Matthew 11:18 - Hawa Naga Bible 2001

¹⁸ Yohan httuiuc kaz vtueq phuiuz svy mamc ruiux svpiq nuingx muq maq httax tueq nuex, ‘Piq kuex htaungc kvpumz jix waz!’ ngoz tueq ngoz wuez tuit.

ASII LAKDAP Bible (BSI)

¹⁸ Johan ka saüho raüta, amang maq achu jaü wan raütli siwanto. Kiimaq che-atsam min nyang mak riito. Kra chhi raüta maiqse wiitarü raq, ‘Apaiq arka aru angi tha raq rom wanto,’ nguta slailii ngu wanto!

Muklom

¹⁸ “John sha wokcham eq sutichi ling hung aa thuta etho nim aa piq ma thangwa atha ta raaq tin.

Matthew 11:18 Referencias Cruzadas

2 HOKHVMX 9:11

Jehu kuex piq miq vyungx vlaungx bix kox nuex yek kaz koq tueq, “Phvnx ruip saz kuex vhvlx haz? Miqyaq waz rueq mnoz muex yvmx tvshuimc roc lac?” ngoz tueq wiz tueq. Jehu rueq, “Piq muex yvmx lac rax yaq nguinx kuex nuimhez rueq tuiuz yaq,” ngoz tueq tvralc tueq.

JEREMIA 15:17

Ngaz kuex vganc jix miq rulc nueyx luemz vtueq vkhing tvhttvmc vshaungx rvmuq. Mnoz rueq nvr shuiux kuex phvnx ruiux ngvy lauk lauk dvyx httax vtueq thuinkhvy mvrc yaq.

JEREMIA 29:26

“Yehowa rueq mnoz kuex Jehoiada httungx muex shomc waz tvyaungc kv-phux, mnoz kuex majuiuc vmaq Shomc Yuimx mungx nuex vyungx pinhtumc waz rvtoq. Shvmmax muex kvyaungc shaungc jix vruc vngaz jix miq kuex piq duingx nuex yanx kamz tvluiuz ruiux yanx ruiuz maq khvrc tvy gay kuex m-yauk shuimc rvtueq.

Hosea 9:7

Murx tvgurc vkhing shex httuiuc tueq, miq htenc rueq shuimx tueq rulc rv-ngvlc tsuingshiq rueq lvp wvnc shuex. Kvkhoc yaungx wvnc ruiux yuq jix Israel rueq tuiuz shuex! Tsuingshiq rueq, “Vruex shvmmax waz vkuex vngaz khoc vnauz. Vruex siyac hungc vlaungc httax yaq waz kuex miqyaq ngoc raung,” ngoz tueq ngoz shuinx. Nuimshiq rueq mvrax yunghvlc ningkhvnc nuex nuimshiq rueq ngaz kuex shuiuc pac wuez vphuinx.

Matthew 10:25

Jongx saz kuex piq tvluingc waz ikhoc, dax waz kuex piq jiyungx waz ikhoc yaungx ruiux kuex thuinz hvlc juing rv-khvmz tueq. Tsuingshiq rueq yuimx taungjix waz kuex Belzebul ngoz ruiux yuq piq yuimx wuinz kuex bac hvlc muingc juing shec rvtuex rvmuq haz!

Matthew 11:17

‘Nuiyshiq rueq nuimshiq tvkoc miqlvmc moalx nuex seng vtueq tuimtvlx ruiux muinz nuimshiq wvnuemz muit! Nuiyshiq rueq vyonz vyex shic shix ruiux muinz nuimshiq khoar muit!’ ngoz tueq guyc sez jungx yaq.

Matthew 3:4

Yohan kuex gola-uk mul khvysvmx vtueq piq kheshuit ruiuz kuex ngvmx khuix ruiuz rvtueq, piq phuiuz svy juing kuex kup jawrawx nuiyc yaruix wawc nyaq ngurx rvtueq.

Matthew 9:34

Yuq muinz Pharise nuk rueq, “Vruex kuex htaungc wayungx rueq vpiq muex hungc vlaungc kuy ningkhvnc nuex htaungc htenc kuex yurc gay lot yaq,” ngoz wuez tueq.

Mark 3:22

Yerusalem wawc vkaz Tvrac tvluingc waz hez wvyvmc rueq, “Vpiq kuex Beelzebul kvpumz kaz, kvruex htaungc walaungx waz luimc vkawc maq vpiq rueq htaungc htenc kuex yurc lot yaq,” ngoz tueq jungx tueq.

Luke 1:15

Yvmx khoc lac ngoz ruiux lec piq kuex Taungjix htumc nuex yungx luz wvnc tuex. Piq rueq svpiq tix nuiyc vjuk vbawx juing phvnx muinz nuingx muq. Piq kuex jawx tueq rulc rv-ngvlc Vsawc Siyac mvrc yaq miq rvtueq.

John 10:20

Tsuingshiq phungc wawc miq paunghvlc rueq, “Vpiq kuex htaungc kvpumz vtueq vngaz rvkaz! Vpiq kvjaz kuex yvmx ngoz tueq lac tay vshuinx?” ngoz tueq.

John 7:20

Kvkaq nuk miqsaz htenc rueq, “Mnoz nuex htaungc kvpumz kaz! Uraq lac mnoz thvy tvkoc hunglaungx yaq nguinx?” ngoz tueq tvralc tueq.

John 8:48

Tsuingshiq rueq Yesu muex, “Mnoz kuex Samaria miqsaz rvtoq nuiyc htaungc kvpumz jix waz rvtoq ngoz vphix kuex rvkhauk laz rvmuq haz?” ngoz tueq wiz tueq.

John 8:52

Tsuingshiq rueq, “Mnoz kuex htaungc kvpumz vtuiux lvmx majuiuc nuiyshiq rueq vsuing tuiuz tiq shex! Abraham nuiyc shvmmax bix htenc kuex vthueyc wvnc wuez shex, kvkhoc rvyruiux mnoz rueq, ‘Ngvy kvjaz tay jix waz kuex mkaq muinz vthueyc rvhumc tuex rvmuq,’ ngoz tueq ngoz vshuiux.

Acts 26:24

Polu rueq piq gvnz kvgawc kvjaz jungx yaq nuex Festu rueq, “Polu lex, mnoz kuex vngaz shex rvkaz vtuiux, mnoz phaqjic lvy laz thenc ningkhvnc nuex vngaz shex rvwvnc vtuiux!” ngoz tueq guyc tueq.

1 Corinthians 9:27

Ngaz rueq miq vganc kuex rvlongx moalx nuex nyuip tvkoc gvlc lot yix, miqmac shauk pumz kuex tvyc rvyc muq rvtueq tvdux gay rvhumc muq mruez kueq, ngvy shauk pumz kuex rax yaq rulc rv-ngvlc shuimc lvmc tvkoc tsandez maq tv-phaungx vshaungx.