Luke 2:25 - Hawa Naga Bible 2001

²⁵ Kvruex baunglaung vmuingc Simeon ngoz yaq miq washiz kuex Yerusalem nuex httax yaq. Piq kuex miq hvlx washiz, Tishox muex hiyaz tvtsanc nganc vtueq Israel miqsaz palc daungc wvnc lvmx thuinz tvluimc bvmc jix waz rvtueq. Vsawc Siyac muinz piq htauk nuex httax yaq,

ASII LAKDAP Bible (BSI)

²⁵ Kra akhing na, Jerusalem na siti maiq weshi, amang Simeon nguta asi. Apaiq ka Shiikeawe lam phan na, tsapsaü kapse maq siwanti, kiimaq kechu maiqse ashi. Kiimaq, apaiq ka Shiikeawe raq Israilnok kra chhii kai akhing rahiq kra saütlo haü jiilei nguta, maklii khamthii maq khewantiwe riito. Kra akhing na Asii Wenyi ka akhum na ama riito.

Muklom

²⁵ Ethi rangham tho Jerusalem na Simeon tamiing aa ashey miq angta. Piq tha miq qhal angta, etho Shkewa ma cho eq tongtey miqwa angta etho piq aa Israel sha thalun ma banta. Asang Tsija ujamna atha angta.

Luke 2:25 Referencias Cruzadas

RAPHA HIQWA LAK 6:9

Vruex kuex Noa mvnphvnc rvtueq. Piq sahez kuex Shem, Ham, Japhet ngoz tueq wathuimx httax yaq. Noa piq pat nuex mvrax vguez miq hvlx kuex piq dvyx rvtueq. Piq kuex Tishox rulc rvnvp hvt httaz jix waz rvtueq,

YOBA 1:1

Uza mungx nuex vmuingc Yoba ngoz yaq waz httax yaq, piq kuex Tishox muex nawk palx jix nuiyc vpiq muex tvmtuing httax yaq waz rvtueq. Piq kuex miq hvlx washiz ningkhvnc nuex honc lvmz hvt maq layx bac yauk shuimc yvmx muinz shuimx muq waz rvtueq.

YOBA 1:8

Yehowa rueq, “Ngvy nvrc waz Yoba kuex mnoz rueq tvtsuingc vshuiux haz? Piq kuex kvmluimx jix miq hvlx waz rvtueq, piq kvkhoc ghaq htauk nuex washiz muinz vguez. Piq rueq ngaz muex nawk palx kuq vtueq honc lvmz hvt maq layx bac yauk shuimc kuex yvmx muinz shuimx muq,” ngoz tueq jungx tueq.

ISAIA 25:9

Kvkhoc yaungx wvnc tuex nuex, miq pumz tek rueq, “Vpiq kuex naungshiq Tishox rvtueq nyix! Naungshiq rueq vpiq muex tvluimc vshix, vpiq rueq naungshiq kuex palc wvnc phuex. Vpiq kuex Yehowa rvtueq! Naungshiq rueq vpiq muex tvluimc vshix, majuiuc vpiq rueq naungshiq palc wvnc phuex ningkhvnc nuex, naungshiq kokez shuenruenz wuez vtix,” ngoz tueq ngoz wuez shuex.

ISAIA 40:1

Naungshiq Tishox rueq, “Ngvy miqsaz htenc kuex tvlenc shuinz, tsuingshiq kuex tvlenc shuinz!

Mikha 6:8

Rvmuq, Yehowa rueq naungshiq kuex vhvlx yauk shuimc tvkoc jungx shec phuex. Naungshiq kox wawc vpiq rueq thoz yaq kuex vruex rvtueq: tvrac vlvmz shuimc lvmx, lungwawc thuinz tvkhic lvmx, thuinz tvyomz vtueq naungshiq Tishox rulc lux rvyaungc vtueq httaz juing rvtueq.

WEAWEA 11:25

Kvkaq Yehowa kuex phuemx rulc svt kaz vtueq, Moshe rulc kvjak kaz tueq. Vpiq rueq Moshe muex vkuq siyac kvwawc wvyvmc kuex lvmz vtueq walaungx bix rok mvshix kvmac kuq tueq. Tsuinghez kuex siyac lvp wvnc wuez vtueq shvmmax bix ikhoc guyc wuez tueq, yuq muinz laukshiz phok dvyx guyc wuez tueq.

