Luke 1:48 - Hawa Naga Bible 2001

⁴⁸ yvmx khoc lac ngoz ruiux lec vpiq nvrc nyuiuz thuinz tv-nyenc yaq kuex vpiq rueq rvwvl kuq yaq! Majuiuc vmaq phaungc vtueq saz pat suiuz pat miq lotlaz rueq ngaz ngoc thuinhvlx yaq nyuiuz ngoz tueq ngoz wuez shex,

ASII LAKDAP Bible (BSI)

⁴⁸ Apaiq raq ngi akhnok jehin nore mangchan kuqto! Ümchaü miiphat she maiq angu wiita raq, ngi arka kopan jonghea nyung ngutiishe mingu.

Muklom

⁴⁸ Chammatakoi nga itan aming sanga ashey, etharin piq aa nga lakchak moq angta phang! Thanga thaji miqtang aa nga ma sunmaan ta batna.

Luke 1:48 Referencias Cruzadas

RAPHA HIQWA LAK 30:13

Lea rueq, “Ngaz nuex kokez juing httax yaq! Yalxjuik rulx vganc rueq ngaz muex ngoc kokez yaq nyuiuz ngoz tueq ngoz phuex,” ngoz vtueq nox kuex Asher ngoz tueq muingc tueq.

2 SAMUEL 7:8

“Kvkhoc rvtueq Ngaz, Tvphaungc Tvsuip Yehowa rueq piq muex jungx tauk kvjaz, ngvy nvrc waz Dawid muex, ‘Mnoz kuex tvnx vnax nuex khelbuenx remx yaq wawc ngaz rueq mnoz kuex tvdung wvnc ruiux, Israel miqsaz guimz lawc jix muex tvyaungc phaungx.

Tvtsvmc 102:17

Vpiq kuex vpiq rueq vtuip gay miq htenc kvjaz kuex tay vtueq, tsuingshiq vjux thoz bomc kuex tay kuq shuex.

Tvtsvmc 136:23

Naungshiq sumx wvnc tiq nuex naungshiq kuex vpiq rueq lauk gay muq; vpiq lungwawc kuex pattup httax yaq;

Tvtsvmc 138:6

Mnoz kuex johvlc baung nuex httax ruiux muinz, thuinz tvyomx jix htenc muex mnoz rueq lawc mawc wvnc toq, ngamc ngax jix htenc kuex mnoz kox wawc kvhttuiyq kvyenc lvp tuex rvmuq.

Tvtsvmc 72:17

Hokhvmx waz muingc kuex mkaq muinz lauk gay muq mruez shueq; piq muingc dung yaq kuex shalx ikhoc mphaungx ngaungx wvnc kueq. Hokhvmx waz muex Tishox rueq ruimruimx kuq yaq ikhoc miqphvnx lotlaz rueq muinz Tishox rueq tsuingshiq muex ruimruimc kuy tvkoc mthoz wuez shueq.

ISAIA 66:2

Ngvy shauk pumz maq httax mvhttax tvdung sung! Thuinz tvyomx vtueq tharc khic wvnc jix nuiyc ngaz muex hiyaz vtueq ngvy kvjaz phvnc jix kuex ngaz rueq lungwawx shaungx.

MALAKI 3:12

Kvruex yimaq nuimshiq ghaq vraungx kuex vhttaz vngaungc muex vhvlx baung yaungx tuex, kvkhoc ningkhvnc nuex miqphvnx ruip rawx htenc rueq nuimshiq ngoc vshuenc vruenc nuk ngoz tueq ngoz kv-phuinx.

Luke 1:28

Raungkamx waz kuex Mary kox nuex httuiuc kaz vtueq, “Kejux ruimrix mhttax kueq, mnoz thuinhvlx yaq! Taungjix kuex mnoz rulc vroc nuex httax yaq ningkhvnc nuex kejux yunghvlc mnoz muex kuq tueq!” ngoz tueq jungx tueq.

Luke 1:42

yunghvlc maq guyc vtueq, “Yalxjuik lotlaz htauk nuex muinz mnoz thuinhvlx yaq, m-wuk mungx wawc nox kvmuinz thuinhvlx yaq!

Luke 1:45

Kvmluimx jix nyuiuz kuex thuinhvlx yaq, yvmx khoc lac ngoz ruiux lec Taungjix bomjungc kuex piq nuex hungx waung shex!” ngoz tueq.

Luke 1:49

yvmx khoc lac ngoz ruiux lec Hungc Vlaungc vhttax Tishox rueq ngaz muex tvyungx luz shuimx kuq phuex. Vpiq muingc kuex vsawc rvtueq;

Luke 11:27

Yesu rueq kvruex kvjaz htenc kuex jungc lot yix, nuk miqsaz phungc mungx wawc yalxjuik nyuiuz shiz rueq kvjaz tvyungc vtueq, “Mnoz kuex jawx vtueq puix tvnuingc jix nyuiuz kuex mtanc thuinhvlc wuez!” ngoz tueq vpiq muex jungx tueq.

1 SAMUEL 1:11

Hanna rueq kvtuemc bomkhvmc kuex vkhoc taq tueq: “Tvphaungc Tvsuip Yehowa lex, mnvrc nyuiuz ngaz vruex lawc koq! Ngaz kuilc daz jamjaux vtaungx vruex khiz kuq vtueq ngaz kuex tvmaung rvwvl koq! Ngaz nauk lauk gay vkueq! Mnoz rueq ngaz muex miqwaz saz vshiz kuq ruiux yuq, piq khux mul kuex mkaq muinz sulx mauk maq piq rullungx wvlex mnoz muex lekuq phaungx, ngoz tueq ngaz rueq khvmc kuq vphaungx.”

1 SAMUEL 2:8

Vpiq rueq htemc saz jix kuex bokkhuyx wawc muinz kvpuinc kvtvnc jix kuex tsuingshiq thuinz kuilc daz yaq mungx wawc tenz wvnc yaq. Vpiq rueq kvruex hez kuex hokhvmx sahez kungjix muex tvyaungc vtueq, tvtsanc nganc juing baung nuex taq tueq. Yehowa rueq ghaq vjungx vbaung kuex guimz yaq; kvruex htauk kvyuq mungkawx kuex guirx tueq.