Matthew 11:7 - Hawa Naga Bible 2001

⁷ Yohan sangac hez yek wvnc tueq yix maq, Yesu rueq Yohan lvmz nuk miqsaz vkung vdaungx muex jungx tueq kuex, “Nuimshiq kuex kumtsvy tvnx nuex Yohan kox nuex kaz tuit nuex, nuimshiq rueq yvmx khic shuinx ngoz tueq thuinz tvluimc vtueq lac kaz tuinx? Raungguil rueq tvmoay yaq gomx jungx kuex lawc kay haz kaz tuinx?

ASII LAKDAP Bible (BSI)

⁷ Johan jaqshisetiim ka atiido wan awa wan she kiijaq, Jesuq raq kiijaq mungmaiqse phong thungrai tlaq kriima, Johan shomrasea wan bomtsi ka akha shomra bomto: “Namshiq raq Johan traho bomchong taikai nguta kumtsaiphii binjü na kilan akhing na, apaiq ka jamkhii we michhiki rong i ngutiiwa tiima lan? Tingjang dong ka rahai raq baiqrat tlaq ikha, tiibai miinge sha chhiki lan? Riimak.

Muklom

⁷ John jiphantey tang qhing chuwang sey angta tho, Jesu aa miqtang thima John raaq pitta, “Shu shu haqna John jamoq tachong ma ka tin tho, nim aa chamlang siin ma ka tin? Rangpong wang langphung mochey atha siin ma ka tin i?

Matthew 11:7 Referencias Cruzadas

RAPHA HIQWA LAK 49:4

Mnoz kuex yuix puingc nuex kaz yaq yuix kuk ikhoc rvtoq, Yuq muinz mnoz kuex m-waz juik nyuiuz ruinx rulc woalc naungx vtueq, M-waz woalchuing tvshuy shac toq ningkhvnc nuex mnoz kuex vyungx vlaungx phvnx muex yaungx lot muq.

Matthew 11:8

Nuimshiq rueq yvmx lawc kay lac kaz tuinx? Svp hvlc khvysvmc jix waz lawc kay haz? Svp hvlc khvysvmc jix htenc kuex hoc nuex juex httax yaq nguinx!

Matthew 12:20

Vpiq rueq rul kvtawk kaz tueq gomx jungx tawk gay shuex rvmuq, raungluingx saz luic yaq wvrkok kuex tvmut muq. Vpiq rueq vrungx vraz tvrac rueq nyvmc wvnc laz juing shuimx kaz hunglaungx wvnc tuex.

Matthew 21:25

Yohan rueq yuix luip kuq yaq kuex Tishox vkhangx maq shuex, miqsaz vkhangx maq lac kuq yaq nguinx?” ngoz tueq tvralc tueq. Tsuingshiq rueq, “Naungshiq rueq yvmx khoc jungc juing lac? ‘Tishox vkhangx maq kuq yaq ngoz tueq jungx ruiux yuq, Yohan muex yvmx ngoz tueq lac kvmluimx muit?’ ngoz tueq ngoz shuex.

Matthew 3:5

Kvruex kaq Yerusalem jix nuiyc Yuda mungx lotlaz wawc nuiyc Yodan ruilx tvroz baung ruip saz wawc miq htenc kuex piq kox nuex kaz tueq.

Luke 8:18

“Kvkhoc rvtueq nuimshiq rueq yvmx khoc lac tay wvnc tuinx kvruex vhvlx waq honc lvmz wuez shuinz, vhttax jix waz muex vtvrvp kuy rvyek shuex, vguez jix waz yauk wawc kuex piq yauk nuex vhttax ngoz tueq tvmaung yaq kvmuinz vyez vlvmc rvwvnc yek shuex,” ngoz kuq tueq.

John 1:38

Yesu rueq yix kox nuex nyez lawc koq tueq tsuingnueyc rueq vpiq yix phvnx naungx yaq kuex khiz vtueq, “Nuimnueyc rueq yvmx lac thuiyx vshuinx?” ngoz tueq wiz tueq. Tsuingnueyc rueq, “Rabbi mnoz m-yuq lac httax vtuiux,” ngoz tueq wiz tueq. (Rabbi ngoz yaq kuex “Tvluingc waz” ngoc bomc rvtueq.)

John 5:35

Yohan kuex wvrluic tuz lez yaq wvrkok ikhoc yaungx kv-phuinx tueq nuimshiq kuex piq phelez yaq kvyuq rvmak laz kokez roc vshuinx.

Ephesians 4:14

Kvkaq naungshiq kuex mungyumx thuinz maq miq muex lvmx tvyaq tvkoc rot kaq jungphvnc jix htenc kvjaz nuex raungguil kvwek wix koq yuq lomx wvnc naungx yaq nosaz rulc ikhoc yaungx wvnc tix rvmuq.

James 1:6

Yuq muinz nuimshiq rueq vjux thoz ruiux yuq, kvmluimx thuinz vyaq maq rvmuq maq, kvmluimx thuinz maq thoz juing rvtueq. Kvmluimx thuinz vyaq waz ukhaq yuq muinz raungguil rueq htuiuz koq yuq kuix yaq svmuktvrax yuix daungx rulc rv-ngvlc yaq.