Biblia Todo Logo
La Biblia Online
- Anuncios -




Luke 1:33 - Hawa Naga Bible 2001

33 Vpiq rueq Yaku suiuz vsaz htenc htauk nuex pattup guimz lawc shuex; vpiq mungtan kuex mkaq muinz htumx wvnc tuex rvmuq!” ngoz tueq.

Ver Capítulo Copiar

ASII LAKDAP Bible (BSI)

33 Kiimaq apaiq ka, ati tipai Jakob saüsetiim thaq na, pattup pat-sa hokham we miishe mija wan. Apaiq hokham jaqsham kriika, ümtiikiimin thumki mak phan she miraq!” nguta rase raq apaiq ma chongkuqto.

Ver Capítulo Copiar

Muklom

33 Etho piq sha salwet ma Jacob tang phi aa lí lungwang ta thamiing eq tong na, piq rangmungtan sha baluk otho thun moq angna!”

Ver Capítulo Copiar




Luke 1:33
28 Referencias Cruzadas  

Piq rueq jix ngvy tvkoc shomc yuimx kuex guirx shuex, ngaz rueq mnoz hokhvmx daungraungc kuex tvhttoarc vtueq tv-phaungx ngaungx shaungx.


Msuiuz msaz hez kuex mkaq muinz httax wvnc vtueq, mmungtan kuex ngaz rueq tvsuip nuex httuiuc laz pattup tv-phaungx ngaungx shaungx. Mnoz hokhvmx daungraungc kuex mkaq muinz htumx kaz tuex rvmuq,’ ” ngoz tueq jungx tueq.


Tishox rueq mnoz muex kuq kv-phux mungtan kuex pattup pat-sac phaungx ngaungx tuex. Mnoz rueq mmiqsaz htenc kuex tvrac vlvmz maq guimz lawc shuiux rvtueq;


‘Msuiuz msaz kuex mkaq muinz hokhvmx muex tvyaungc vtueq; mnoz hokhvmx phvnx vmaq kuex pattup tv-phaungx ngaungx shaungx,’” ngoz tueq ngoz jungx tueq.


Kvruex yimaq Dawid suiuz vsaz washiz kuex hokhvmx yaungx tuex, piq rueq mungx miqsaz kuex tvmtuing nuiyc lungwawc thuinz maq guimz lawc shuex. Piq kuex vlvmz yauk shuimc tvkoc lvwvnz tuex, tvrac vlvmz yauk shuimc httax tuex kuex piq rueq khiz shuex.)


Vpiq honoc luimc vkawc kuex tvhttoarc vtueq yungx luz wvnc tuex; Vpiq mungtan kuex mkaq muinz nomic rvtuex. Vpiq kuex Hokhvmx Dawid hoc nuex duiz vtueq guimz lawc shuex, vpiq luimc vkawc kuex tsuingrux nuiyc tvrac vlvmz nuex vruingx waungc vtueq majuiuc vmaq raz tueq tvsuip nuex httuiuc laz phaungx ngaungx wvnc tuex. Tvphaungc Tvsuip Yehowa rueq vruex lotlaz yaungc wvnc tvkoc vhtvp htaz wuez shex rvtueq.


Yehowa rueq, “Dawid suiuz vsaz wawc tsuingrux hokhvmx vshiz ngaz rueq thvl taq shaungx vkhing httuiuc wvnc tuex. Kvruex hokhvmx waz rueq taksux maq guimz lawc vtueq wvmungx tuimx kuex tsuingrux nuiyc tvrac vlvmz maq guimz shuex.


Kvruex mungx walaungx bix rueq guimz yaq nuex raungmungx Tishox rueq mkaq muinz vhtumx kay ngoz tueq vguez mungtan vshiz tec taq shuex. Kvruex kuex mkaq muinz taungx shuex rvmuq, yuq muinz honoc mungtan htenc tvsawc ric tvbac gay shuex yix maq jix pattup phaungx ngaungx wvnc tuex.


Hokhvmx waz rueq jungx tueq, “Wawc mvshix yix maq ngaz rueq raungx nuex kac lawc koq tueq, miqsaz thuinz vtharc kvyez yek tauk. Ngaz rueq Johvlc Tishox muex tvtsvmc kvmc ruiux pattup httax yaq waz kuex tvtsanc nganc vtueq ngauz ngax kuex tvtsvmc tauk. “Vpiq rueq pattup guimz lawc shuex, vpiq mungtan kuex patshiz maq patshiz phaungx ngaungx wvnc tuex.


