Luke 1:70 - Hawa Naga Bible 2001

⁷⁰ Mvnnuex maq vpiq vsawc shvmmax bix nuix maq bomkhvmc kuq shec tueq rulc rv-ngvlc

ASII LAKDAP Bible (BSI)

⁷⁰ Apaiq raq rathup rapha niiphü dongdii, Asii shammibi lümaq, nashiq ma kiqkham raüpot khakuq wanto.

Muklom

⁷⁰ Ira piq aa asang urangsamal tang tungkang o jakho wangduk rangtum ta,

Luke 1:70 Referencias Cruzadas

RAPHA HIQWA LAK 12:3

Mnoz muex ruimruimc kuy jix waz muex ngaz rueq ruimruimx kuq shaungx, yuq muinz mnoz muex mvnhttonc jix waz muex ngaz rueq mvnhttonx kuq shaungx. Mnoz luz maq miqphvnx lotlaz muex ruimruimx kuq shaungx,” ngoz tueq jungx tueq.

RAPHA HIQWA LAK 3:15

Mnoz nuiyc yalxjuik nyuiuz kuex vshiz maq vshiz rvshuiuc pac wuez tuinx; mphvnx nuiyc yalxjuik nyuiuz kvruex phvnx kuex ralx muex rvyaungc tuinx. Miq rueq mkhux poz kvyuq tvbunx nuiuz gay kv-phux, mnoz rueq muinz piq yaz htuimx nuex kauk shuiux,” ngoz tueq jungx kuq tueq.

RAPHA HIQWA LAK 49:10

Yuda rueq hokhvmx jowvyx kuex shuimx shuex, Piq suiuz vsaz phvnx rueq rullungx wvlex guimz lawc shuex. Miq phvnx ruip rawx rueq piq kox nuex yauk noalc htenc lvmz wvnc vtueq, piq khaungkac nuex nawk vtueq piq yix phvnx wuez shuex.

2 SAMUEL 23:2

Yehowa siyac rueq ngaz maq raz tueq tvjungc phuex; vpiq bomjungc kuex ngvy tvlix nuex httax yaq.

JEREMIA 23:5

Yehowa rueq, “Dawid suiuz vsaz wawc tsuingrux hokhvmx vshiz ngaz rueq thvl taq shaungx vkhing httuiuc wvnc tuex. Kvruex hokhvmx waz rueq taksux maq guimz lawc vtueq wvmungx tuimx kuex tsuingrux nuiyc tvrac vlvmz maq guimz shuex.

JEREMIA 30:10

“Ngvy miqsaz lex, nauk hiz kaz; Israel miqsaz lex, nauk kv-khuirc hiz kaz. Ngaz rueq nuimshiq kuex lvmx luz mungx nuex thuq wvnc rvhumc tuit mungtan kvwawc palc wvnc phaungx. Nuimshiq kuex yuimx nuex yek waung vtueq nomic httax wuez tuinx; nuimshiq kvwungx httax vtueq uraq muinz nuimshiq kuex tvhiz sungx kv-phuinx rvmuq.

Mark 12:36

Dawid muex Vsawc Siyac maq tvjungc tueq kuex: ‘Taungjix rueq ngvy Taungjix muex jungx tueq kuex: mralx htenc kuex m-yaz nuiuz nuex ngaz rueq tvy kuy nuex httuiuc laz ngvy yauk keq kox nuex ngaungc kuiuz,’ ngoz tueq.

Luke 24:44

Kvkaq Yesu rueq tsuingshiq muex, “Moshe Tvrac nuex muinz, shvmmax bix luik htenc nuex muinz, Tvtsvmc luik nuex muinz ngvy lvmz nuex seng vtueq wuiyq shec tueq lotlaz hungx wvnc tuex, ngoz tueq nuimshiq rulc vdvmz httax tauk nuex ngaz rueq nuimshiq muex jungx phaungx,” ngoz tueq jungx tueq.

Acts 28:25

Polu rueq tsuingshiq muex, “Vsawc Siyac rueq shvmmax Esaia nuix maq, nuimshiq jix vwaz muex jungx shec tueq kvjaz kuex vsuing rvtueq, ngoz tueq Polu rueq bomc poshiz jungx tueq rulc rv-ngvlc tsuingshiq vdvmz dvmz thuinz raz muq maq kvtenc waung wvnc tueq!

Romans 1:2

Mvnnuex Tishox rueq vpiq shvmmax bix maq raz tueq Thuix Thaungx Vhvlx kuq shaungx ngoz tueq bomkhvmc taq tueq lvmz Rumvrc Luik htenc nuex wuiyq shec tueq.

Hebrews 3:7

Kvkhoc rvtueq Vsawc Siyac rueq jungx tueq, “Nuimshiq rueq majuiuc raungnuiyq Tishox tvruingc tay ruiux yuq,

1 Peter 1:12

Tsuingshiq rueq kvruex lvmz htenc jungphvnx wvnc tueq kuex tsuingshiq vjux lvp wvnc tvkoc rvmuq, nuimshiq tvkoc rvtueq lvmz Tishox rueq vruex shvmmax bix vmac tvkhic kuq tueq. Nuimshiq kox nuex Thuix Thaungx Vhvlx lvmc lvy jix htenc kuex shvmmax bix rueq tvluz nuex jungphvnx wvnc hez rueq raungmungx wawc vtvkaz Vsawc Siyac hungc vlaungc maq nuimshiq muex tvkhic tvtay kuy ningkhvnc nuex nuimshiq rueq tay wvnc tuit. Kvruex lvmz htenc kuex raungkamx bix rueq doc muinz vtuiuz roc rvtueq.

2 Peter 1:21

Yvmx khoc lac ngoz ruiux lec mruex jix shvmmax rueq vjungx wvnc ngoz ruiux muinz, miqsaz thuinroc maq yaungx dung wvnc tueq rvmuq, Vsawc Siyac rueq honc tvsvmc kuy rvhumc jix rueq dvyx Tishox kox wawc vkaz bomjungc kuex jungphvnx kuq yaq.

2 Peter 3:2

Vsawc shvmmax bix rueq mvnnuex jungphvnx wvnc tueq kvjaz muinz, nuimshiq kamx waz bix maq raz tueq palc daungc Taungjix rueq nvrc tueq kvjaz htenc kvmuinz nuimshiq rueq rvwvlc yek laung nuex ngaz rueq roc vshaungx.

Revelation 19:10

Kvkaq ngaz rueq piq yaz phaungx nuex bumx vtueq nawk palx dvnc tauk, yuq muinz raungkamx waz rueq, “Kvkhoc nauk nawk kaz! Ngaz kuex mnoz nuiyc mphuz mnox hez maq phaungc vtueq, Yesu rueq jungphvnx wvnc tueq tsuingrux lvmx phvnc jix htenc rulc shuimc shiz kayshiz jix nvrc waz dvyx rvtauk. Tishox muex dvyx nawk palx shuiuz!” ngoz phuex. Yvmx khoc lac ngoz ruiux lec Yesu rueq jungphvnx tueq tsuingrux bomjungc maq jix shvmmax bix muex rawshvmx tvwaung kuq yaq.