Matthew 11:1 - Hawa Naga Bible 2001

¹ Yesu rueq vpiq sangac hez waz rokshiz rac wanueyc muex jungc kuy lot yix, kvruex hep wawc miqghaq htenc nuex tvluing vtueq bomjungc jungphvnc kuy tvkoc vpiq kuex kvmaq kvtenc kaz wvnc tueq.

ASII LAKDAP Bible (BSI)

¹ Jesuq raq ajaqshisetiim roqshi ri wenai ma arthun tsii chongke bomtsi ara chongkuq lot raütiishe, apaiq ka kra hiqshong tro na chela ahin asi, kiina trahoke kai nai Shiikeawe bomtsi kra shrinkekai nguta kihoto.

Muklom

¹ Jesu aa ujiphantey tang asi ani ma iri raaq tang raa bat jio, piq Galilee mung samhaq tang náng tatal kot nia phanchan kot ma kata.

Matthew 11:1 Referencias Cruzadas

Matthew 28:20

ngaz rueq nuimshiq muex nvr vphaungx phvnx ruip saz kuex phvnx wuez shuinz, tsuingshiq muex tvluing kuq shuinz. Kvdvyx muinz rvmuq ghaq vpat htumx wvnc tuex nuex httuiuc laz ngaz kuex nuimshiq rulc vdvmz mkaq muinz httaz naungx phaungx,” ngoz tueq jungx kuq tueq.

Matthew 4:23

Yesu kuex Galile mungx tvroz tumz nuex khuemx vtueq, vjux thoz juing baung htenc kvyuq tvluing kuq ruiux, Raungx Mungtan lvmx Thuix Thaungx Vhvlx lvmx kuex jungphvnx kuq vtueq, mungx miqsaz vthuiuz vsac phvnx ruip saz nuiyc vmac vtsac phvnx ruip saz kuex tvhvlc kuq tueq.

Matthew 7:28

Yesu rueq kvruex kvjaz htenc kuex tvluingc kuy lot yix, nuk miqsaz vkung vdaungx htenc kuex vpiq rueq tvluing kuq tueq kvmac vwangc rvwuez tueq.

Matthew 9:35

Yesu kuex miqghaq yungx htenc nuiyc kez htenc lotlaz nuex kvroz khuemx tueq. Yuda miqsaz vjux thoz juing baung htenc nuex tvluing kuq ruiux, raungx Mungtan lvmx Thuix Thaungx Vhvlx kuex tvluing kuq vtueq, vmac vtsac vthuiuz vsac phvnx ruip saz htenc kuex tvhvlc kuq tueq.

Mark 6:12

Kvkaq tsuinghez kaz wvnc vtueq miq htenc muex miqmac mvrax htenc wawc kvroz wvnc tvkoc jungphvnx tueq.

Luke 23:5

Yuq muinz tsuingshiq kuex kvjaz tvyungc vtueq, “Vruex waz kuex Galile mungx maq phaungc vtueq majuiuc vyuq nuex httuiuc laz, Yuda mungx wvmungx tuimx nuex vpiq rueq tvluing jungphvnx vtueq, mungx miqsaz htenc kuex tvrvmulc tsvrc laz juing jungphvnx yaq,” ngoz tueq ramc wuez tueq.

Luke 8:1

Kvruex yimaq mtanc httax muq nuex Yesu rueq ghaqyungx nuiyc miqghaq htenc nuex khuemx kaz vtueq, Tishox Mungtan lvmx Thuix Thaungx Vhvlx htenc kuex tvluing kuq wvnc tueq. Sangac rokshiz rac waz nueyc muinz vpiq rulc khuemx naungx tueq.

John 15:10

Ngaz kuex Iwaz rueq nvr yaq kvjaz htenc tay phvnx vtueq, vpiq lungwawc nuex rvwak vtaungx ikhoc, nuimshiq muinz ngaz rueq nvrc bomc htenc kuex tay phvnx ruiux kuex ngvy lungwawc nuex rvwak wuez tuinx.

John 15:14

Nuimshiq kuex ngaz rueq nvr phaungx kvjaz tay phvnx ruiux kuex nuimshiq kuex ngvy kungjix hez rvtuit.

Acts 1:2

raungmungx nuex shvlc wvnc rvhumc tueq raungnuiyq nuex httuiuc laz, shuimx kaz tvluing wvnc tueq lotlaz kuex vphaungc wawc luik nuex ngaz rueq wuiyq wvnc tauk shex. Vpiq kuex raungmungx nuex shvlc wvnc max rvhumc nuex vpiq rueq vthvl shec kamx waz hez muex Vsawc Siyac luimc vkawc maq nvr tueq.

Acts 10:38

Nazaret waz Yesu kuex Tishox kox wawc Vsawc Siyac nuiyc luimc vkawc yvmx khoc lac lvp wvnc tvnx lvmz muinz nuimshiq rueq tuiuz vshuinx, Tishox kuex vpiq rulc roc nuex httaz ningkhvnc nuex vpiq kuex baung ruip saz nuex kvroz khuemx vtueq, miq htenc muex menjenc kuq ruiux, htaungc rueq tvkuilc daz yaq htenc kuex tvhvlc kuq tueq.

Acts 10:42

Vpiq kuex miqsaz muex Thuix Thaungx Vhvlx jungphvnc kuy tvkoc nuiyc vpiq kuex rullungx tvraungx httaz jix waz, vmaungx jix htenc muex khac phoc kuy tvkoc Tishox rueq vthvl taq shec lvmz kuex jungphvnx vtueq, hakhix khvmc tvkoc nuiyshiq muex nvr shec phuex.

1 Thessalonians 4:2

Yvmx khoc lac ngoz ruiux lec nuimshiq rueq yvmx khoc shuimc kay juing lac nuex seng vtueq, Taungjix Yesu rueq vkuq vrangx vpangx maq nuimshiq muex nuiyshiq rueq tvkhic kuq wvnc phix lvmx kuex nuimshiq rueq tuiuz vshuinx.

2 Thessalonians 3:10

Nuimshiq rulc vdvmz nuex httax tiq jauz, nuiyshiq rueq nuimshiq muex, “Yauk shuimx roc muq waz kuex phuiuz vsvy muinz phuiuz svy mvy muq,” ngoz tueq tvluing wvnc tiq.

2 Thessalonians 3:6

Phunox bix lex, duimlemc hvlc Christan miqsaz phunox bix rulc muinz, nuiyshiq rueq vtvkhic kuq lvmx kuex phvnx muq jix miq rulc muinz guilc ngaungc muit tvkoc Taungjix Yesu Christu muingc maq nuimshiq muex nuiyshiq rueq nvr vphix.

1 Timothy 6:14

Mnoz muex vkuq shec yauk shuimc kuex shuimx shuiuz, naungshiq Taungjix Yesu Christu httuiuc kay nuex httuiuc laz vruex yauk shuimc kuex tvmtuing maq shuimx shuiuz.