Mark 1:32 - Hawa Naga Bible 2001

³² Shalx nyuip wvnc yix raungyac nuex, miq htenc rueq vthuiuz vsac jix nuiyc htaungc kvpumz jix lotlaz Yesu kox nuex shvlx laq tueq.

ASII LAKDAP Bible (BSI)

³² Kra raji, rashe nyap jai niishe, atsiti nai wai raq ajok thun maiq kunli ka, Jesuq phana sheahoto.

Muklom

³² Rangja sey ang atho, miqtang aa Jesu relnáng atakasa miqtang etho thangwa eq lo aa miqtang tha thoksol ta.

Mark 1:32 Referencias Cruzadas

Matthew 4:24

Kvkhoc rvtueq vpiq muingjungc thaungc kuex Siria mungx htenc lotlaz nuex nyvmc wvnc vtueq, gvnz hvlx muq jix htenc, vmac vtsac phvnx ruip saz thuiuz sac rvhumc jix htenc, htaungc kvpumz jix htenc, vngauk thuiuz jix, huk maungx yauk maungx jix htenc vpiq kox nuex shvlx laq koq tueq, vpiq rueq tsuingshiq muex tvhvlc kuq tueq.

Matthew 8:16

Raungyac raungnyauk wvnc tueq nuex, miq htenc rueq htaungc kvpumz jix miq paunghvlc kuex vpiq kox nuex shvlx laq tueq. Kvkaq vpiq rueq bomc poshiz maq dvyx htaungc htenc kuex yurc gay ruiux vthuiuz vsac jix miq lotlaz tvhvlc kuq tueq.

Matthew 8:17

Vruex kuex shvmmax Esaia rueq vjungx shec, “Vpiq pumz maq naungshiq thuiuz vsac nuiyc vmac vtsac htenc kuex lvmz gay tueq,” ngoz tueq kvjaz rulc rv-ngvlc yaungx wvnc tueq.

Mark 1:21

Yesu nuiyc vpiq sangac bix kuex Kapernaum ghaq nuex kaz wvnc tueq, Vguilc Raungnuiyq httuiuc koq tueq vpiq kuex vjux thoz juing baung nuex kaz vtueq tvluing kuq kaz tueq.

Mark 1:31

Kvkaq vpiq kvhttot kaz vtueq vpiq yauk maq shuimx vtueq tvtenc tueq. Rvkoq tueq piq gvnz kalc vthuiuz kuex hvlx kaz tueq rulc rv-ngvlc piq vshuenc vruenc maq tsuingshiq muex joalc moalc kuq tueq.

Mark 3:2

Kvruex yuq Yesu ngoc vyaq yauk shuimc jix ngoz tueq mvrax tvgurc roc jix miq wvyvmc httax yaq, Vguilc Raungnuiyq kvruex waz kvmac tvhvlc kuq shuex shuex tvhvlc kuq muq lac ngoz tueq lawc wuez tueq.

Luke 4:40

Raungyac kox shalx nyuip wvnc yaq nuex vthuiuz vsac jix nuiyc suk-ric jvrkanx thuiuz jix lotlaz Yesu kox nuex shvlx wvnc tueq. Kvkaq vpiq rueq tsuingshiq washiz maq washiz htauk nuex vpiq yauk tvdaungc vtueq tvhvlc kuq tueq.

Luke 4:41

Htaungc htenc rueq muinz, “Mnoz kuex Tishox Saz rvtoq!” ngoz tueq kvjaz yunghvlc maq guyc vtueq miqmac kvpumz yaq jix gvnz wawc dung wvnc wuez tueq. Vpiq rueq htaungc htenc guyc sez yaq kuex tvbomc muq tvkoc tvwanc svl tueq. Yvmx khoc lac ngoz ruiux lec vpiq kuex Mesia ngoz tueq tsuingshiq rueq tuiuz yaq ningkhvnc nuex rvtueq.