Mark 1:21 - Hawa Naga Bible 2001

²¹ Yesu nuiyc vpiq sangac bix kuex Kapernaum ghaq nuex kaz wvnc tueq, Vguilc Raungnuiyq httuiuc koq tueq vpiq kuex vjux thoz juing baung nuex kaz vtueq tvluing kuq kaz tueq.

ASII LAKDAP Bible (BSI)

²¹ Jesuq nai ajaqshisetiim ka Kaparniam chela na wato. Kiimaq tlothit li, jai wa Asii Niitiitsak ranaiq na, Jesuq ka sinagok na kito. Raüta tra hokuqto.

Muklom

²¹ Jesu nia ujiphantey tang Capernaum samhaq náng kata. Inap mal tha Sabbath saal angta etho Jesu Synagogue náng ka eq phang tatal ta.

Mark 1:21 Referencias Cruzadas

Matthew 4:13

Vpiq kuex Nazaret nuex httax muq maq, Zebulun nuiyc Naphtali mungx Galile jumx kawx hep wawc Kapernaum ghaq nuex httax kaz tueq.

Matthew 4:23

Yesu kuex Galile mungx tvroz tumz nuex khuemx vtueq, vjux thoz juing baung htenc kvyuq tvluing kuq ruiux, Raungx Mungtan lvmx Thuix Thaungx Vhvlx lvmx kuex jungphvnx kuq vtueq, mungx miqsaz vthuiuz vsac phvnx ruip saz nuiyc vmac vtsac phvnx ruip saz kuex tvhvlc kuq tueq.

Mark 1:20

Yesu rueq tsuingnueyc kuex khiz tueq rulc vdvmz tsuingnueyc kuex gvl koq tueq, kolix bix rulc vdvmz lix nuex ngaungc yaq tsuingnueyc waz Zebede kuex gay shec ruiux Yesu yix nuex phvnx wvnc naungx tueq.

Mark 1:29

Yesu nuiyc vpiq sangac bix kuex Yaku nuiyc Yohan rulc vdvmz vjux thoz juing baung wawc kvtenc kaz vtueq, Simon nuiyc Andru yuimx nuex duiz wvnc tueq.

Mark 1:33

Miqghaq wawc miq lotlaz kuex yuimx kaluix daungx jungx nuex rvtuimx kaz wuez tueq.

Mark 1:39

Kvmaq hulawx Galile tvroz lotlaz nuex vjux thoz juing baung htenc nuex vpiq rueq jungphvnx kuq kaz vtueq htaungc htenc yurc gay tueq.

Mark 10:1

Kvruex yimaq Yesu kuex kvruex baung maq dung kaz vtueq Yuda mungx hong nuex kaz wvnc ruiux, Yodan Ruilx kvkox ral nuex yanz wvnc tueq. Nuk miqsaz vkung vdaungx vpiq kox nuex rvtuimx kaz koq tueq, mkaq muinz vpiq rueq shuimx ruiux shuex rulc rv-ngvlc tsuingshiq muex tvluing kuq tueq.

Mark 2:1

Vshauk puq httaz yix maq, Yesu kuex Kapernaum ghaq nuex kaz yek tueq, vpiq yuimx nuex httax yaq thaungc kuex miq htenc rueq tay tueq.

Mark 3:1

Kvruex yimaq Yesu kuex vjux thoz juing baung nuex hulawx kaz yek koq tueq, kvyuq yauk kox vmaungx miq washiz vhttax rvtueq.

Mark 6:2

Vguilc Raungnuiyq nuex vjux thoz juing baung nuex tvluing phaungc wvnc tueq. Kvyuq miq paunghvlc vhttax rvtueq, vpiq rueq tvluing yaq kuex tay jix miq paunghvlc kuex vwangc rvwuez tueq. “Vruex phaqjic kuex yvmx wawc lac lvp tvnx? Vpiq rueq lvp tueq taksux tharc kuex yvmx phvnx phaqjic lac rvtvnx? Vpiq rueq vwangc juing htenc kuex yvmx khoc lac ruez lot yaq nguinx nyix?

Luke 10:15

Kapernaum ghaq lex! Mnoz muinz raungx nuex httuiuc laz tenc haz roc vshuiux? Wulumx mungx nuex httuiuc laz tvdvy gay rvhumc tuiux!”

Luke 13:10

Vguilc Raungnuiyq nuex vjux thoz yuimx vshiz nuex Yesu rueq tvluing kuq tueq.

Luke 4:16

Kvkaq Yesu kuex vpiq peluz wvnc tueq Nazaret ghaq nuex httuiuc waung tueq, Vguilc Raungnuiyq vpiq kuex htungx httax yaq rulc rv-ngvlc vjux thoz yuimx nuex kaz vtueq, Rumvrc luik wvlc muex jvp koq tueq,

Luke 4:23

Vpiq rueq, “Nuimshiq rueq ngaz muex, ‘Phumz shuimc jix waz lex, mshauk m-gvnz kuex tvhvlc shuiuz nauz,’ ngoz tueq jungx ruiux yaq bomc tvguip maq ngaz muex ngoz phuinx. Kapernaum ghaq nuex mnoz rueq shuimx wvnc toq ngoz tueq nuiyshiq rueq tay lvp vshix yauk shuimc htenc kuex miqmac ghaq nuex muinz shuimx tvkhic shuiuz ngoz tueq ngaz muex nuimshiq rueq ngoz phuinx,” ngoz tueq tsuingshiq muex jungx tueq.

Acts 17:2

Polu kuex miqmac rueq shuimc juing yauk shuimc httax yaq rulc rv-ngvlc vjux thoz yuimx nuex kaz vtueq, Vguilc Raungnuiyq vthuimx tup kvruex wawc miq htenc rulc rvjungc phvnc lvmz htenc shunshvlx shuimx kaz tueq.

Acts 18:4

Yuda miqsaz nuiyc Greek miqsaz htenc kuex kvmluimx wvnc tvkoc Vguilc Raungnuiyq ruip rawx vjux thoz yuimx nuex jungphvnx kuq ruiux shuex.