Luke 1:49 - Hawa Naga Bible 2001

⁴⁹ yvmx khoc lac ngoz ruiux lec Hungc Vlaungc vhttax Tishox rueq ngaz muex tvyungx luz shuimx kuq phuex. Vpiq muingc kuex vsawc rvtueq;

ASII LAKDAP Bible (BSI)

⁴⁹ Ajong Shiikeawe raq, ngi ma jaqsham jonghea shamkuqto. Apaiq mang ka Asii.

Muklom

⁴⁹ Tarong Shkewa nga ma tinshit eq ajong jaksomlot somta, Ethirangma umiing sha asang;

Luke 1:49 Referencias Cruzadas

RAPHA HIQWA LAK 17:1

Abram kuex rullungx wawc 99 nuex Yehowa kuex piq muex kvkhic vtueq, “Ngaz kuex Tvphaungc Tvsuip Tishox rvtauk. Ngvy kvjaz kuex phvnx vtueq vlvmx yauk shuimc kuex mkaq muinz shuimx shuiuz.

Tvtsvmc 111:9

Vpiq miqsaz htenc kuex vpiq rueq tvdung wvnc ruiux, pattup pat-sac nuex seng yaq bomkhvrc kuex tsuingshiq rulc vpiq rueq tvhungx tueq. Vpiq kuex vsawc nuiyc hungc vlaungc httax yaq waz rvtueq!

Tvtsvmc 24:8

Yunghvlc hokhvmx waz kuex ukhaq lac? piq kuex hungc vlaungc nuiyc hungc yungx laungc saz httax yaq waz ralx lungc nuex taungx lot jix waz Yehowa rvtueq.

Tvtsvmc 99:3

Miq ruip rawx rueq vpiq yungx luz vtueq ngauz vngax mvrc yaq muingc jungc kuex tvtsvmc wuez shuex. Vpiq kuex Vsawc rvtueq!

Tvtsvmc 99:9

Yehowa naungshiq Tishox muex tvtsvmc wuez shuinz, vpiq vsawc ghaqluimx nuex nawk palx wuez shuinz! Yehowa naungshiq Tishox kuex vsawc rvtueq.

DUNGWVNC 15:11

“Yehowa lex, mnoz kvkhoc tishox htenc kuex ukhaq lac? Sawc hvlc vwangc juing mnoz kvkhoc ukhaq lac httax yaq nguinx? Mnoz rueq ikhoc vwangc juing nuiyc vkawc yawc juing yauk shuimc kuex uraq lac shuimx lot shuinx?

ISAIA 1:24

Kvkhoc rvtueq majuiuc kuex, Tvphaungc Tvsuip Yehowa Israel luimc vkawc mvrc yaq Tishox rueq jungx yaq kuex tay shuinz: “Ngaz ralx hez lex, ngaz rueq nuimshiq muex murx tvyez shaungx, nuimshiq rueq ngaz muex kuilc daz raungluingx saz muinz tvyaungc kuq phuinx rvmuq.

ISAIA 57:15

“Ngaz kuex pattup pat-sac httax vtueq, johvlc vsawc Tishox rvtauk. Ngaz kuex johvlc vsawc baung nuex httax vtaungx, yuq muinz ngaz kuex thuinz tvyomx jix nuiyc tharc humc jix rulc vdvmz httax vtueq, tsuingshiq thuinz maq kvmx yaq nuiyc tvluimc yaq kuex ngaz rueq tvhungx htaungx kuq shaungx.

ISAIA 6:3

Tsuinghez vshiz maq vshiz rueq ngoz yaq kuex: “Vsawc, vsawc, vsawc! Tvphaungc Tvsuip Yehowa kuex vsawc! Vpiq ngauz vngax kuex mungkawx nuex mvrc yaq.”

