Luke 1:32 - Hawa Naga Bible 2001

³² Kvruex Nox kuex yungx luz wvnc vtueq, Johvlc Pinhtumc Tishox Saz ngoz tueq muingc shuex. Taungjix Tishox rueq vpiq jix vwaz Dawid hoc kuex vpiq muex kuq shuex.

ASII LAKDAP Bible (BSI)

³² Apaiq ka ajong pinthum miraq. Kiimaq Ajong Shiikeawe Se nguta mingu. Tati Shiikeawe raq apaiq ka, ati Dawit Hokham kiikha hokham ma mishong.

Muklom

³² Piq sha ajong angna etho piq sha Ajong Shkewa ma Miqwasa ta halna. Teyhungwa Shkewa piq sha ning tey aa wa lungwang David lungwang tongching kona.

Luke 1:32 Referencias Cruzadas

2 SAMUEL 7:16

Msuiuz msaz hez kuex mkaq muinz httax wvnc vtueq, mmungtan kuex ngaz rueq tvsuip nuex httuiuc laz pattup tv-phaungx ngaungx shaungx. Mnoz hokhvmx daungraungc kuex mkaq muinz htumx kaz tuex rvmuq,’ ” ngoz tueq jungx tueq.

Tvtsvmc 132:11

Yehowa rueq, “Ngaz rueq msaz hez wawc washiz kuex hokhvmx muex tvyaungc shaungx, piq kuex mnoz kvhttungx nuex guimz lawc shuex. Mkhoc shoc maq msaz hez rueq ngvy bomkhvmc nuiyc tsuingshiq muex ngaz rueq kuq tauk nvrc bomc htenc kuex phvnx ruiux yuq tsuingshiq sahez htenc muex muinz mnoz hokhvmx yauk shuimc nuex pattup hokhvmx yaungx lvp tuex,” ngoz tueq Dawid muex mnoz rueq tuemc khvmc kuq toq kuex mnoz rueq tvyez wvnc yek shuiux rvmuq.

ISAIA 16:5

Kvruex yimaq Dawid suiuz vsaz washiz kuex hokhvmx yaungx tuex, piq rueq mungx miqsaz kuex tvmtuing nuiyc lungwawc thuinz maq guimz lawc shuex. Piq kuex vlvmz yauk shuimc tvkoc lvwvnz tuex, tvrac vlvmz yauk shuimc httax tuex kuex piq rueq khiz shuex.)

JEREMIA 17:25

Kvruex yimaq Dawid rueq lvp tueq hokhvmx luimc vkawc rulc rv-ngvlc tsuingshiq hokhvmx bix nuiyc honoc bix kuex Yerusalem palx kaluix maq nyuip lvp tuex. Yuda miqsaz nuiyc Yerusalem miqsaz kuex vdvmz nuex mvre renc nuiyc mvre htenc htauk nuex ngaungc lvp tuex; Yerusalem ghaqyungx nuex mkaq muinz miq kuex tup rvtuex.

DANIEL 2:44

Kvruex mungx walaungx bix rueq guimz yaq nuex raungmungx Tishox rueq mkaq muinz vhtumx kay ngoz tueq vguez mungtan vshiz tec taq shuex. Kvruex kuex mkaq muinz taungx shuex rvmuq, yuq muinz honoc mungtan htenc tvsawc ric tvbac gay shuex yix maq jix pattup phaungx ngaungx wvnc tuex.

Matthew 1:1

Abraham nuiyc Dawid suiuz vsaz phvnx Yesu Christu vpiq waruiuz lvmx phvnc kuex vkhoc rvtueq.

Matthew 12:42

Hokhvmx nyuiuz Sheba kuex taksux tharc httax yaq Hokhvmx Solomon kvjaz tay roc vtueq lvmx luz ghaqyaz kox mungx maq httuiuc kaz tueq. Kvkhoc rvtueq Muingphox shuex Raungnuiyq piq kvtenc jvp vtueq nuimshiq muex mvrax tvgurc shuex; ngaz rueq nuimshiq muex jungx ix, vyuq Solomon htauk nuex vyungx httax yaq!

Matthew 28:18

Yesu kuex tsuinghez hep nuex kaz vtueq, “Raungmungx nuex muinz ghaq htauk nuex muinz vrangx vpangx lotlaz kuex ngaz muex lekuq phuex.

Matthew 3:11

Nuimshiq thuinz layc wvnc tuit lvmz kuex tvkhic tvkoc ngaz rueq nuimshiq muex yuix maq yuix luip kuq vphaungx, yuq muinz ngvy yix nuex kaz yaq waz rueq kuex Vsawc Siyac nuiyc wvr maq yuix luip kuq kv-phuinx. Vpiq kuex ngvy htauk nuex vyungx vluz rvtueq vpiq yapaungc shuimc kuy doc muinz hungx mauk rvtauk.

Mark 14:61

Yuq muinz Yesu kuex kuiyqshuik dvyx httax vtueq bomc poshiz muinz tvralc muq. Kvkaq Shomc Wayungx waz rueq vpiq muex wiz yek tueq, “Mnoz kuex Thuinhvlc httax yaq Tishox Saz, Mesia haz rvtonx?” ngoz tueq wiz tueq.

