matthew 11:2

Christu rueq shuimx wvnc tueq lvmz htenc kuex Yohan rueq khoktep mungx maq tay vtueq, piq sangac wvyvmc kuex vpiq kox nuex tvkaz tueq.

Matthew 14:6

Herod piq jawc raungnuiyq httuiuc tueq nuex, Herodia saz yalxjuik saz kuex miq htumc nuex moalx kvyuq kaz vtueq wvnuemz nvyx kuq ruiux Herod thuinz kuex pinhtumc tvhvlc kuq tueq.

Matthew 4:12

Yohan kuex lvp shauk gay tueq thaungc Yesu rueq tay vtueq Galile mungx nuex kaz wvnc tueq.

Mark 6:14

Yesu thaungc kuex baung ruip saz nuex nyvmc wvnc vtueq Herod hokhvmx rueq kvruex lvmz lotlaz tay tueq. Miq wvyvmc rueq Yesu ngoc, “Yuix Luip Yohan thueyc vtueq vyuing kvtenc wvnc waz rvtueq! Kvkhoc ningkhvnc nuex vpiq rueq vwangc juing luimc vkawc shuimx lot yaq,” ngoz tueq jungx wuez tueq.

Mark 6:17

Yvmx khoc lac ngoz ruiux lec Herod piq rueq Yohan kuex tvlvp vtueq khoktep nuex shauk gay tueq. Herod rueq kvkhoc ruez tueq lvmx kuex vnox Philip taungnyuiuz Herodia kuex lvmc ningkhvnc nuex rvtueq.

Mark 6:19

Kvruex ningkhvnc nuex Herodia rueq Yohan kuex shuiuc vtueq vthvy gay roc tueq, yuq muinz Herod ningkhvnc nuex piq rueq yvmx muinz ruez lot muq.

Mark 6:22

Herodia saz yalxjuik saz waung vtueq wvnuemz nvyx kuq koq tueq, Herod nuiyc piq rulc vdvmz ngaungc yaq wuinz hez muex vlawc tvsvp tueq. Rvkoq tueq hokhvmx waz rueq yalxjuik saz muex, “Mnoz rueq yvmx lac roc shuiux? Mnoz rueq roc phvnx yvmx yuq muinz ngaz rueq kuq phaungx,” ngoz tueq jungx tueq.

Mark 8:15

Yesu rueq tsuinghez muex, “Nuimhez rueq Pharise nuk nuiyc Herod wisiz kvruex honc lvmz hvt maq koayc wuez shuinz,” ngoz tueq honc jungx kuq tueq.

Luke 13:1

Kvruex baunglaung miq wvyvmc kuex Yesu kox nuex kaz vtueq, Pilat rueq Galile miqsaz thvt gay tueq lvmx tvtay jungx kuq tueq. Tsuingshiq rueq Tishox muex shomc kuy muex shomc nawk juing thvt yaq baunglaung thvt gay tueq lvmz jungx tueq.

Luke 13:31

Kvruex baunglaung Pharise nuk wvyvmc kuex Yesu kox nuex kaz vtueq, “Mnoz kuex vruex wawc vganc baungshiz nuex kaz wvnc kuiuz, yvmx khoc lac ngoz ruiux lec Herod rueq mnoz vthvy gay dvnc yaq,” ngoz tueq.

Luke 23:11

Herod nuiyc piq nolaungx bix rueq Yesu kuex wvlc guez waqguez tvyaungc vtueq shummarc wuez tueq, kvruex yimaq hungx htaungx yaq svmhung kuex tvsvmc ruiux Pilat kox nuex tvyez shvlx wvnc yek tueq.

Luke 23:7

Herod rueq guimz lawc yaq mungx wawc miq rvtueq lvmx kuex piq rueq tuiuz lvp vtueq, Yesu kuex Herod kox nuex tvshvlx laq tueq. Kvruex baunglaung Herod muinz Yerusalem nuex vhttax rvtueq.

Luke 3:1

Kesar Tiberiu rueq guimz lawc tueq wawc rokshiz rac wawc bv-ngac nuex, Yuda mungx nuex Pontu Pilat kuex mungx walaungx muex, Galile mungx Herod kuex guimz lawc vyungx vlaungx muex, Iturea nuiyc Trakoniti hong nuex Herod nox Philip kuex guimz lawc vyungx vlaungx muex, Abilene mungx nuex Lisania kuex guimz lawc vyungx vlaungx muex yaungx vtueq shuimx wuez yaq,

Luke 8:3

Herod hoc wawc tsak tumz shuimc jix vyungx vlaungx waz Kuza taungnyuiuz Joanna nuiyc Susanna, yalxjuik rulx paunghvlc rueq phvnx naungx vtueq, kvruex yalxjuik rulx kuex miqmac rueq vlvp tsak vnyvmx kvmaq Yesu nuiyc vpiq sangac hez muex joalc moalc kuq tueq.

Acts 12:1

Kvruex baunglaung Herod Hokhvmx waz rueq phungc miqsaz wvyvmc kuex guirguenc yurc yawc tvkoc tvnkhvnz hunglaungx tueq.

Acts 4:27

Kvrulc rv-ngvlc Herod nuiyc Pontu Pilat kuex Pungnuk miqsaz htenc nuiyc Israel miqsaz htenc rulc vdvmz nuex mnoz vsawc Nvrc Waz rvtueq mnoz rueq Mesia tvyaungc toq Yesu kuex khawc lvlc tvkoc vruex ghaqyungx vyuq rvtuimx wuez yaq.