JOSHUA 8:31 - Hawa Naga Bible 2001

³¹ Yehowa nvrc waz Moshe rueq Israel miqsaz muex kuq tueq Tvrac nuex, “Yanx maq sawk muq guirx muq lung maq vtvhungx shomrawx ruec rax,” ngoz tueq jungx shec tueq rulc rv-ngvlc piq rueq tvhungx tueq. Tsuinghez rueq Yehowa tvkoc wvr maq jauk shomc nawk kuy juing nuiyc lux rvyaungc shomc kuy juing maq shomc kuq tueq.

ASII LAKDAP Bible (BSI)

³¹ Apaiq raq kra berong-wacha ka Tatiwe jaqshise, Mosheq raq Israilnok ma, jamkha haichang ngutiiwa aming kuqtaq, kra phanphan tiihaito. Mosheq raq akuq Thungtri na akha chongtlo: “berong-wacha ka ja ajin maq soqhü longkaü maq haichang.” Kra berong-wacha na tsangshiq raq Tatiwe ma wa na chaq chang honglu thun nai rintii honglu thun min kuqto.

JOSHUA 8:31 Referencias Cruzadas

2 HOKHVMX 14:6

Yvmx dvyx ruezruez, piq rueq kvruex suiuz vsaz hez kuex thvt gay muq, “Vnyuiuz vwaz kuex vsaz hez yaq tueq mvrax ningkhvnc nuex thvy gay mvy muq, vsaz hez muinz vnyuiuz vwaz yaq tueq mvrax ningkhvnc nuex thvy gay mvy muq; miq vshiz shiz kuex piq pumz maq yaq tueq mvrax laung nuex dvyx vthvy gay rvhumc tuex,” ngoz tueq Moshe Tvrac nuex Yehowa rueq vkhoc nvr tueq lvmz kuex phvnx tueq.

2 HOKHVMX 22:8

Shaphan rueq muinz hokhvmx waz rueq nvr tueq kvjaz kuex Hilkia muex jungx tvtay kaz koq tueq, Shomc Yuimx mungx wawc Tvrac luik dvp kuex piq rueq humc tueq lvmz Hilkia rueq jungphvnx kuq tueq. Hilkia rueq luik dvp kuex piq muex kuq koq tueq, Shaphan rueq wvllawc tueq.

2 KAÜWA WERAÜ 25:4

Yuq muinz tsuingshiq suiuz vsaz htenc kuex piq rueq thvt gay muq. Piq kuex Yehowa rueq nvr tueq Moshe Tvrac phvnx tueq: “Tsuingshiq suiuz vsaz htenc yaq tueq ningkhvnc nuex vnyuiuz vwaz tamx thvy gay rvhumc tuex rvmuq, vnyuiuz vwaz tamx yaq gay ningkhvnc nuex vsuiuz vsaz hez thvy gay rvhumc tuex rvmuq; piq pumz maq yaq gay tueq ningkhvnc nuex dvyx vthvy gay rvhumc tuex,” ngoz tueq.

2 KAÜWA WERAÜ 35:12

Kvruex yimaq tsuinghez rueq Moshe Tvrac nuex jungx tueq rulc rv-ngvlc, kvruex htenc kuex shomc kuq lvp laz juing wvr maq jauk shomc kuy tvkoc nyvmx saz htenc kuex miq htenc hvl nuex yuimx taungx phungc tv-phvnc phvlx kuq tueq.

EJRA 6:18

Moshe luik nuex httax yaq tvhonc tvtharc bomc htenc rulc rv-ngvlc Yerusalem shomc yuimx nuex nawk palx yauk shuimc tvkoc tsuinghez muinz shomc waz bix nuiyc Lewi miqsaz htenc muex yauk shuimc phvlx kuq tueq.

NEHEMIA 13:1

Mungx miqsaz htenc muex Moshe Tvrac kuex hung vtueq wvl kuq koq tueq, Ammon nuiyc Moba miqsaz ukhaq muinz Tishox miqsaz htenc rulc mkaq muinz rvhumc rv-phek lvp muq mvy muq ngoz tueq.

DUNGWVNC 18:12

Kvruex yimaq Jethro rueq Tishox muex jauk vtueq shomc nawk kuy juing nuiyc vganc shomc kuy juing htenc kuex lvmz laq tueq; Arun nuiyc Israel walaungx bix lotlaz kuex piq rulc vdvmz vsawc ngvmx kuex Tishox khaungkac nuex phuiuz svy kay kaz wuez tueq.

DUNGWVNC 24:5

Kvruex yimaq piq rueq yalxrox bix kuex tvkaz vtueq, tsuinghez rueq Yehowa muex shomc nawk kuy juing htenc kuex jauk shomc kuq ruiux lux rvyaungc shomc nawk kuy tvkoc manx vbez kuex shomc kuq tueq.

Matthew 12:26

Kvkhoc rvtueq Satan rueq guimz yaq jix tsuingshiq vdvmz dvmz rvkhvt ruiux yuq, tsuingshiq mungtan kuex yvmx khoc lac phaungx ngaungx tvnx!

TRI CHONGKE 27:2

Nuimshiq rueq Yodan ruilx yanz wvnc vtueq Yehowa nuimshiq Tishox rueq kuq kv-phuinx mungx nuex httuiuc kaz tuinx raungnuiyq nuex nuimshiq rueq lung yunghvlc htenc kuex shungc vtueq engkvde maq nyvt tvy rax,

TRI CHONGKE 27:8

Engkvde maq vtsac shec lung htenc htauk kvyuq Tishox tvrac htenc kuex raungshuex raung wuiyq taq shuinz,” ngoz tueq jungx tueq.

JOSHUA 1:8

Nuimshiq rueq nawk palx ruiux yuq Tvrac luik dvp vruex mkaq muinz wvllawc rax. Kvruex luik dvp kuex raungnuiyq raungwvrx wvllawc vtueq, kvyuq wuiyq shec tueq phvnx ruip kuex mnoz rueq vsuingc suing phvnc rax tuex. Kvkhoc ngoz ruiux yuq jix mnoz kuex lot laungc yungx luz wvnc tuiux.