Luke 2:26 - Hawa Naga Bible 2001

²⁶ piq kuex Taungjix bomkhvmc maq httuiuc kaz yaq waz Mesia kuex max khiz lvp wawwawx thueyc kaz muq, ngoz tueq.

ASII LAKDAP Bible (BSI)

²⁶ Kiimaq, apaiq miika, Shiikeawe raq kiq akhamkuq Tatiwe Khristo saüho tlaq, kriiwe sham kra chhithü hü maq, apaiq ka tsai mak miraq nguta, Asii Wenyi raq apaiq tsan mong na, tiitsang dada achongke wishe dongdii.

Muklom

²⁶ Etho Asang Tsija piq ma takhita, Teyhungwa khristo khi wey moq nángduk piq sha timoq angna.

Luke 2:26 Referencias Cruzadas

Tvtsvmc 2:2

Tsuingshiq hokhvmx bix rueq khawx lvlx wuez yaq, tsuingshiq guimz lawc jix bix rueq Yehowa nuiyc vpiq rueq vthvl taq hokhvmx waz kuex khawc lvlc tvkoc vyumx maq rvjungc wuez yaq.

Tvtsvmc 2:6

Vpiq rueq, “Ngvy vsawc kanx Zion htauk nuex ngvy hokhvmx waz muex ngaz rueq tvduiz shec tauk,” ngoz tueq jungx tueq.

Tvtsvmc 25:14

Yehowa kuex vpiq kvjaz tay jix rulc kungjix yaungx vtueq; vpiq bomkhvrc kuex tsuingshiq muex tvluing kuq shec tueq.

ISAIA 61:1

Johvlc Yehowa rueq ngaz kuex vpiq Siyac maq tvmvrc phuex. Htemc saz jix kox nuex thuix thaungx vhvlx gurc lvy tvkoc muinz, Thuinz vmungx bac jix muex thuinz tvhvlc kuy tvkoc muinz, Vthuq vruez laq jix htenc nuiyc khoktep nuex vshauk gay jix htenc kuex tvdungc tvkoc tvtay jungc muex Vpiq rueq ngaz kuex thvl vtueq nvr tvkaz phuex.

AMO LUIK DVP (AMOS) 3:7

Johvlc Yehowa vpiq kvmungx kuex vpiq nvrc waz shvmmax bix muex max tvkhic shauk nuex, yvmx dvyx yuq muinz vpiq rueq mkaq muinz shuimx muq.

Matthew 2:12

Herod httax yaq lvmx maq yek muq tvkoc Tishox rueq maung nuex tsuinghez muex honc tvsvmc kuq ningkhvnc nuex, tsuinghez kuex lvmx vganc maq miqmac mungx nuex yek kaz tueq.

Luke 2:29

“Majuiuc, Taungjix lex, mnoz rueq bomkhvmc taq toq rulc rv-ngvlc, mnvrc waz kuex nomic maq tvwaung gay koq.

Luke 9:27

Nuimshiq muex ngaz rueq vsuing jungx kuq ix, vruex yuq jvp jix wvyvmc kuex Tishox Mungtan max khiz lvp wawwawx thueyc wuez muq rvtuex,” ngoz tueq.

John 1:41

Kvkaq yauk lox maq vphuz Simon rulc rvhumc vtueq, “Mesia rulc nvnueyc rvhumc tiq,” ngoz tueq. (Mesia ngoz yaq kuex Christu ngoc bomc rvtueq.)

John 20:31

Yuq muinz Yesu kuex Tishox Saz Mesia rvtueq lvmz nuimshiq kvmluimx lvp tvkoc muinz, kvkhoc kvmluimx wvnc vtueq, vpiq muingc maq rullungx lvp wvnc tvkoc muinz vruex lvmz htenc kuex wuiyq shec tueq.

John 4:29

“Ngaz rueq shuimx kaz wvnc tauk htenc ngaz muex jungx kuy jix miq washiz kuex lawc kaz luit, vpiq kuex Mesia wuez rvtvnx?” ngoz tueq.

John 8:51

Ngaz rueq nuimshiq muex vsuing jungx kuq ix, ngvy kvjaz tay vtueq phvnc jix waz kuex mkaq muinz vthueyc rvhumc muq,” ngoz tueq tvralc tueq.

Acts 10:38

Nazaret waz Yesu kuex Tishox kox wawc Vsawc Siyac nuiyc luimc vkawc yvmx khoc lac lvp wvnc tvnx lvmz muinz nuimshiq rueq tuiuz vshuinx, Tishox kuex vpiq rulc roc nuex httaz ningkhvnc nuex vpiq kuex baung ruip saz nuex kvroz khuemx vtueq, miq htenc muex menjenc kuq ruiux, htaungc rueq tvkuilc daz yaq htenc kuex tvhvlc kuq tueq.

Acts 17:3

Mesia kuex kuilc daz rvhumc tuex lvmz, thueyc vtueq yuing kvtenc wvnc tuex lvmz kuex Rumvrc luik wawc tvkhic vtueq jungphvnx kuq tueq. Polu rueq, “Ngaz rueq nuimshiq muex jungx kuq vphaungx waz Yesu kuex Mesia rvtueq,” ngoz tueq muinz jungx tvsvmz kuq tueq.

Acts 2:36

“Kvkhoc rvtueq Israel miqsaz lotlaz muex Mesia muinz rvtueq, Taungjix muinz rvtueq Tishox rueq vthvl shec waz kuex nuimshiq rueq yauk juinc bulx nuex but thvt gay tuit waz Yesu kvruex rvtueq lvmx rvkhauk laz tuiuz wvnc wuez shuinx!” ngoz tueq jungx tueq.

Acts 9:20

Piq kuex vjux thoz yuimx htenc nuex kaz vtueq, Yesu kuex Tishox Saz rvtueq lvmz piq rueq jungphvnx kuq tueq.

Hebrews 11:5

Kvmluimx ningkhvnc nuex Enok vtvraungx maq shvlc wvnc rvhumc tueq. Tishox rueq piq shvlx wvnc vshuex ningkhvnc nuex piq kuex uraq muinz humc lot muq, Tishox rueq shvlc wvnc max rvhumc nuex Enok kuex Tishox rueq raungc raq yaq waz ngoz tueq Rumvrc luik nuex wuiyq shec tueq.