Ngvy mungtan nuex httax yaq miq tek rueq Daniel Tishox muex hiyaz vtueq tvtsanc nganc aungx yaq ngoz tueq nvr vphaungx. “Vpiq kuex vtvraungx Tishox, vpiq rueq pattup pat-sac guimz lawc shuex. Vpiq mungtan kuex mkaq muinz bac kaz tuex rvmuq, vpiq luimc vkawc kuex mkaq muinz htumx kaz tuex rvmuq.


Johvlc Tishox miqsaz htenc kuex hokhvmx luimc vkawc lvp wvnc vtueq, kvruex kuex pattup lvp wvnc shuex,” ngoz tueq jungx tueq.


Ghaq htauk wawc mungtan lotlaz luimc vkawc nuiyc yungx luz yaq htenc kuex Johvlc Tishox miqsaz htenc muex kuq gay shuex. Tsuingshiq hokhvmx luimc vkawc kuex mkaq muinz htumx wvnc tuex rvmuq, ghaq htauk wawc guimz lawc jix vyungx vlaungx bix lotlaz rueq muinz vpiq muex shuimx kuq ruiux vpiq kvjaz kuex phvnx wuez shuex,” ngoz tueq jungx tueq.


Yerusalem wawc lotlaungc taungx wvnc jix hez rueq Edom kuex khvt ruiux kvruex mungx kuex guimz wuez shuex. Kvmaq Yehowa vpiq pumz shauk kuex Hokhvmx yaungx tuex.”


Tsuingshiq kuex yaz kuix kaz vtueq yuimx maq vluz nuex httuiuc kaz wuez tueq, yuq muinz ngaz rueq kvjungx yaq jix htenc kuex vnyalx tvjvp guirx yek vtueq, tsuingshiq kuex miqphvnx yunghvlc yaungx wvnc tuex. Ngaz rueq tsuingshiq kuex Zion Kanx htauk nuex kvruex vkhing maq phaungc vtueq pattup guimz lawc shaungx,” ngoz tueq jungx tueq.


Abraham nuiyc Dawid suiuz vsaz phvnx Yesu Christu vpiq waruiuz lvmx phvnc kuex vkhoc rvtueq.


Yesu kuex tsuinghez hep nuex kaz vtueq, “Raungmungx nuex muinz ghaq htauk nuex muinz vrangx vpangx lotlaz kuex ngaz muex lekuq phuex.


Mary rueq, “Ngaz kuex yalxtux shauk dvyx. Kvkhoc kuex yvmx khoc maq lac yaungx lot tvnx?” ngoz tueq raungkamx waz muex jungx tueq.


Tishox bomkhvmc kuex hungx kaz shex ngoz tueq ngaz rueq ngoz mauk; yvmx khoc lac ngoz ruiux lec Israel miqsaz lotlaz kuex Tishox miqsaz htenc rvmuq.


Nuimshiq kuex Christu muex seng yaq jix htenc rvtuit ngoz ruiux yuq, nuimshiq kuex Abraham suiuz vsaz htenc rvtuit nuiyc bomkhvmc httax yaq rulc rv-ngvlc Tishox kox wawc ruimrix kejux lvp wvnc jix htenc rvtuit.


Vkhoc honc vyaungc phvnc tvrac kuex miqmac rullungx lvmx nuex phvnc jix lotlaz htauk nuex nuiyc Tishox miqsaz htauk nuex nomic nuiyc menjenc kuex mhttax wvnc kueq!


Vhttoar gvnc vhtungx rvkhauk laz phvnc jix kuex tsuingshiq rvmuq, nuiyshiq juex rvtiq nguinx, yvmx khoc lac ngoz ruiux lec nuiyshiq kuex Tishox muex vpiq Siyac maq nawk palx kuq ruiux, Christu Yesu rulc vshiz dvyx yaungx vtueq rullungx tvraungx lvmx nuex kokez jix htenc rvtueq. Nuiyshiq rueq vtsec kox shvmx vrvmx muex tvluimc miq.


Vsaz lvmz jungx tueq nuex, Tishox rueq, “O Tishox lex, mmungtan kuex pattup pat-sac phaungx ngaungx wvnc tuex! Mnoz rueq mmiqsaz htenc kuex tvrac vlvmz maq guimz lawc vshuiux.


Kvruex yimaq mvshix ngoc yaungc raungkamx waz rueq piq bolic kuex tuimz tueq, kvkaq raungmungx wawc tvruingc yunghvlc guyc dung wvnc tueq kuex, “Mungkawx guimz juing luimc vkawc kuex naungshiq Taungjix Mesia yauk nuex httuiuc kaz tueq, vpiq rueq pattup pat-sac guimz wvnc shuex,” ngoz tueq jungx yaq.


Síguenos en:

Anuncios


Anuncios


¡Síguenos en WhatsApp! Síguenos