ISAIA 63:1

“Edom mungx Bozara ghaqyungx maq kaz yaq vruex waz kuex ukhaq lac? Svp hvlc khvy shawx kuex svmx vtueq, hungc vlaungc luimc vkawc vhttax maq kaz yaq kuex ukhaq lac?” Kvruex waz kuex palc daungc wvnc luimc vkawc nuiyc vpiq rueq taungx wvnc tueq kuex tvtay jungc tvkoc httuiuc kaz yaq Yehowa rvtueq.

JEREMIA 10:6

Yehowa lex, mnoz rulc rv-ngvlc jix washiz muinz vguez; mnoz kuex tvphaungc tvsuip waz rvtoq, mmuingc kuex yunghvlc nuiyc luimc vkawc yunghvlc httax yaq.

JEREMIA 20:11

Yuq muinz Yehowa lex, mnoz kuex hungc vlaungc nuiyc lotlaungc httax yaq ningkhvnc nuex ngaz kox nuex httax vtuiux, ngvy guirguenc jix hez kuex sumx wuez tuex. Tsuingshiq rueq taungx muq rvtueq, pattup yvlc svy rvhumc wuez tuex. Tsuingshiq yvlc svy kuex mkaq muinz lauk gay shuex rvmuq.

Mark 5:13

Kvkaq vpiq rueq tsuingshiq kuex tvkaz tueq, vshuy htaungc htenc kuex dung wvnc vtueq wauk gvnz nuex kvsvmx wvnc wuez tueq, wauk lotlaz kuex 2,000 tanc yuix jumx nuex rauk khux maq dawk wvnc vtueq htuip wvnc wuez tueq.

Luke 1:48

yvmx khoc lac ngoz ruiux lec vpiq nvrc nyuiuz thuinz tv-nyenc yaq kuex vpiq rueq rvwvl kuq yaq! Majuiuc vmaq phaungc vtueq saz pat suiuz pat miq lotlaz rueq ngaz ngoc thuinhvlx yaq nyuiuz ngoz tueq ngoz wuez shex,

Luke 1:50

vpiq muex tvtsanc nganc jix htenc htauk nuex patshiz maq patshiz nuex httuiuc laz menjenc thuinz tvkhic yaq.

Ephesians 3:20

Naungshiq thuinz vmungx kuex vpiq luimc vkawc maq yauk shuimx yaq, naungshiq rueq tuiuz vshiz, rvmuq ngoz ruiux thuinz kvmungx nuex doc muinz jvnc vtueq tvlvy laz shuimx tvyaungc kuq lot yaq,

Revelation 15:4

Taungjix lex, mnoz muex hiyaz tvtsanc nganc muq maq ukhaq lac httax lot yaq nguinx? Mnoz yungx luz yaq lvmx kuex kvjungc muq jix ukhaq lac httax yaq nguinx? Mnoz washiz dvyx vsawc rvtoq. Miq phvnx ruip rawx kaz vtueq mnoz muex nawk palx kv-phux, yvmx khoc lac ngoz ruiux lec mnoz rueq shuimx vshuiux yauk shuimc kuex tvrac vlvmz rvtueq lvmx lotlaz rueq khiz yaq,” ngoz tueq jungx tueq.

Revelation 4:8

Kvruex ngvmx saz bvlic vtaungx nuex vraungx tvruk phok httax yaq, tsuingshiq shauk gvnz vmungx vtsec lotlaz nuex vmuik poz mvrc yaq. Tsuingshiq kuex raungnuiyq raungwvrx thauk muq maq: “Mvnnuex pat, majuiuc pat, yix maq pat httuiuc wvnc yaq nuex httax ruq httax yaq, Tvphaungc Tvsuip Taungjix Tishox kuex vsawc, vsawc, vsawc rvtueq,” ngoz tueq jungx yaq.

1 SAMUEL 2:2

Ukhaq muinz Yehowa ikhoc vsawc jix vguez; vpiq ikhoc ukhaq muinz httax muq, nuiyshiq Tishox rueq ikhoc tvkhup wungx kuy jix ukhaq muinz vguez.