Matthew 14:2 - Hawa Naga Bible 2001

² “Vruex waz kuex Yuix Luip Yohan yuing kvtenc waung yek tueq shvmx. Kvkhoc rvtueq vwangc juing romzyac htenc shuimc kay luimc vkawc lvp yaq,” ngoz tueq piq miq vyungx vlaungx bix muex jungx tueq.

ASII LAKDAP Bible (BSI)

² Kra tai raüta, apaiq raq, “Apaiq arka Khamlamketi we Johan, ama wa apo wan nong,” nguta, ajaq khong na siti ajong alabi ma chongkuqto. “Kriikha miitiina apaiq khum na atinkhan awang chang jaqsham miitu ningkun asi rüm tlaq ara.”

Muklom

² Piq aa ujaksom tey tang ma batta, “Piq asing wang John jung thalamtey wa hun angna, piq tha utik wang wey jey ta. Req piq ma patja jaksom ma itan tarong atha.”

Matthew 14:2 Referencias Cruzadas

Matthew 11:11

Nuimshiq muex ngaz vsuing jungx kuq ix, yalxjuik rueq vjawx wawc Yuix Luip Yohan htauk nuex vyungx kuex washiz muinz dung muq shauk doc. Yuq muinz raungx Mungtan nuex vruinx pinhtumc waz kuex piq htauk nuex vyungx rvtueq.

Matthew 16:14

Tsuinghez rueq, “Vbez rueq Yuix Luip Yohan rvtueq, wvyvmc rueq Elia rvtueq, kvmaq vbez rueq Yeremia, rvmuq ngoz ruiux shvmmax washiz shiz rvtueq, ngoz yaq,” ngoz tueq jungx tueq.

Matthew 3:1

Kvruex baunglaung Yuix luip Yohan dung vtueq Yuda mungx kumtsvy tvnx nuex bomjungc jungx wvnc tueq.

Mark 6:14

Yesu thaungc kuex baung ruip saz nuex nyvmc wvnc vtueq Herod hokhvmx rueq kvruex lvmz lotlaz tay tueq. Miq wvyvmc rueq Yesu ngoc, “Yuix Luip Yohan thueyc vtueq vyuing kvtenc wvnc waz rvtueq! Kvkhoc ningkhvnc nuex vpiq rueq vwangc juing luimc vkawc shuimx lot yaq,” ngoz tueq jungx wuez tueq.

Mark 8:28

Tsuinghez rueq, “Miq wvyvmc rueq mnoz ngoc Yuix Luip Yohan rvtueq, ngoz yaq, vbez rueq kuex Elia rvtueq, kvmaq vbez rueq kuex shvmmax bix wawc washiz rvtueq, ngoz tueq rvjungc wuez yaq,” ngoz tueq tvralc tueq.

Luke 9:7

Kvkhoc yaungx wvnc tueq lvmx kuex Galile hong guimz jix mungx walaungx Herod rueq tay vtueq thuinz bvruik shauk tueq, yvmx khoc lac ngoz ruiux lec miq wvyvmc rueq Yuix Luip Yohan yuing kvtenc waung yek tueq ngoz yaq.

John 10:41

Kvkaq vpiq kox nuex miq paunghvlc kaz wuez vtueq, “Yohan rueq vwangc juing romzyac yvmx muinz tvkhic muq doc; yuq muinz vruex waz lvmz Yohan rueq jungx wvnc tueq htenc kuex rvkhauk laz rvtueq,” ngoz wuez tueq.