Mark 5:7

“Johvlc Pinhtumc Tishox Saz Yesu lex! Mnoz rueq ngaz yvmx khoc ruec lac dvnc vphux? Mnoz rueq ngaz kuex nauk guirx guenz vkueq, Tishox ningkhvnc maq mnoz muex ngaz rueq kvmenc jenc thoz vphaungx!” ngoz tueq yunghvlc maq ramc tueq.

Luke 1:15

Yvmx khoc lac ngoz ruiux lec piq kuex Taungjix htumc nuex yungx luz wvnc tuex. Piq rueq svpiq tix nuiyc vjuk vbawx juing phvnx muinz nuingx muq. Piq kuex jawx tueq rulc rv-ngvlc Vsawc Siyac mvrc yaq miq rvtueq.

Luke 1:35

Raungkamx waz rueq tvralc tueq, “Vsawc Siyac kuex mhtauk nuex httuiuc kaz vtueq Tishox luimc vkawc rueq mnoz kuex puingc wuingc kv-phux, kvkhoc rvtueq vsawc nox kuex Tishox Saz ngoz tueq gvlc rvhumc tuex.

Luke 1:76

Isaz lex, mnoz kuex Johvlc Pinhtumc Tishox waz shvmmax ngoz tueq ngoz kv-phux. Vpiq lvmx tvyoalc kuy tvkoc, vpiq max nuex kaz wvnc tuiux rvtueq,

Luke 3:16

Kvkhoc rvtueq Yohan rueq tsuingshiq lotlaz muex jungx kuq tueq, “Ngaz kuex yuix maq yuix luip kuy jix dvyx rvtauk, yuq muinz ngvy htauk nuex hungc vlaungc httaz hvlc waz kuex ngvy yix nuex httuiuc wvnc yaq. Ngaz kuex vpiq yapaungc ruiuz dawc kuy doc muinz hungx mauk. Vpiq rueq Vsawc Siyac nuex muinz, wvr nuex muinz nuimshiq muex luip kuq kv-phuinx.

Luke 6:35

Kvkhoc rvtueq nuimshiq ralx waz kvmac lungwawx kuq shuinz, tsuingshiq muex vhvlx phvnx yauk shuimc shuimx kuq shuinz; phvnx shishiz tvyez lvp yek tvkoc nauk tvmaung kaz maq tvnvmc kuq shuinz; kvkhoc shuimx kaz ruiux yuq kuex nuimshiq rueq yauk noalc yunghvlc lvp vtueq, Johvlc Pinhtumc wawc Tishox vpiq sahez muex yaungx wuez tuinx. Yvmx khoc lac ngoz ruiux lec vpiq kejux tuiuz muq jix nuiyc layx bac jix muex muinz kejux yauk shuimc shuimx kuq yaq.

John 12:34

Kvkaq nuk miqsaz htenc rueq, “Mesia kuex pattup rullungx tvraungx httax tuex, ngoz tueq naungshiq Tvrac luik nuex jungx shec tueq. Kvkhoc rvyruiux mnoz rueq, Mesia kuex vtsomz gay rvhumc tuex, ngoz tueq yvmx khoc lac ngoz vshuiux? Miq Saz ngoz shuiux waz kuex ukhaq lac rvtvnx?” ngoz tueq tvralc wuez tueq.

John 6:69

Mnoz kuex Tishox kox maq vhttuiuc kaz Vsawc Washiz rvtoq kuex nuiyshiq kvmluimx wvnc vtueq tuiuz wvnc tiq shex,” ngoz tueq.

Acts 16:17

Kvruex nvrc nyuiuz kuex Polu nuiyhez yix nuex phvnx vtueq, “Miq vruex hez kuex Johvlc Pinhtumc Tishox nvrc waz hez rvtueq, nuimshiq rueq yvmx khoc laz palc daungc wvnc rvhumc lvmx jungphvnc kuy jix hez rvtueq!” ngoz tueq ramc tueq.

Acts 2:30

Piq kuex shvmmax washiz rvtueq, piq suiuz vsaz phvnx wawc washiz kuex hokhvmx muex tvyaungc shuex ngoz tueq, Tishox rueq piq muex bomkhvmc kuq shec tueq lvmz piq rueq tuiuz yaq.

Acts 2:36

“Kvkhoc rvtueq Israel miqsaz lotlaz muex Mesia muinz rvtueq, Taungjix muinz rvtueq Tishox rueq vthvl shec waz kuex nuimshiq rueq yauk juinc bulx nuex but thvt gay tuit waz Yesu kvruex rvtueq lvmx rvkhauk laz tuiuz wvnc wuez shuinx!” ngoz tueq jungx tueq.

Acts 7:48

“Yuq muinz Johvlc Pinhtumc Tishox kuex miqsaz yauk maq vguirx yuimx nuex httax muq, ngoz tueq shvmmax bix rueq jungx tueq kuex:

Romans 1:4

Tishox kuiux waungc maq kuex Tishox Saz rvtueq lvmx tvkhic kuy tvkoc Tishox luimc vkawc yunghvlc maq vpiq kuex vthueyc wawc tvyuing tvtenc wvnc tueq.

Revelation 3:7

“Philadelphia phungc wawc kamx waz muex vkhoc wuiyq shuiuz: “Vruex kuex vsawc nuiyc tsuingrux waz kox wawc rvtueq. Vpiq rueq Dawid hokhvmx waz kaluix saqpix kuex shuimx yaq, kvruex kaluix kuex vpiq rueq daz gay koq tueq uraq muinz shauk lot muq, vshuiuz rvgay ruiux yuq uraq muinz daz lot muq.