JOSHUA 7:7 - Hawa Naga Bible 2001

⁷ Yoshua rueq, “Johvlc Yehowa lex, yvmx ngoz tueq lac nuiyshiq muex Yodan ruilx kuex tvyanz wvnc phux? Amori miqsaz yauk nuex lekuy gay tvkoc haz? Shuex tvbac gay tvkoc lac? Nuiyshiq kuex Yodan ruilx kvkox ral nuex dvyx yvmx ngoz tueq lac tvhttax muq?

ASII LAKDAP Bible (BSI)

⁷ Raüta Joshua raq akhiishe achu jaüto, “Ajong Pinthum Tatiwe le! Riita, ümniiraq naishiq ka ara Jordan rai reko na jaramli wa sheawan laü? Naishiq ka Amoraiqnok jaq na kiinongkebaiq miishea shea wan laü? Naishiq ka ashthen baiq miitu shea? Riita, naishiq ka Jordan rai reko niili jamto simai riikai?

JOSHUA 7:7 Referencias Cruzadas

2 HOKHVMX 3:10

Hokhvmx Yoram rueq, “Naunghez vgvrx rvhumc tiq! Yehowa rueq naunghez waz thuimx kuex Moba hokhvmx yauk nuex shex lekuq gay phuex ngoc raung!” ngoz tueq.

Tvtsvmc 116:11

Ngaz hisungx taungx nuex doc muinz “Ukhaq muex muinz tvluimc mauk,” ngoz tueq jungx tueq.

DUNGWVNC 16:3

kvbot ngoz wuez tueq kuex, “Yehowa rueq nuiyshiq kuex Ejip mungx nuex thvt gay shec ruiux vhvlx ruec juing. Kvruex mungx maq nuiyshiq rueq ngvmx nuiyc vganc phuiuz vsvy kuex nuiyshiq rueq vroc phauk saq ruiux shix. Yuq muinz mnoz rueq nuiyshiq kuex kumtsvy tvnx vyuq shvlx laq vtueq, nuiyshiq lotlaz kuex rvmc muex tvthueyc khvmc muex haz shvlx laq phux,” ngoz tueq jungx tueq.

DUNGWVNC 17:3

Yuq muinz miq htenc kuex khvmx sac hvlc sac wvnc koq tueq Moshe muex ngoz ngax ruq ngoz wuez tueq. Tsuingshiq rueq, “Yvmx ngoz tueq lac nuiyshiq kuex Ejip mungx wawc shvlx laq phux? Nuiyshiq nuiyc nuiyshiq suiuz vsaz htenc, nyvmx saz htenc kuex khvmx svy muex tvthueyc muex haz?” ngoz tueq ngoz wuez tueq.

WEAWEA 14:16

mnoz rueq kuq phaungx ngoz tueq bomkhvmc taq toq mungx kvyuq tvhttuiuc shvlx lot muq ningkhvnc nuex, miq htenc kuex yaruix tvnx nuex tvhtumx thvt gay tueq ngoz tueq jungx saq wuez shuex.

WEAWEA 14:3

Yvmx ngoz tueq lac Yehowa rueq naungshiq kuex kvruex mungx nuex tvkaz vphvnx? Naungshiq kuex ralx khvt nuex dvyx htumx wvnc tix, naungshiq juik vsaz hez htenc kuex ralx rueq lvp wvnc rvhumc tuex. Ejip mungx nuex yek waung ruiux waz vhvlx ngoc raung?” ngoz tueq kvbot nyvnx wuez tueq.

Matthew 17:17

Yesu rueq tvralc tueq, “Kvmluimx thuinz vguez nuiyc vyaq miqsaz htenc lex! Nuimshiq rulc vdvmz ngaz kuex mtanc nuex httuiuc laz httaz naungc juing lac? Mtanc nuex httuiuc laz ngaz rueq nuimshiq muex nanx kuy juing lac? Kvruex nox miqwaz saz kuex ngvy kox nuex shvlx wvnc luit!” ngoz tueq.

Matthew 17:20

Yesu rueq tvralc tueq, “Nuimshiq kvmluimx thuinz vthvp ningkhvnc nuex rvtueq; nuimshiq muex ngaz rueq vsuing jungx kuq ix, nuimshiq nuex kvmluimx thuinz kuex yekex lix tanc saz httax ruiux yuq, ‘Vruex kanx kuex nuex kvyuq kvhttot wvnc kuiuz!’ ngoz ruiux yuq piq kuex kvhttot wvnc tuex. Nuimshiq rueq ruez lot muit juing yvmx muinz vguez.

Hebrews 12:5

Vsawc luik nuex Tishox rueq, “Isaz lex, Taungjix rueq tvhonc tvtharc yaq kuex tvtsuingc taq shuiuz, vpiq rueq mnoz muex httonx vtueq tvtharc ruiux yuq, thuinz nauk tvbac kaz.

JOSHUA 7:6

Yoshua nuiyc Israel miqsaz vyungx vlaungx bix htenc kuex thuinbac yonzyex vtueq miqmac khvy htenc kuex juir gay ruiux, Yehowa Bomkhvrc Jep kvlc nuex woalc ruiux, tsuinghez khux nuex bokkhuyx maq wuinc vtueq raungx tvyac laz yonzyec lvmz tvkhic tueq.

JOSHUA 7:8

O Taungjix lex, majuiuc Israel kuex ralx hez kox wawc yaz yix nuex yuz wvnc tueq ningkhvnc nuex ngaz rueq yvmx khoc ngoc juing lac?

1 SAMUEL 4:3

Tvraungx luenx wvnc tueq hez kuex jerak nuex yek koq tueq, Israel vyungx vlaungx bix rueq, “Majuiuc raungnuiyq Yehowa rueq yvmx ngoz tueq lac Philistin miqsaz muex tvtaungx gay phvnx? Vpiq kuex naungshiq rulc vdvmz kaz vtueq ralx yauk wawc naungshiq kuex palc wvnc tvkoc Shilo ghaq wawc Yehowa Bomkhvrc Jep kuex lvmz kaz ix,” ngoz tueq rvjungc wuez tueq.