JOSHUA 8:33 - Hawa Naga Bible 2001

³³ Israel mungx miqsaz htenc rulc vdvmz walaungx bix, vyungx vlaungx bix, phoc waz bix nuiyc tsuingshiq rulc httaz jix pungnuk miqsaz htenc, Yehowa Bomkhvrc Jep pix yaq Lewi shomc waz bix rulc vkeq vphvrx nuex rv-phvlc vtueq jvp wuez tueq. Miq kholak rueq Gerizim Kanx kox nuex yix tvnungx ruiux, miq kholak rueq Ebal Kanx muex yix tvnungx shung vtueq jvp wuez yaq. Tsuingshiq rueq ruimrix kejux httuiuc tvkoc kvkhoc shuimc kay rax ngoz tueq, Yehowa nvrc waz Moshe rueq jungx shec tueq.

ASII LAKDAP Bible (BSI)

³³ Israilnok ka tsangshiq sheati tuwebi, siihiipbi, kiimaq phowebi, kiimaq tsangshiq rai siti pongmungti, thun ka Tongshong Tek siimhapri na len nai na chapto. Tsangshiq ka kra piti lewinok ramwebi ka tsangshiq khaki nü na tiihong raüta chapto. Nokwe khoko kong riika, Gerijim Pum ka tsangshiq jai nü na tiinyi raüta chapto. Kiimaq khoko kongshiti riika, Ebal Pum ka tsangshiq jai nü na tiinyi raüta chapto. Arka, Tatiwe jaqshise Mosheq raq, tsangshiq ma, achu shiiman lap akhing na, akha klo chang nguta aming kuqthütaq kra phan phan klotlo.

JOSHUA 8:33 Referencias Cruzadas

DUNGWVNC 12:49

Israel miqsaz htenc nuiyc nuimshiq rulc vdvmz httaz naungc jix pungnuk miq htenc rueq muinz tvrac vruex dvyx phvnc wuez rax,” ngoz tueq jungx tueq.

LEWI 24:22

Israel miqsaz nuiyc nuimshiq rulc httaz naungc jix pungnuk miqsaz rueq tvrac vruex phvnx wuez shuinz, yvmx khoc lac ngoz ruiux lec Ngaz kuex Yehowa nuimshiq Tishox rvtauk,” ngoz tueq nvr tueq.

WEAWEA 15:15

Nuimshiq muinz nuimshiq rulc httaz naungc jix pungnuk miqsaz rueq muinz tvrac vruex kuex pat vjat phvnc rax. Nuimshiq nuiyc tsuingshiq kuex Yehowa htumc nuex vshiz dvyx yaungx vtuinx ningkhvnc nuex,

WEAWEA 15:16

nuimshiq nuiyc tsuingshiq tvkoc tvrac muinz vshiz dvyx yaungc rax.

WEAWEA 15:29

Tvrac vruex kuex tvmaung raung muq maq yaq gay jix Israel miqsaz rueq rvmuq ngoz ruiux kvruex mungx nuex httax naungx jix pungnuk miqsaz rueq mvrax kvdawc tvkoc phvnc juing tvrac rvtueq.

John 4:20

Nuiyshiq Samaria jix vwaz tamx rueq vruex kanx vyuq Tishox muex nawk palx wuez tueq, yuq muinz nuimshiq Yuda phvnx rueq kuex Yerusalem maq dvyx Tishox muex nawk palx kuy rax ngoz vshuinx,” ngoz tueq.

TRI CHONGKE 11:29

Nuimshiq rueq lvp wvnc shuinx mungx kvyuq Yehowa rueq nuimshiq kuex shvlx wvnc shuex nuex, nuimshiq rueq ruimrix kejux kuex Gerizim Kanx maq, mvnhttonc kuy lvmz kuex Ebal Kanx maq tvtay wuez shuinx.

TRI CHONGKE 31:12

Miqwaz, yalxjuik, nosaz rulx nuiyc nuimshiq ghaq htenc nuex httax naungx yaq pungnuk miqsaz lotlaz tvtuimx gvl vtueq, tvrac vruex miq ruip rawx rueq tay laz juing, Yehowa nuimshiq Tishox muex tvtsanc nganc ruiux vpiq rueq tvluing yaq htenc kuex tvmtuing maq phvnx wuez shuinz.

TRI CHONGKE 31:25

Kvruex yimaq Yehowa Bomkhvrc Jep kuex httuiyq httvmx jix Lewi shomc waz bix muex ngoc,

TRI CHONGKE 31:9

Kvkhoc rvtueq Moshe rueq Tishox Tvrac kuex wuiyq vtueq, Yehowa Bomkhvrc Jep tvy jix Lewi shomc waz bix nuiyc Israel miqsaz walaungx bix htenc muex kuq tueq.

JOSHUA 23:2

kvkhoc rvtueq piq rueq Israel miqsaz lotlaz wawc walaungx bix, vyungx vlaungx bix, phoc waz bix nuiyc mungx miqsaz phukhux walaungx bix kuex gvl vtueq, “Majuiuc ngaz kuex nyuiuz waz hvlc shex.

JOSHUA 24:1

Yoshua rueq Israel phvnx lotlaz kuex Shekhem nuex tvtuimx tueq. Piq rueq walaungx bix, vyungx vlaungx bix, phoc waz bix nuiyc Israel miqsaz phukhux walaungx bix kuex gvl koq tueq, Tishox httax yaq nuex tsuingshiq kaz wuez tueq.

JOSHUA 3:14

Kvtanc jauz kuex tsvmz yut yac, yuix puingc jauz muinz rvtueq. Miq htenc kuex Yodan ruilx rvp wvnc tvkoc jerak maq kaz wvnc tueq nuex shomc waz bix rueq Bomkhvrc Jep kuex pix vtueq max nuex kaz wvnc tueq. Shomc waz bix rueq yuix kuex nuiuz tueq rulc rv-ngvlc,

JOSHUA 3:3

miq htenc kvmac ngoc, “Yehowa nuimshiq Tishox Bomkhvrc Jep pic jix shomc waz bix kuex nuimshiq rueq khiz ruiux yuq, kemz kvmaq dung kaz vtueq tsuinghez yix kvyuq phvnc lvy naungc rax.

JOSHUA 3:6

Kvruex yimaq piq rueq shomc waz bix muex ngoc Bomkhvrc Jep kuex pix vtueq, miq phungc kvruex max kac nuex kay muex nvr tueq rulc rv-ngvlc tsuingshiq kaz tueq.

JOSHUA 4:10

Miq htenc rueq shuimc kay tvkoc Yehowa rueq Yoshua muex nvr tueq shuimc vkay htenc lot nuex httuiuc laz, Yodan ruilx vmungx baung nuex shomc waz bix kuex jvp wuez tueq. Vruex kuex Moshe rueq vnvr shec lvmz rvtueq. Miq htenc rueq yuix ruilx kuex htat htat yanz wvnc wuez tueq.

JOSHUA 4:18

Shomc waz bix kuex taungkawx nuex duiz waung tueq rulc rv-ngvlc yuix kaz yek vtueq yuix phawx htenc kuex luimz wvnc yek tueq.

JOSHUA 6:6

Yoshua rueq shomc waz hez kuex gvl vtueq tsuinghez muex ngoc, “Bomkhvrc Jep kuex pix shuinz, nuimhez wawc miq waz mvshix rueq bolic kuex shuimx vtueq max nuex kaz kuinz,” ngoz tueq.