WEAWEA 11:29

Moshe rueq, “Ngvy tvkoc rvwvl vtueq haz jungx vshuiux? Yehowa rueq piq miqphvnx lotlaz htauk nuex siyac kuy ningkhvnc nuex tsuinghez kuex shvmmax bix ikhoc m-guyc sez wuez kueq!” ngoz tueq jungx tueq.

Mark 15:43

Majuiuc Vguilc Raungnuiyq maq kvkhux raungnuiyq ngoz yaq, tvyoalc moalc raungnuiyq ningkhvnc nuex Yosep kuex Pilat htumc nuex khvmc thuinz maq nyuip woz vtueq Yesu maungx kuex thoz tueq.

Luke 1:41

Mary rueq phvnx jvnx jungx tueq kvjaz htenc kuex Elisbet rueq tay tueq rulc rv-ngvlc vwuk mungx wawc nox kuex phoal tueq. Elisbet kuex Vsawc Siyac mvrc vtueq,

Luke 1:6

Tsuingnueyc kuex Tishox htumc nuex vtsuing vrux miq ningkhvnc nuex Taungjix tvrac htenc nuiyc nvrc bomc htenc lotlaz kuex phvnx wuez tueq.

Luke 1:67

Yohan waz Zecharia kuex Vsawc Siyac mvrc wvnc vtueq Tishox bomjungc jungx tueq kuex:

Luke 2:38

Nox kuex lekuy baunglaung kvruex yalxjuik nyuiuz kuex nyuip waung vtueq Tishox kejux kuex tvtsvmc tueq. Kvmaq Yerusalem ghaq kuex palc wvnc shuex ngoz tueq thuinz tvluimc jix miq lotlaz muex nox lvmz kuex phvnx jvnx jungx kuq tueq.

Acts 10:2

Piq kuex nawk palx htungx tvtsanc jix waz; piq nuiyc vyuimx wuinz lotlaz Tishox muex nawk palx wuez tueq. Piq rueq htemc saz jix Yuda miqsaz htenc muex muinz yauk noalc paunghvlc romc kuq vtueq, Tishox kox wawc vjux thoz ruiux yaq.

Acts 10:22

Tsuinghez rueq, “Nuiyhez kuex nolaungx yungx waz Korneliu rueq tvkaz phuex. Piq kuex miq hvlx washiz rvtueq, Tishox muex tvtsanc nganc jix nuiyc Yuda phvnx lotlaz htumc nuex htvlx phawc vhttax maq tvtsanc nganc rvhumc yaq waz rvtueq. Tishox raungkamx washiz rueq mnoz kuex Korneliu yuimx nuex gvl ruiux, mnoz rueq jungx shuiux kvjaz kuex tay tvkoc nvr tueq,” ngoz tueq jungx tueq.

Acts 2:5

Kvruex baunglaung mungkawx wawc mungtan ruip rawx nuex httax yaq tvrac phvnc jix Yuda miqsaz htenc Yerusalem nuex httax yaq.

Acts 24:16

Kvkhoc rvtueq ngaz kuex Tishox htumc nuex nuiyc miqsaz htumc nuex miqmac kvguirc guenc thuinz vsawc httaz tvkoc mkaq muinz hunglaungx vtaungx.

TRI CHONGKE 18:15

Yehowa rueq nuimshiq phvnx vmaq kvwawc ngaz vkhoc shvmmax washiz tvkaz shuex ningkhvnc nuex piq kvjaz kuex tay wuez shuinz.

2 Peter 1:21

Yvmx khoc lac ngoz ruiux lec mruex jix shvmmax rueq vjungx wvnc ngoz ruiux muinz, miqsaz thuinroc maq yaungx dung wvnc tueq rvmuq, Vsawc Siyac rueq honc tvsvmc kuy rvhumc jix rueq dvyx Tishox kox wawc vkaz bomjungc kuex jungphvnx kuq yaq.