Biblia Todo Logo
La Biblia Online
- Anuncios -




Luke 1:71 - Hawa Naga Bible 2001

71 naungshiq ralx htenc nuiyc naungshiq shuiuc pac jix lotlaz yauk wawc palc wvnc phuex.

Ver Capítulo Copiar

ASII LAKDAP Bible (BSI)

71 Apaiq raq nashiq ka chiq se rewe jaqkhon mong wa, mitiichhii kuqha nguto. Nashiq ngengseng wanti maklii wa, mikhup wongkuq wanha nguto.

Ver Capítulo Copiar

Muklom

71 piq aa hiqtang ralwa tang wang etho utang aa miiksuk phi eshi tarong wang thalun phani.

Ver Capítulo Copiar




Luke 1:71
19 Referencias Cruzadas  

Yehowa nuimshiq Tishox rvtauk ngvy kvjaz kuex nuimshiq rueq phvnx wuez shuinz, nuimshiq ralx waz yauk wawc nuimshiq kuex ngaz rueq palc wvnc phaungx.”


Vpiq rueq vshuiuc vpac jix yauk wawc tsuingshiq kuex palc wvnc tueq; tsuingshiq ralx htenc yauk wawc vpiq rueq tsuingshiq kuex palc wvnc tueq.


O Yehowa nuiyshiq Tishox lex, nuiyshiq kuex palc wvnc koq, miqphvnx htenc phungc mungx wawc nuiyshiq kuex tvyez shvlx wvnc koq, ngoz ruiux mnoz vsawc muingc jungc kuex tvtsvmc ruiux, nuiyshiq rueq mnoz muex kejux vyungx ngoz shix.


Piq hokhvmx yaungx yaq nuex Yuda miqsaz vhvlx kvguing httax wuez tuex, Israel miqsaz kuex nomic httax wuez tuex. Piq kuex ‘Naungshiq Palc daungc Yehowa’ ngoz tueq gvlc rvhumc tuex.


Ngvy thuinkhvy nuiyc thuinkhvy phuk vtueq ngaz rueq tsuingshiq kuex tvpanc gay tauk mungtan htenc lotlaz wawc ngaz rueq tvtuimx yek vtueq vruex baung vyuq tsuingshiq kuex tvkhup wungx tvhttax shaungx.


Tsuingshiq kuex kvruex yuq kvguing kvwungx httax tuex. Tsuingshiq rueq yuimx htenc guirx ruiux svpiq sunc htenc khic shuex. Ngaz rueq tsuingshiq muex wvlc guez waqguez ruec jix tsuingshiq phic vphaungx mungtan htenc lotlaz muex murx tvgurc shaungx, kvmaq Israel kuex kuiyqshuik httax tuex. Kvkaq ngaz kuex tsuingshiq Yehowa Tishox rvtauk lvmz tsuingshiq rueq tuiuz wvnc wuez shuex,” ngoz tueq jungx tueq.


Ngaz rueq tsuingshiq kvwungx juing lvmz kuq lot shaungx bomkhvrc kuex tsuingshiq rulc tvhungx shaungx. Mungtan mungx wawc kvhiz juing ngvmx saz htenc kvmuinz tvyenc tvsawc gay shaungx, kvkaq ngvy khelbuenx htenc kuex tvnx nuex kvwungx httax vtueq luingx vlak khung nuex muinz yuip tuex.


Miq phvnx htenc rueq tsuingshiq kuex mkaq muinz yauk laungc yalawx rvshuex rvmuq, svl vwvl ngvmx saz rueq muinz tsuingshiq kuex kauk phauk shuex rvmuq. Tsuingshiq kuex vhvlx waq kvwungx httax vtueq washiz raung rueq muinz tvhiz sungx shuex rvmuq.


Raungwawc loayc hvlc lvy wvnc yix maq, ngaz rueq piq muex koz vlaq htenc tvhungx ruiux mungtan vshiz nuex nyuip tvkhvt shaungx, kvruex mungtan kvyuq miq htenc kuex mungx ruip saz maq ngaz rueq tvtuimx gvl wvnc shaungx maq phaungc vtueq, ralx rvkhvt muex hiyaz juing vguez httax yaq. Piq rueq Israel kanx kuex khvt shuex, kvruex kanx kuex raungwawc loayc hvlc kuiyqshuik kuiyq khvmx baung muex yaungx tuex, yuq muinz majuiuc kuex miq lotlaz kox wawc tvdung shvlx wvnc vtueq suinglix lix kvwungx httax wuez yaq.


“Taungjix Israel Tishox muex tvtsvmc wuez ix! Vpiq miqsaz Israel muex romc kuy httuiuc kaz vtueq tsuingshiq kuex palc tvdung wvnc tueq.


Israel lex, nuimshiq nuex thuinhvlx yaq! Yehowa rueq nuimshiq kuex palc wvnc ningkhvnc nuex nuimshiq kuex vganc phvnx rulc rv-ngvlc muit. Yehowa vpiq rueq nuimshiq kuex tvkhup wungx vtueq, lot laungc wvnc juing kuq yaq nuimshiq kvwungx juing lak nuiyc yaung rvtueq. Nuimshiq ralx htenc kuex menjenc kuy tvkoc thoz ruiux yuq, kvkaq nuimshiq rueq tsuingshiq kuex tvrul nyet nuiuz gay shuinx.


Mvrax shuimx hvt jix waz ukhaq yuq muinz Htaungc rulc seng yaq waz rvtueq, yvmx khoc lac ngoz ruiux lec Htaungc kuex vphaungc vyaungc maq phuex mvrax shuimc jix rvtueq. Kvkhoc rvtueq Htaungc yauk shuimc kuex tvbac gay tvkoc Tishox Saz dung kvkhic kaz tueq.


Síguenos en:

Anuncios


Anuncios


¡Síguenos en WhatsApp! Síguenos